Sääʹmteʹǧǧ kåčč pukid vuässõõttâd teeʹmmneäʹttla ouddmiârkkân riâžžeeʹl šõddmõõžžid leʹbe kampanjaid di poouʹteeʹl sääʹmǩiõl ouʹdde jeeʹres naaʹlin. Ǩiõllneäʹttel mieʹrren lij kaggâd sääʹmǩiõli kuâsttjemvuõđ obb jânnmest. Ǩiõllneäʹttel riâššât õhttsažtuâjast Taarrjânnam da Ruõccjânnam Sääʹmtiiʹǧǧivuiʹm. www.giellavahkku.no
Sääʹm ǩiõllneäʹttel 21. – 27.10. 2019
Sääʹmteʹǧǧ kåčč pukid vuässõõttâd teeʹmmneäʹttla ouddmiârkkân riâžžeeʹl šõddmõõžžid leʹbe kampanjaid di poouʹteeʹl sääʹmǩiõl ouʹdde jeeʹres naaʹlin. Ǩiõllneäʹttel mieʹrren lij kaggâd sääʹmǩiõli kuâsttjemvuõđ obb jânnmest. Ǩiõllneäʹttel riâššât õhttsažtuâjast Taarrjânnam da Ruõccjânnam Sääʹmtiiʹǧǧivuiʹm.
Sääʹm ǩiõlltuâjj -ciist jueʹjjet eeʹjj looppâst
Sääʹmteʹǧǧ meâtt eeʹjj looppâst Sääʹm ǩiõlltuâjj -ciist. Ciist miõđât veʹrǧǧnekka leʹbe õõutstõʹsse, kååʹtt lij tuåimineez välddam lokku teeʹmmeeʹjj leʹbe muđoi jiânnai tuejjääm sääʹm ǩiõl õõuʹdeem õuʹdde Lääʹddjânnmest.
Muumlieʹǩǩ-rääid duʹbbjet sääʹmǩiõlid
Sääʹmteʹǧǧ eʹtǩǩii rosttovmannu looppâst Õõlmâsradiooʹje, što tõt altteʹči ođđ Muumlieʹǩǩ-rääid duʹbbjummuž sääʹmǩiõlid. Ođđ Muumlieʹǩǩ-rääid čuäʹjtet Ylest ǩeâđđa 2019 pueʹrmõs ǩiiččeemäigga televisiost di Yle Areenast lääʹdd- da ruõccǩiõllsaž version. Yle iʹlmmti 15.3.2019, što puuʹtat Muumlieʹǩǩ-rääidast še sääʹmǩiõllsaž versioid Sääʹmteeʹǧǧ eʹtǩǩõõzz meâldlânji.
Sääʹmteeʹǧǧ materiaalhaʹŋǩǩõs
Mättʼtõs- da kulttuurministeria miõtti Sääʹmtegga teäggtõõzz ÕM:i alggmeerai ǩiõli eeʹjj ouʹdde puʹhttma. Haʹŋǩǩõõzzâst lij mieʹrren čõõđted sääʹmǩiõl ââʹnnma älšmõʹtti kampanjaid, lââʹzzted sääʹmǩiõli kuâsttjemvuõđ Lääʹddjânnmest da raajjâd jeäʹrben päärnaid da nuõrid ǩiõl mättʼtõõllma da ââʹnnma tuärjjeei šõddmõõžžid da materiaalid.
Sääʹmteʹǧǧ õlmstâtt päärnai digimateriaal
Sääʹmteeʹǧǧ vuâlla škooulâkksai päärnai materiaalhaʹŋǩǩõs alttii tuåimmjummšes ođđeeʹjjmannu aalǥâst. Haʹŋǩǩõõzz õhttân täävtõssân lij tuärjjeed päärnai sääʹmǩiõl mättjummuž ânnʼjõžäiggsaž materiaalivuiʹm ouddpeâmmast, vuõssmättʼtõõzzâst da doomin. Tuärjjõõzz vääras lie ååʹn raajjâmnalla kueʹhtt mobiilspeâl, kueʹhtt digiǩeeʹrj, luʹvddspeâll da pååđbukva. Materiaalid õlmstââʹttet ǩeässa 2019.
Sääʹm kulttuurmieʹrrtieʹǧǧest miõttum kulttuurveäʹǩǩvuõđ eeʹjj 2019
Sääʹmteeʹǧǧ kulttuurluʹvddkåʹdd jueʹjji kulttuurluʹvddkååʹdd såbbrest 11.-12.2.2019 Mättʼtõs- da kulttuurministeria miõttam riikkveäʹǩǩvuõđâst eeʹjj 2019 õhttsiʹžže 176 000 sääʹmǩiõllsaž kulttuur ooudummša da sääʹmorganisaatioi tuåimmjummša (ns. säʹmmlaž kulttuurmieʹrrteäʹǧǧ). Säʹmmlai kulttuurmieʹrrtieʹǧǧ ooccmest smeʹllkõʹtteš ooccâd teäggtõõzz haʹŋǩǩõõzzid, koin vääʹldet lokku ǩiõlleeʹjj.
Skábmagovat -alggmeerai jieʹllikarttfestivaal 24.–27.1.2019
Skábmagovat-alggmeerai jieʹllikarttfestivaal päärnai- da nuõripeeiʹvin rieʹššeš tuâjjpaaʹjid nuõrttsääʹmǩiõʹlle pukid jooukid, de päärnain da nuõrin leäi vueiʹttemvuõtt mättjed nuõrttsääʹmǩiõl.
Ijahis idja
Ijahis idja -alggmeerai musikkšõddmõš lij 16.–17.8.2019 Aanrest, sääʹmkulttuurkõõskõs Sajoozzâst. Ijahis idja riâššât 16. vuâra da tõt õhtt-i lij sääʹm-musiikk festivaal Lääʹddjânnmest. Festivaalin lie konseeʹrt, ǩiõtt-tuâjjmarkkân, sporttǩeâlb di päärnai da nuõri peiʹvv. Festivaal čuõvvõmâs tääʹsn lie tän eeʹjj Mari Boine da ISÁK.
Ǩiõllseminaar 9.-10.10.2019, Aanar
Sääʹmteeʹǧǧ õõutveäkka reäʹšše 9.-10.10.2019 ǩiõllseminaar Aanrest sääʹm ǩiõlivuiʹm tuejjeeʹjid: jåårǥlõʹttjid, tuulkid leʹbe jeeʹres ǩiõlltuâjjlaid. Seminaar riâššât Taarrjânnam, Ruõccjânnam da Lääʹddjânnam Sääʹmtiiʹǧǧi da Sámi Giellagáldu õhttsažtuâjjan. Seminaar programm käunnai tääiʹben.
Seminaaʹre iʹlmmtõõttmõš tääiʹben.
Mij ââʹnnep täid tiõttid sosiaalʼlaž mediast:
#IYIL2019 #sápmi #Indigenouslanguages #WeAreIndigenous
Ruõccjânnam Sääʹmteeʹǧǧ ǩiõlleeʹjj seeid:
NUORTEN TAIDETAPAHTUMA
VIRTU -PALVELUPISTE
