Sámediggi ovddida sámiid vuođđovuoigatvuođaid ollašuvvama sosiála- ja dearvvasvuođabálvalusain.
Sámi sosiála- ja dearvvasvuođasuorggi guoski ovddidandoaimmaid vuolggasadjin lea sámiid riektedili ja iešmearridanvuoigatvuođa ovddideapmi sosiála- ja dearvvasvuođafuolahusas.
Ovddidanprográmma ollašuhttin vuođđuduvvá Sámedikki sajádaga nannemii ja stáđásmahttimii servodatlaš doaibmin (áššedovdamuš, fierpmádatgaskavuođat, doaibmaeavttut) sihke vuorrováikkuheaddji gaskavuođaid nanosmuvvamii sámeveahkadaga ektui (gulahallan). Sámiid sode-suorggi ovddidanprográmma váldoulbmilat:
- Ovddidit sámiid oasálašvuođa ja duođalaš váikkuhanvejolašvuođaid
- Lasihit sámegielat ja kultuvrii vuođđuduvvi bálvalusaid fitnašuvvama ja olahahttivuođa
- Nannet sámeveahkadaga psyhkalaš buresveadjima ja ovddidit mielladearvvasvuođabálvalusaid ja daid fitnašuvvama
- Ovddidit sámeveahkadaga sosiáladorvvu ja eallindiliid
- Ovddidit digitalisašuvnna ja diehtodorvvu ollašuvvama sámeveahkadahkii oaivvilduvvon bálvalusain
- Dorvvastit sámiid sode-suorggi ovddidandoaimma jotkkolašvuođa ja ovddidit sámiid dearvvasvuođa sihke buresveadjimii guoski dieđubuvttadeami
- Gulahallan – Ovddidit vuorrováikkuhusa sámeveahkadagain áššiin, mat laktásit sosiála- ja dearvvasvuođafuolahussii.
