Säämi kielâokko 21.-27.10. 2019
Sämitigge pivdá puohâid uásálistiđ teemaookon ovdâmerkkân orniimáin tábáhtusâid tai kampanjaid sehe pyehtimáin sämikielâ oovdân sierâ vuovijguin. Kielâoho ulmen lii lasettiđ sämikielâi oinum oles enâmist. Kielâokko uárnejuvvoo oovtâstpargoost Taažâ já Ruotâ Sämitigijguin. Kaavnah lasetiäđuid meid ohtâsâš nettisiijđost: www.giellavahkku.no
Säämi kielâokko 21. – 27.10. 2019
Sämitigge pivdá puohâid uásálistiđ teemaookon ovdâmerkkân orniimáin tábáhtusâid tai kampanjaid sehe pyehtimáin sämikielâ oovdân sierâ vuovijguin. Kielâoho ulmen lii lasettiđ sämikielâi oinum oles enâmist. Kielâokko uárnejuvvoo oovtâstpargoost Taažâ já Ruotâ Sämitigijguin.
Säämi kielâtaho -palhâšume juáhhoo ive loopâst
Sämitigge mieđeet ive loopâst Säämi kielâtaho -palhâšume. Palhâšume mieđettuvvoo virgeomâhâžân tâi siärvádâhân, kote lii toimâstis váldám huámmášumán teemaive tâi mudoi ánsulávt porgâm sämikielâ oovdedmân Suomâst.
Muumileehi-ráiđu ráhtoo sämikielân
Sämitigge iävtuttij juovlâmáánu loopâst Yleisradion, ete tot rähtiškuáđáččij uđđâ Muumileehi-rááiđu sämikielân. Uđđâ Muumileehi-ráiđu oovdânpuáhtoo Ylest kiđđuv 2019 pyeremuu keččâlemääigi televisiost sehe Yle Areenast suomâ- já ruotâkielâ version. Yle almottij 15.3.2019, ete tot pyevtit Muumileehi-rááiđust meid sämikielâlijd versioid Sämitige iävtuttâs miäldásávt.
Sämitige materiaalhaahâ
Máttááttâs- já kulttuurministeriö mieđettij Sämitiigán ruttâdem OA algâaalmugkielâi ive oovdânpyehtimân. Haavâst lii tárguttâs olášuttiđ sämikielâ kiävtun movtijdeijee kampanjaid, lasettiđ sämikielâi oinum Suomâst já rähtiđ eromâšávt párnáid já nuoráid kielâ máttááttâllâm já kiävtu tuárjoo tábáhtusâid já materiaalijd.
Sämitigge almostit párnái digimateriaal
Sämitige vuálá škovlâahasij párnái materiaalhaahâ algâttij tooimâs uđđâivemáánu aalgâst. Haavâ ohtân ulmen lii tuárjuđ párnái sämikielâ oppâm táálái materiaalijguin arâšoddâdmist, ovdâmáttááttâsâst já pääihist. Tuárjum várás láá tääl rähtimnáál kyehti moobiilspellâ, kyehti digikirje, lyevdispellâ já pođoipustaveh. Almostittep materiaalijd loppâive ääigi 2019.
Sämmilii kulttuurmeriruuđâst mieđettum kulttuurtorjuuh
Sämitige kulttuurlävdikodde juovij kulttuurlävdikode čuákkimist 11.-12.2.2019 Máttááttâs- já kulttuurministeriö mieđettem staatâtorjuu ive 2019 ohtsis 176 000 sämikielâlii kulttuur oovdedmân já sämiseervij tooimân (nk. sämmilâš kulttuurmeriruttâ). Sämmilij kulttuurmeriruuđâi ucâmist movtijdittii uuccâđ ruttâdem havváid, main váldoo huámmášumán kielâihe.
Skammâkoveh – algâaalmugij elleekovefestivaal 24.-27.1.2019
Skammâkoveh – algâaalmugij elleekovefestivaal párnái- já nuorâipeeivijn uárnejii pargopáájáid nuorttâlâškielân puoh juávhoid, te párnáin já nuorâin lâi máhđulâšvuotâ oppâđ nuorttâlâškielâ.
Ijâttes ijjâ -festivaal
Ijâttes ijjâ -algâaalmugij muusiktábáhtus uárnejuvvoo 16.-17.8.2019 Anarist, Säämi kulttuurkuávdáš Sajosist. Ijâttes ijjâ uárnejuvvoo tääl jo 16. keerdi já tot lii áinoo sämimuusikfestivaal Suomâst. Festivaal ohjelmist láá konserteh, tyejimarkkâneh já valastâllâmkištoh sehe párnái- já nuorâipeivi. Festivaal váldutääsnih láá taan ive Mari Boine já ISÁK.
Kielâseminaar 9.-10.10.2019, Aanaar
Sämitigeh uárnejeh oovtâst kielâseminaar eromâšávt ulmuid, kiäh pargeh sämikielâiguin: jurgâleijeid, tulháid tâi eres kielâpargeid. Seminaar uárnejuvvoo Taažâ, Ruotâ já Suomâ Sämitigij já Säämi Kielâkäldee ohtsâšpargon. Seminaar oles ohjelm lii tääbbin.
Seminaarân almottâttâm tääbbin.
Mij kevttip taid tubdâlduvâid sosiaallii mediast:
#IYIL2019 #sápmi #Indigenouslanguages #WeAreIndigenous
Ruotâ Sämitige kielâive siijđoh:
NUORTEN TAIDETAPAHTUMA
VIRTU -PALVELUPISTE
