Säämi kielârääđi

Säämi kielârääđist láá ovdâstum puoh kulmâ Suomâst sarnum sämikielâ: tavesämikielâ, aanaarsämikielâ já nuorttâsämikielâ. Kielârääđist lii tehálâš poolitlâš rooli sämikielâlâš vuoigâdvuođâi koccen já sämikielâi ovdedeijen oovtâst sämitige čäällimkoddeest tuáimee sämikielâ toimâttuvváin.

Tehálâš uási kielârääđi pargoost lii ohtsâšpargo säämi kielâlävdikuddijn sehe eres sämi- já ucceeblovokieláin já kielâtutkâmuššáin pargee pelijguin, moh láá ovdâm. Kotus (Päikkieennâm kielâi kuávdáš). Kielârääđist láá meiddei ovdâsteijeeh Euroop ucceeblovokielâi toimâttuv (EBLUL) Suomâ uásáduv, FIBLUL stiivrâst.

  • Sämitige čuákkim väljee säämi kielârááđán tige valjâpajan häävild saavâjođetteijee, värisaavâjođetteijee já vittâ eres jeessân sehe juáhážân persovnlii värijeessân.
  • Saavâjođetteijee já värisaavâjođetteijee kolgâv leđe tige eidusiih jesâneh.
  • Kielârääđist kalga leđe ucemustáá ohtâ jeessân Suomâ sämmilij jieškote-uv kielâjuávhust.
  • Kielârääđi kalga meid ovdâstiđ kielâ tutkâm já tipšom äššitubdâmuš nuuvt pyereest ko máhđulâš.
  • Sämmilij ohtsâštave-eennâmlii kielâpargo várás vuáđudemnáál toimâorgaanáid Suomâ jesânijn ucemustáá oovtâ viggeh valjiđ säämi kielârääđi jesânij juávhust.

Lävdikoodán toimâpaajeest 2024–2027 kuleh jesâneh já värijesâneh:

Jesâneh

Ulla-Maarit Magga, saavâjođetteijee
Leena Niittyvuopio-Jämsä, värisaavâjođetteijee
Anni Saara Aikio
Petter Morottaja
Suvi Niittyvuopio
Jouni Aikio
Veikko Feodoroff

Värijesâneh

Inker-Anni Magga
Marko Tervaniemi
Anna-Liisa Väyrynen
Hannu Kangasniemi
Ara Aikio
Margareetta Suoninen
Terhi Harju

Pargoid kuleh:

  • Kielârääđi pargon lii ereslasseen alnetoollâđ já ovdediđ Suomâst kevttum sämikielâid, adeliđ ravvuid já avžuuttâsâid kielâ- já nommâduvhuolâttâsân sehe terminologian lohtâseijee aašijn.
  • Ovdediđ kielâ tutkâmuš, jyehiđ tiäđu sämikielâin já uásálistiđ tave-eennâmlâš kielâohtsâšpaargon.
  • Lasseen säämi kielârääđi addel oovtâst sämikielâ toimâttuvváin vaaljâpojijmield muštâlus sämitiigán sämikielâ kyeskee lahâasâttâs heivitmist sehe sämmilij kielâlâš vuoigâdvuođâi olášuumeest já kielâtile ovdánmist.