Jahki 2019 lea ON:a máilmmi eamiálbmotgielaid jahki (IYIL2019)

Temájagi ulbmilin lea čalmmustahttit máilmmi eamiálbmotgielaid dili. Mihttomearrin lea temájagiin lasihit ee. diđolašvuođa álgoálbmotgielaid birra ja daid áittavuloš sajádagas ja dan lassin gárgehit gielaid ja standardiseret daid. Máilmmi 6 700 gielas badjel 40 % leat áittavuložat. Dain stuorámus oassi leat eamiálbmotgielat.

Eamiálbmotgielaid jagi jođihan- ja koordinerenovddasvástadus lea addon UNESCOi. Temájagi doaimmaid váras lea čállon doaibmaplána ja temájagi mihttomeriid čuovvuma váras stivrenjoavkku, masa leat stáhta ja álgoálbmotovddasteaddjit leat nammadan lahttuid. Árktalašguovllu álgoálbmotovddasteaddjin lea válljejuvvon Norgga sámedikki presideanta Aili Keskitalo. UNESCO lea maid rahpan temájahkái neahttasiidduid: https://en.iyil2019.org, gosa buohkat sáhttet lasihit dieđuid dáhpáhusain ja oassálastimis temájahkái. Siiddus gávdno maiddái temájagi doaibmaplána. Siidduin čilgejuvvo movt temájahkái sáhttá oassálastit. Maiddái media ovddasteaddjit sáhttet searvat jahkái ovttasbargoguoibmin.

Sámediggi boahtá iežas doaimmaid bokte oassálastit temájahkái ovttasbarggus Norgga ja Ruoŧa Sámedikkiiguin ja temájagi áigge lágiduvvojit dáhpáhusat ja seminárat. Sámediggi hálida maid hástalit doibmiid searvat mo nu álgoálbmotgielaid temájagi ja lágidit dáhpáhusaid. Temájahki láhčá buori vejolašvuođa čalmmustahttit sámegielaid dili ja daid ovddideami.

https://en.iyil2019.org

Mii geavahit fáddágilkoriid sosiála mediain:

#IYIL2019 #sápmi #Indigenouslanguages #WeAreIndigenous