Dihtosis lii Sämitige Nuorâirääđi já Nuorâi akatemia ohtsâš haahâ, mon ulmen lii lasettiđ válduaalmug párnái já nuorâi tiäđulâšvuođâ sämmilijn já sämikulttuurist. Haavâ ulmen lii olášuttiđ sämifáádá miäldásijd škovlâkolliistâlmijd sehe movtijdittiđ škoovlâid pirrâ Suomâ kietâdâllâđ fáádá jieijâs oppâtiijmijn ovdâmerkkân juhlomáin ihásávt sämmilij aalmugpeeivi kuovâmáánust.

Haavâ vuossâmuu kyevti uási ääigi láá olášuttum paijeel 160 škovlâkolliistâlmid pirrâ Suomâ. Škovlâkyessin toimii paijeel 18-ihásiih säminuorah. Kolliistâllâmpääihih láá lamaš uáivikaavpugkuávlu, Turku, Tampere, Jyväskylä, Oulu, Ruávinjargâ, Suáđigil sehe toi aldakuávluh. Haavâ ooleest lii pyevtittum vyehikorttâpakkâ já Seppo-spellâvuáđun ovdedum Sukellus saamelaisuuteen -moobiilspellâ, maid máttáátteijeeh já stivrejeijeeh pyehtih anneeđ, ko kieđâvušeh sämikulttuur párnáiguin já nuorâiguin. Mávsuttes moobiilspeelâ já vyehipaakâ tun puávtáh tiiláđ tääbbin. Paakah láá pyevtittum suomâ- já ruotâkielân.

Haahâ juátkoo oppeet luuhâmive 2020–2021. Ärbivuáválij škovlâkolliistâlmij lasseen olášuteh škovlâkolliistâlmijd káidusohtâvuođâiguin, vâi jukseh škovláid väldikodálávt pyerebeht, sehe vuávájeh já olášuteh škovlâkolliistâlmijd já sämifáádá miäldásii moobiilspeelâ meid vyeliškovlâahasáid. Vyeliškovláid čuosâttum toimâ vuálgá joton uđđâivemáánust 2021. Sukellus saamelaisuuteen –moobiilspellâ jurgâluvvoo tavesämikielân, speelâ tavesämikielâlâš versio almostittoo uđđâivemáánust 2021.

Dihtosis-haavâ ruttâd Máttááttâs- já kulttuurministeriö. Hahâäigi: 1.7.2018-30.6.2021.

Lasetiäđuh:

Nuorâi Akatemia Ulla Saalasti, proojeekthovdâ, puh: 040 567 4203, ulla.saalasti(at)nuortenakatemia.fi

Nuorâi Akatemia Maria Aikio, proojeektkoordinaattor, puh: 040 8470 862, maria.aikio(at)nuortenakatemia.fi