DIEHTU KORONAVIRUSA BIRRA SÁMEGILLII
COVID-19

Ealáhus- ja vuoigatvuođalávdegoddi válmmaštallá Sámedikki evttohusaid, álgagiid, cealkámušaid sihke eará bealiváldimiid, mat gusket sápmelaččaid vuoigatvuođaid, ealáhusaid ja kulturárbbi sihke sámiid ruovttuguovllu birrasa ja eanageavaheami. Lávdegoddi bargá divttis oktasašbarggu sierra oktasašbargobeliiguin ja čanasjoavkkuiguin, main deaŧalamosat leat ee. sámiid ruovttuguovllu bálgosat ja sápmelašealáhusaid hárjeheaddjit, Sámemusea Siida, Meahciráđđehus sihke sámi ruovttuguovllu gielddat.

Lávdegoddi dahká jahkásaččat čilgehusa Sámedikki čoahkkimii sápmelaččaid sierravuoigatvuođaid ollašuvvamis ja sin guoski láhkaásahusáigumušaid ovdáneamis. Lávdegoddi ráhkada juohke válgabaji Sápmelaččaid vuoigatvuohta-, ealáhus-, kulturárbe- ja biraspolitihkalaš prográmma, mas meroštallojuvvojit lávdegotti doaibmasuorggi deaŧalamos ulbmilat ja doaibmabijut válgabajis. Prográmma doarju Sámedikki válgabaji doaibmaprográmma ollašuhttima.

Ealáhus- ja vuoigatvuođalávdegotti ovdanbuktin doibmejit Sámedikki láhkačálli, birasčálli sihke ealáhusčálli. Ealáhus- ja vuoigatvuođalávdegoddi čoahkkana birrasii njealje háve jagis.