Jie´llikarttkõõskõs Skábma

Vuõssnaroodi jie´llikarttkõõskõs

Vuõssnaroodi jie´llikarttkõõskõs lij vooudlaž jie´llikartt- da audiovisuaalsa vuu´d resursskõõskõs, kåå´tt tuåimmai Lää´djânnam Sää´mtee´ǧǧ vuâlšen Aanrest. Tän poodd tuåimmjumuužž teäggat Mätt’tõsministeria da valdia jie´llikarttčeäppõstuåimmkå´dd.

Vuõssnaroodi jie´llikarttkõõskõs tue´rjjad sää´mǩiõl da kulttuur di rääjj oudldõõzzid saa´mi da jee´res vuõssnaroodi jii´jjes jiõn da kaarti vuei´nnempâjja da kuullâmpâjja jie´llikartt- da mediaindustriiđâst vuõssnaroodi jii´jjes määinaivui´m da jii´jjes alggšõddmõõžžin.

Vuõssnaroodi jie´llikarttkõõskõs tuärjjad jie´llikaart da mediaouddõõzzi plaannmõõžž, ooudâsviikkmõõžž da puu´ttõõzzid ooccee´l teäggtemkruugid da õhttsažtuâjjtaaurõõžžid di riâžžee´l škoou´l’jumuužžid da jie´llika´rtte kuulli pooddid sää´mvuu´dest.

Lââ´ssen kõõskõs liâvad sää´mjie´llikaartid jee´resnallšem pooddid, juâkk teâđaid sää´mjie´llikaartâst, vuu´dest da sää´m tuejjeejin. Skábma lij še mie´ldd riâššmen Skábmagovat –vuõssnaroodi jie´llikarttfestivaalid.

Tuejjumuužž
Vuõssnaroodi jie´llikarttkõõskõõzz tuâjjan lij

1. tue´rjjeed sää´mjie´llikartt- da TV-puu´ttõõzzid
2. reäšš jie´llikarttškoou´l´jumuužž, da –šõddumuužž
3. reäšš čuäj´tem- da liâvtemtuåimmjumuužž: (mm. Skábmagovat –jie´llikarttpoodd)

Naroodkõskksaž vuä´ss sää´mkulttuurkõõskõõzz

Aanar šõddi Sää´mkulttuurkõõskõs âânn se´st jie´llikarttkõõskõõzz lââ´ssen määŋgaid tuåimmjumuuzzid, jm. sää´mǩiõtt’tuõjju, sää´mmusii´ǩǩe, jie´llemvue´jjid kuulee´l di päärnaid da nuõrid jii´jjes konttres. Kõõskõõzz se´st puätt lee´d še sää´mǩe´rjjpõrtt.

Vuõssnaroodi jie´llikarttkõõskõõzz tuåimmjumuužž alggšõddmõõžž liâ jie´llemvue´ǩǩsa da kulttuursa. Kõõskõs äu´ǩǩad õhttsažtâ´vvjânnamlaž sää´mvuu´đ pu´httem synergiaouddõõzz jie´llikaarti ǩiõttǩee´rjtemmuužžâst, sniimm’mõõžžâst da eärben tõõi naroodkõskksaž teäggtumuužžâst. Lââ´ssen kõõskõs äu´ǩǩad Skabmagovat –jie´llikarttpooddi mie´ldd puhttum maai´lmšorradvuõđe´ld jie´llikarttsääi´m.