Jorgalanbálvalusat

Sámegiela doaimmahaga giellajorgaleaddjit veahkehit dárbbašettiin virgeolbmuiguin áššiid dikšumis dárbbašlaš sámegielat áššegirjjiid jorgaleamis.

Ráva jorgalusaid diŋgomii Sámedikki sámegiela doaimmahagas

1. Jorgalanbivdda sáddejuvvo čujuhussii anne-kirste.aikio(at)samediggi.fi dahje njuolgga jorgaleaddjái:

  • Davvisámegiella: irma.laiti(at)samediggi.fi
  • Anárašgiella: tanja.kyro(at)samediggi.fi
  • Nuortalašgiella: merja.fofonoff(at)samediggi.fi

2. Almmut čielgasit man sámegillii bivddát jorgalusa

3. Almmut álo doivojuvvon doaimmahanbeaivvi

4. Almmut vuolggateavstta mearkameari, gaskamearkkaid haga

5. Almmut rehketčállinčujuhusa ja vejolaš čujuheapmi

6. Lavtte vuolggateavstta šleađgapostii álo word-vuorkán

Diŋgoma vuostáváldán jorgaleaddji sádde diŋgojeaddjái guitema ja almmuha leago doaimmahanáigetávval vejolaš.

Teaksta jorgaluvvo vuolggateavstta ala ja danin lea vealtameahttun, ahte vuolggateaksta lea word-vuorkán ja gárvvisin hábmejuvvon. Jorgaleaddjit eai daga teakstagieđahallama diŋgojeaddji beales.

Jos Sámedikki jorgaleaddjit eai sáhte dahkat jorgalusa, de sáhtát ohcat freelancer-jorgaleaddjiid Sámedikki jorgaleaddjiid ja dulkkaid listtás.

Geasa sámi giellaláhka guoská? dárkkis dáppe: https://www.finlex.fi/fi/laki/ajantasa/2003/20031086 


Hattit:

Sámedikki jorgalusaid hattit 1.2.2020 rájes:

Sámegiela doaimmahaga addin jorgalusas berrojuvvo máksu giellabáras suomagiella – sámegiella (davvisámegiella, anárašgiella dahje nuortalašgiella) dahje nuppegežiid 85 euro/siidu ja siiddus 1 560 mearkka gaskamearkkaiguin.

Juos deaksta, mii jorgaluvvo, lea dábálaš deavstta váddásut, jorgalanmávssu sáhttá bearrat nu, ahte lea bajiduvvon eanemustá 50 %:in, seammago hohpolaš barggu jorgalanmávssu sáhttá bajidit eanemustá 50%:in. Juos jorgaleapmi sisttisdoallá beaivádeami jorgalussii, mii lea juo gávdnomis, sáhttá vástideaddji láhkai hattis geahpedit 50 % dahje geavahit minimahatti.

Jorgalusaid minimahaddi lea 25 €.


Eará giellabálvalusat

Sámegiela doaimmahaga addin eará giellabálvalusain, deavstta dárkkisteamis ja dulkonbálvalusain berrojuvvo 70 euro juohke álgi diimmus.


Dulkon

Sámegiela doaimmahat ii ordne dulkonbálvalusaid, muhto bargoveahka sáhttá veahkehit gávdnat dulkkaid. Sámegiela dulkkaid sáhttá ohcat Sámedikki jorgaleaddjiid ja dulkkaid listtás.

Sámegiela doaimmahaga bargit rávvejit ja veahkehit mielas sámegillii ja sámi giellaláhkii laktáseaddji áššiin.