Sámedikki čoahkkin 5/2021 dollojuvvo 17.12.2021 dmu 9 – 18 Anáris (Sajos). Jos koronadilli guovllus vearrána, doallat čoahkkima gáiddusčoahkkimin.

Sámedikki čoahkkin ovddasta Sámedikki bajimuš mearridanválddi. Dat čoahkkana 4-5 geardde jagis. Sámedikki čoahkkin mearrida váldooasis sámedikki addin cealkámušain, evttohusain ja eará oaiviliin. Stáhtaráđđi mearrida sámedikki lahttun (21) ja várrelahttun (3) sámediggeválggain eanemus jienaid ožžon olbmo, goittotge nu, ahte juohke sámi ruovttuguovllu gielddas (Eanodat, Anár, Soađegilli ja Ohcejohka) bohtet uhcimustá golbma lahtu ja guđege gielddas okta várrelahttu. Čoahkkináššegirjjit gávdnojit dokumeanttain dáppe.

Ná beasat čuovvut čoahkkima

Čoahkkima beasat čuovvut Zoom webinára bokte. It dárbbaš sierra Zoom-heivehusa, muhto sáhtát čuovvut čoahkkima bláđejeaddji bokte. Sáhtát goittotge hálidettiin luđet heivehusa Zoom siidduin. Dáppe gávnnat rávvagiid Zoom luđema várás.

• Čoahkkima liŋka: https://zoom.us/j/97601952340?pwd=Wm9FSXFKdm9LeDhFRmpjYXVpcmhVQT09
• Webinára ID-nummir: 976 0195 2340
• Suollemassátni: 672405

Go searvvat čoahkkimii:

• Zoom-heivehus: Go leat luđen Zoom-heivehusa telefovdnii dahje dihtorii, liŋkka coahkkalettiin rahpasa neahttasiidu, mii jearrá oassálastis lobi rahpat liŋkka Zoom-heivehusas. Dohkket liŋkka rahpama heivehusas.
• Zoom bláđejeaddji bokte: Go coahkkalat čoahkkima liŋkka, stivre dihtor navddusbláđejeaddji rahpat ođđa gaskasiiddu dahje ruvtto. Dán oidnosis galgá čoahkkalit Join from my browser, man maŋŋá Zoom jearrá du nama.

Čoahkkima áigge:

• Tulkoma sáhtát válljet Interpretation boalus. Čoahkkin tulkojuvvo davvisámegillii, anárašgillii, nuortalašgillii ja suomagillii.
• Coahkkal Interpretation fálus Mute Original Audio, go guldalat tulkoma. Dat eastá álgojiena sehkkemis tulkoma.
• Juos háliidat guldalit čoahkkimis geavahuvvon giela, de raba Interpretation fálu ja vállje Off.

Lassidieđut:

Johanna Alatorvinen
Dieđihančálli
040 663 4493
johanna.alatorvinen@samediggi.fi

Pasi Aikio
Vuogádatáššedovdi
040 581 2102
pasi.aikio@samediggi.fi