Sámi giellavahkku 21.-27.10.2019
Sámediggi bovde buohkaid oassálastit temavahkkui ovdamearkka dihte ordnemin dáhpáhusaid, kampanjaid dahje ovdanbuktimin sámegielaid iešguđetgeláhkái. Giellavahkku ulbmilin lea loktet sámegielaid oidnoma olles riikkas. Giellavahkku lágiduvvo ovttasbarggus Norgga ja Ruoŧa Sámedikkiiguin. www.giellavahkku.no
Searvva Sámi giellavahkkui 21. – 27.10. 2019
Sámediggi bovde buohkaid oassálastit temavahkkui ovdamearkka dihte ordnemin dáhpáhusaid, kampanjaid dahje ovdanbuktimin sámegielaid iešguđetgeláhkái. Giellavahkku ulbmilin lea loktet sámegielaid oidnoma olles riikkas. Giellavahkku lágiduvvo ovttasbarggus Norgga ja Ruoŧa Sámedikkiiguin.
Sámi gielladahkku -bálkašupmi juhkkojuvvo jagi loahpas
Sámediggi mieđiha jagi loahpas Sámi gielladahku -bálkkašumi. Bálkkašupmi mieđihuvvo virgeoapmahažžii dahje servošii, mii lea doaimmastis fuopmášahttán temájagi dahje eará láhkái ánssolaččat bargan sámegiela ovddideami ovdii Suomas.
Sámedikki álgga Mumen – animašuvnna ráiddu dubbemis ollašuvvá
Sámediggi evttohii juovlamánu loahpas Yle:i, ahte dat álggahivčče ođđa Mumenvággi-ráiddu dubbema sámegielaide. Ođđa Mumenvággi-ráidu čájehuvvo Yle:s giđđat 2019 buoremus geahččanáigge televišuvnnas ja maiddái Yle Areenas suoma- ja ruoŧagielat veršuvdnan. Yle almmuhii 15.3.2018, ahte buvttada Mumenvággi-ráiddus maiddái sámegielat veršuvnnaid Sámedikki evttohusa mielde.
Sámediggi boahtá almmustahttit mánáid digimateriála
Sámedikki Vuollái skuvlaahkásaš mánáid materiálaprošeakta álggahii doaimma ođđajagemánu álggus. Prošeavtta oktan ulbmilin lea doarjut mánáid sámegiela oahppama dálá áigge materiálaiguin árrabajásgeassimis, ovdaoahpahusas ja ruovttuin. Doarjaga várás leat dál ráhkadeamen guokte mobiilaspealu, guokte digigirjji, lávdespealu ja bođubustávaid. Materiálat almmustuvvet geasset 2019.
Sámedikki materiálafitnu
Oahpahus- ja kulturministeriija mieđihii Sámediggái ruhtadeami ON:id eamiálbmogiid gielaid jagi fuopmášahttimii. Plána vuolde lea materiála nu njuoratmánáide go ahkeolbmuide: sámegielat njuoratmánágirjjit, sámegielat ivdnelávgun, fergengirji, skuvlalaččaide nuoraid sátnegirjeapplikašuvdna ja giellakampánjat, rávvagat giellaválljejumiide vánhemiidda ja ádjáide ja áhkuide, konsearttat, giellageavaheapmái movttiidahtti materiála, girjjit ja ollu eará.
Sámi kulturmearreruđas mieđihuvvon kulturdoarjagat
Sámedikki kulturlávdegoddi jugii kulturlávdegotti čoahkkimis 11.-12.2.2019 Oahpahus- ja kulturministeriija mieđihan stáhtadoarjaga jagi 2019 oktiibuot 176 000 sámegielat kultuvrra ovddideapmái ja sámeservviid doaibmamii (ng. sámi kulturmearreruhta). Sámedikki kulturmearreruđain ávžžuhuvvui ohcciid váldit vuhtii eamiálbmotgielaid temájagi.
Skábmagovat-eamiálbmogiid filbmafestivála 24.‒27.1.2019
Skábmagovat-eamiálbmogiid filbmafestivála mánáidbeivviin ledje bargobajit nuortalašgillii buot joavkkuide, nu ahte mánáin lei vejolašvuohta gullat ja oahppat nuortalašgiela.
Ijahis idja-festivála 16.-17.8.2019
Ijahis idja -eamiálbmogiid musihkkafestivála lágiduvvo 16.-17.8. Anáris, sámekulturguovddáš Sajosis. Ijahis idja lágiduvvo dál jo 16. geardde ja dat lea áidna sámemusihkkafestivála Suomas. Festivála prográmmas leat konsearttat, duodjemárkanat ja valáštallangilvvut sihke mánáid- ja nuoraidbeaivi. Festivála váldonásttit leat dán jagi Mari Boine ja ISÁK.
Giellaseminára 9.-10.10.2019, Anár
Sámedikkit lágidit ovttas giellaseminára earenomážit daidda, geat barget sámegielaiguin: jorgaleaddjin, dulkan dahje eará giellabargin. Seminára lágiduvvo Norgga, Ruoŧa ja Suoma sámedikkiid ja Sámi Giellagáldu ovttasbargun. Seminára ollislaš prográmma gávnnat dáppe.
Seminárii almmuheapmi gávdno dáppe.
Mii geavahit fáddágilkoriid sosiála mediain:
#IYIL2019 #sápmi #Indigenouslanguages #WeAreIndigenous
Ruoŧa sámedikki giellajagi siiddut:
VIRTU -PALVELUPISTE
