Sämitige nuorâirääđi De!-projektist ovdedeh nuorâi astoäigitooimâ puoh Suomâst sarnum sämikielân. Proojeekt ulmen lii movtijdittiđ säminuorâid vuáváđ jieš, ete maggaar sämikielâlii astoäigitooimân sij halijdiččii uásálistiđ.
Proojeekt ääigi olášuteh nuorâi vuávám sämikielâlii astoäigitooimâ pilotijd. Ulmen lii nanodiđ sämikielâlii nuorâikulttuur já ruokâsmittiđ nuorâid kevttiđ sämikielâid meid astoääigis. De!-proojeekt ovdánem puáhtá čuávvuđ Nuorâirääđi sosiaallii media kanavijn, Instagramist já Facebookist. Proojeekt olášuttoo 1.10.2018-30.8.2019 já tom ruttâd Leader Pohjoisin Lappi.
Lasetiäđuh:
Proojeektpargee Tuuli Miettunen, tuuli.miettunen@samediggi.fi, puh. 010 839 3133 / 040 650 7505
