Lävdikodeh

Sämitige čuákkim aasât valjâpajan nelji lävdikode; iäláttâs- já vuoigâdvuotâlävdikode, škovlim- já oppâmateriaallävdikode, kulttuurlävdikode sehe sosiaal- já tiervâsvuođâlävdikode. Lasseen Sämitige čuákkim aasât valjâpajan nuorâirääđi, säämi kielârääđi já valjâlävdikode. Valjâlävdikode toimâpaje lii uánihub ko eres lävdikuudijn.

  • Lävdikodeh tuáimih stiivrâ vuálásâžžân, valmâšteleh toimâsuárgásis kullee aašijd já taheh miärádâsâid suárgásis kullee vaarij jyehimist já kevttimist.
  • Lävdikudij saavâjođetteijeeh já värisaavâjođetteijeeh kalgeh leđe sämitige eidusâš jesâneh. Sii lasseen jyehi lävdikoodán kuleh vittâ eres jeessân sehe juáhážân persovnkuáhtásâš värijeessân.
  • Lävdikodeh kalgeh ovdâstiđ nuuvt pyereest ko máhđulâš Suomâ sämmilij kielâlâš já kuávlulâš juávhuid sehe šiev äššitubdâmuš toimâsyergistis. Lävdikudij pargoin lii meridum sämitige pargo-oornigist.