Sosiála- ja dearvvasvuohtalávdegoddi lea sámedikki sosiála- ja dearvvasvuohtapolitihkalaš evttohusaid, álgagiid, cealkámušaid ja bealiváldimiid válmmaštalli. Lávdegotti bargun lea maiddái ovddidit sámiid vuoigatvuođaid ja sajádaga Suoma sosiála- ja dearvvasvuohtafuolahusortnegis.

Lávdegoddi mearrida stáhta bušeahtas (váldoluohkká 33, sosiála- ja dearvvasvuohtaministeriija) sámegielat sosiála- ja dearvvasvuohtabálvalusaid sihkkarastimii dárkkuhuvvon stáhtadoarjaga geavaheamis. Dat válmmaštallá sámedikki čoahkkimii guhkit áigge plána sámegielat sosiála- ja dearvvasvuohtabálvalusaid fállamis ja addá jahkásaččat sámedikki čoahkkimii ja Lappi leanaráđđehussii čilgehusa sámegielat sosiála- ja dearvvasvuohtabálvalusaid sihkkarastimii dárkkuhuvvon stáhtadoarjaga geavaheamis. Lávdegoddi vástida ja fuolaha Davvi-Suoma sosiálasuorggi máhttinguovddážii mearriduvvon sámeálbmoga bálvalandárbbuid vuhtiiváldima gáibidan dárbbašlaš bargguid dikšumis.

Lávdegotti gieđahallan áššiid válmmaštallet ja ollašuhttet sosiála- ja dearvvasvuohtačálli ja Davvi-Suoma sosiálasuorggi máhttinguovddáža sámeossodaga plánejeaddji.

Sosiála- ja dearvvasvuohtalávdegoddái gullet jagiin 2016–2019 čuovvovaš lahtut ja várrelahtut:

Lahtut:
Veikko Feodoroff, ságajođiheaddji
Tuomas Aslak Juuso, várreságajođiheaddji
Nihkolas Valkeapää
Heidi Eriksen
Leena Niittyvuopio-Jämsä
Mira Hirvasvuopio
Pekka Pekkala
Varpu Falck

Várrelahtut:
Ulla-Maarit Magga
Sinikka Mäkinen
Pentti Morottaja
Antti Katekeetta
Jouni Ilmari Jomppanen
Joanna Tervonen
Airi Portti