Sosiáladorvu 

Sápmelaččaid vuoigatvuođaid ja sajádaga eamiálbmogin berrešii váldit vuhtii sosiáladorvoláhkaaddimis. Sápmelaččaid árbevirolaš ealáhusain lea erenoamáš kultuvrralaš mearkkašupmi oppa sámeservošii. Das mo sápmelaččat bargguiduhttet iežaset árbevirolaš ealáhusain ja boađuid meroštallama oasil dárbbašuvvošedje kultuvrra mieldásaš heivehanrávvagat.

Sosiáladorvu fállá vuođđoáigáiboađu dakkár diliin, main olmmoš ii nagot ieš váldit ovddasvástádusa. Suomas sosiáladorvvu doibmiibidjamis fuolahit Kela, gielddat, bargguhisvuođakássat ja ealáhat- ja eará oadjolágádusat. 

Sápmelaččaid sosiáladorvvu ja eallindiliid ovdánahttin eaktuda ahte áddet ja vuhtii váldit sápmelaččaid eallinvugiid ja sierradárbbuid. Skuvlen – ja doarjjadoaimmaid ovdánahttin kultuvrra vuođul buorida sápmelaččaid vejolašvuođaid orrut iežas ruovttuguovllus. Vejolašvuohta oaččut barggu ruovttuguovllus addá sápmelaččaide vejolašvuođaid ovdánahttit iežaset kultuvrra, eallindiliid ja guovllu  kultuvrra iešstivrema vuođul ja nanne sámeservoša. Erenoamáš fuopmášumi berre giddet nuoraide geat leat ravgásanváras. Maid fidnobargiid, geat ožžot birgenlágiset sápmelaččaid árbevirolaš ealáhusain ja lotnolasealáhusain, áigáiboađu ja sosiáladorvvu berre ovdánahttit. Dan lassin láhkaaddima berrešii ođđasit árvvostallat. Láhkaásaheamis berrešii váldit vuhtii sámeealáhusaid sierraiešvuođaid ja kultuvra mearkkašumi ja doarjut  sápmelaččaid vejolašvuođa  dinet birgenlágiset árbevirolaš ealáhusain. 

Sámedikki sosiála- ja dearvvasvuođasuorggi ovddidanprográmmas (2016-2019) leat evttohuvvon doaibmabijut sosiáladorvvu ovddideami várás. Dákkárat leat ovdamearkka dihte nuoraide oaivvilduvvon skuvlen- ja doarjjadoaimmaid ovdánahttin vai vejolašvuođat oažžut barggu ja oasálašvuohta livččii buoret; sápmelaččaid árbevirolaš ealáhusain ja lotnolasealáhusain birgenlágiset oažžuid áigáiboađu, sosiáladorvvu , veajuiduhttima ja sadjásašveahki ovdánahttin , sihke sosiáladorvoláhkaaddima ovdánahttin vástidit buorebut sápmelaččaid sierradárbbuid. 

Álbmotealáhatlágádusa fállan sosiáladorvvu birra gávdno diehtu Kela ruovttusiidduin anárašgillii, nuortalašgillii ja davvisámegillii. Sámegielat ohcanskovit gávdnojit dáppe.