Uásálist Kielâookon!
Giellavahkku / Ǩiõllneäʹttel / Kielâokko / Kieliviikko
Kuás: 23.–29.10.2023
Kost: Jyehi saajeest Suomâst, Ruotâst já Taažâst
Kiäs: Aaibâs puohah láá tiervâpuáttim mieldi já uásálistiđ
Kielâokko uárnejuvvoo 23.–29.10.2023. Sämitigge puávdee puohâid uásálistiđ teemaookon já pyehtiđ sämikielâid uáinusân teemaoho ääigi jieškote-uvlágán vuovijguin ovdâmerkkân orniimáin tábáhtusâid, kampanjaid teikâ kevttimáin sämikielâid almottâsâin já teevstâin.
Mii lii Kielâokko já mii lii ton ulme?
Kielâoho ulmen lii uážžuđ sämikieláid huámmášume, oinum já kullum puoh ohtsâškode uásisuorgijn Suomâst, Ruotâst já Taažâst. Sämikielah láá teháliih ovtâskâs kielâkevttei, sämiaalmugân já meiddei syemmilâš ohtsâškoodán. Sämikielah tuáimih viestâdem niävvun já toh láá uási identiteet, kulttuuräärbi já oohtânkulluuvâšvuođâ. Jieijâs kielâ oinum aargâst lii tehálâš sämikielâi kevtteid, sämikielâi sajattâhân, oohtânkulluuvâšvuođâ tobdon. Sämikielâi oinum čuujoot meiddei kielâi tuhhim ohtsâškoddeest. Kielâokko lii uárnejum ive 2019 rääjist, kuás viettii OA aalmugijkoskâsâš algâaalmugij kielâi ive. Kielâokko lii uárnejum ton rääjist jyehi ive roovvâdmáánust ohhoost 43. Sämitigge olášut Kielâoho oovtâstpargoost Ruotâ já Taažâ Sämitigijguin.
Mane eidu tii kannat uásálistiđ Kielâookon?
Mij tuáivup, ete Kielâookon uásálisteeh pyehtih oovdân já máhđulâšvuođâi mield kevttih sämikielâid toimâstis kielâohhoost. Mij halijdep, ete syemmilâš ohtsâškodde uáppá eenâb já pyerebeht iberdiđ sämikielâid, sämikulttuur já sämmilâš ohtsâškodde-eellim. Taan paargon tarbâšep puohâid mieldi. Uásálistmáin Kielâookon tij pyehtivetteđ tuárjuđ Suomâ já Euroop Union áinoo algâaalmug sämmilij Suomâst sarnum tavesämikielâ, aanaarsämikielâ já nuorttâsämikielâ.
Iävtuttâsah aktiviteettin já materiaal Kielâookon 2023
Kielâookon puáhtá uásálistiđ maaŋgânáál. Puáhtá kevttiđ vaalmâš materiaalijd teikkâ orniđ tábáhtusâid. Ovdâmeerhah já tiätu materiaalijn lii vuoluubeln leijee listoost.
- Sämikielah uážžuh oinuđ kevttimáin ovdâmerkkân sämikielâ uápistemkoolbâid. Vaalmâš uápistemkoolbah kávnojeh čujottâsâst Uápistemkoolbah tave-, aanaar- já nuorttâsämikielân sehe suomâkielân
- Sämikielâliih tiervâttâsah já meddâlorroomalmottâsah šleđgâpoostân
- Säänih já eđâlduvah kavppijd Power Point, Säänih já eđâlduvah kavppijd PDF
- Puáhtá kevttiđ sämikielâ tiervâttâsâid om. kulluuttâsâin, sosiaallâš mediast, máinusijn já almottâsâin. Tiervâttâsah kávnojeh Sämitige dokumentpaaŋki Sanastot-saajeest Pieni sanakirjanen | Sátnegirjjás | Sänikirjáš | Sääʹnnǩeârjaž-kirjeest.
- Kuáti.fi lii Sämitige paijeentoollâm säämi arâšoddâdem materiaalpaŋkki. Sijđostuvvâst kávnojeh ei. speelah párnáid.
- Tiäđuid sämmilijn kávnoo sijđostuvvâst Oktavuohta
- Sano se saameksi -projektist pyevtittum materiaal vievâst puáhtá uápásmuđ Suomâst sarnum sämikieláid ađai tavesämikielân, anarâškielân já nuorttâlâškielân. Siijđo sänikirje lii vuossâmuš sárnumkielâ siskeldeijee eđâldâhsänikirje neetist. Tun puávtáh kuldâliđ eđâlduvâid tavesämi-, anarâš- já nuorttâlâškielân. Siijđoin láá almosittum meid vittâ uánihisdokument, almoliih tiäđuh sämikulttuurist, soundboard sehe kyehti artikkâl kielâfáádást.
- Kielâoho plakaat, logoh já Snapchat-filtter Kielâoho siijđoh
- Tiervâttâsah Kielâookon
Lase iävtuttâsah Kielâoho aktiviteettin kávnojeh Kielâoho siijđoin.
Ko uásálistvetteđ Kielâookon, te mij tuáivup ete kevtivetteđ Kielâoho julgâštušâin, tiäđáttâsâin já tábáhtusâi ohtâvuođâst fáddátubdâlduv #giellavahkko2023. Kielâoho fáddátubdâldâh lii taan ive pittáámsämikielâ, mon čäällimvuáhádâh lii sämikielâin majemužžân nannejum ive 2019.
Mij tuáivup, ete uásálistvetteđ Kielâookon Oovtâst mij pyehtip uážžuđ sämikieláid uáinimsaje já lasettiđ tiettim sämikielâin Kielâohhoost roovvâdmáánust 2023!
Lasetiäđuh:
Säämi kielâašijčällee Marko Marjomaa, puh. 050 438 2484 / 010 839 3183 marko.marjomaa(at)samediggi.fi