Nuorâirááđán väljejeh ain kyevti ihán saavâjođetteijee, värisaavâjođetteijee já vittâ eres jeessân sehe juáhážân persovnlijd värijesânijd. Taah eidusiih jesâneh já värijesâneh kalgeh leđe valjiidijn 18–28-ihásiih. Lasseen nuorâirááđán väljejeh ain kyevti ihán enâmustáá vittâ pissoo äššitobdeejeessân, kiäh kalgeh leđe valjiidijn 15–17-ihásiih. Nuorâirääđi saavâjođetteijee já värisaavâjođetteijee iävá taarbâš leđe sämitige jesâneh.

Nuorâirääđi valmâštâl taid sämitige ciälkkámušâid, alguid já eres peleväldimijd, moh kyeskih säminuoráid tâi säminuorâi eellimtiilijd. Eres nuorâirääđi váldupargoh láá säminuorâi kielâlij já kulttuurlij vuoigâdvuođâi ovdedem pirrâ Suomâ sehe säminuorâi sämikulttuuridentiteet nanodem.

www.nuor.fi