Skuvlen ja oahppamateriála

Sámedikki oahppamateriálat

Skuvlen ja oahppamateriála

Sámediggi ovddida sámegielaid, sámegielat sihke sámi kultuvrra oahpahusa.

Sámedikki skuvlen- ja oahppamateriálalávdegoddi sihke skuvlen- ja oahppamateriáladoaimmahat barget ovttas sámiid ruovttuguovllu gielddaiguin, eará skuvlema ordnejeaddjiiguin, davviriikkalaš vástideaddji orgánaiguin ja stáhta oahpahushálddahusain. Sámediggi ovddasta sámiid jiena skuvlenpolitihkas. Sámegielaid ja sámi kultuvrra sajádat oahpahusas lea okta deháleamos sámiid boahttevuođa gažaldagain.

Skuvlen ja sámegielat oahppamateriálabargu

Sámegiella lea gullan skuvlla oahpahusprográmmii vuođđoskuvlla álgojagiid rájes. Sámegielat oahpahus álggahuvvui Ohcejogas ja Anáris 1970-logu beallemuttus. Buot sámiid ruovttuguovllu vuođđoskuvllat ja logahagat addet dán áigge sámegiela oahpahusa. Buot sámiid ruovttuguovllu gielddat ordnejit sámegielat oahpahusa vuođđoskuvllas.

Statistihkat

Sámegielat oahppamateriálat

Sámediggi buvttada ja ruhtada sámegielat oahppamateriálaid ovda- ja vuođđooahpahusa, logahagaid, ámmátlaš ja rávisolbmuid skuvlejumi dárbbuide. Dás beasat geahččat ja diŋgot sámegielat oahppamateriála.

Skuvlen- ja oahppamateriála-doaimmahat

Skuvlen- ja oahppamateriáladoaimmahat vástida sámegielat oahppamateriála plánemis, válmmašteamis ja juohkimis, sámenuoraid dáiddadáhpáhusa ordnemiin, almmustahttá sámeoahpahusa statistihkaid ja doallá oktavuođa sámeoahpahusa lágideaddji gielddaide ja skuvllaide ja maiddái oahpahusa hálddahussii.

Skuvlen- ja oahppamateriála-lávdegoddi

Skuvlen- ja oahppamateriálalávdegoddi lea sámedikki skuvlenpolitihkalaš ja sámegielat beaivedikšui gullevaš evttohusaid, álgagiid, cealkámušaid ja bealiváldimiid válmmaštalli orgána. Lávdegotti mearrida maiddái oahppamateriálabarggu plánemis ja bušeahtas.

Diehtu sámeáššiin oahpahusa várás

Oktavuohta.com -siiddut fállet sámedieđu oahpahussii ja eará berošteaddjiide ja daid leat Sámediggi ja Oahpahusráđđehus doaimmahan ovttasbargun. Siiddut sisttisdollet dieđuid sámiid álbmotlaš symbolain, sámekultuvrra sierra surggiin, sámeservožis ja dáhpáhusain. Siidduin leat artihkalat, govat, videot ja liŋkkat. Siiddut leat doisttažii suomagillii.

Sámenuoraid dáiddadáhpáhus

Sámediggi ordne jahkásaččat ovttas gielddaiguin ja baikkalaš sámeservviiguin sámenuoraid dáiddadáhpáhusa. Dáiddadáhpáhus ordnejuvvo vurrolagaid sierra gielddain ja dasa bovdejuvvojit buot sámi mánát ja nuorat sihke buot sámegiela ja sámegielat oahpahusas leahkki mánát ja nuorat.

Sámegielaid gáiddusoahpahus

Sámegielaid gáiddusoahpahusa pilohttafidnu lea fidnu, man jođiha Ohcejoga gielda ja koordinere Sámediggi. Fidnu ollašuhttináigi lea 1.8.2018-31.12.2020. Fidnus addojuvvo sámegielaid (anáraš-, nuortalaš- ja davvisámegiela) gáiddusoahpahus. Fidnu ruhtada oahpahus- ja kulturministeriija.

Kuáti -materiálabáŋku

Kuáti.fi lea sámi árrabajásgeassinmateriálabáŋku, man Suoma sámediggi bajásdoallá ja lea čohkken. Siidduid ulbmil lea doaibmat sámi árrabajásgeassima pedagolaš, gielalaš ja kultuvrralaš doarjjan sihke leat fierpmádahkan.