Sámeoahpahusa davviriikkalaš forum

Sámekulturguovddáš Sajos SajosAnár | Inari,

Suoma oahpahus- ja kulturministeriija ja Sámediggi bovdejit sámeoahpahusa davviriikkalaš forumii Sámekulturguovddáš Sajosii Anárii 1.-2.12.2021. Sámeoahpahusa davviriikkalaš ovttasbarggu ovddideapmi lea okta dain ulbmiliin, maid Suopma lea ásahan iežas Davviriikkaid ministtarráđi ságajođiheaddjebadjái. Forum lea okta Suoma ságajođiheaddjebaji dáhpáhusain. Foruma ulbmilat leat ollislaš gova hábmen sámeoahpahusa diliin Suomas, Ruoŧas ja Norggas, sámeoahpahusa rájáid rasttilteaddji ovttasbarggu nannen, ođđa ovttasbargovugiid gávdnan […]

Sámedikki stivrra čoahkkin

Sámediggi vállje gaskavuođastis stivrra, masa gullet lahttun sámedikki ságajođiheaddji, guokte várreságajođiheaddji ja njeallje eará lahtu. Stivra doaibmá sámedikki čoahkkima vuollásažžan ja dan dehaleamos bargun lea vástidit politihkalaš doaimmas ja hálddahusas ja maiddái fuolahit sámedikki čoahkkimiid válmmaštallamis. Stivra čoahkkana sullii oktii mánotbajis.

Sámedikki čoahkkin 5/2021

Sámekulturguovddáš Sajos SajosAnár | Inari,

Sámedikki čoahkkin ovddasta Sámedikki bajimuš mearridanválddi. Dat čoahkkana 4-5 geardde jagis. Sámedikki čoahkkin mearrida váldooasis sámedikki addin cealkámušain, evttohusain ja eará oaiviliin.