Sámenuoraid dáiddadáhpáhus cuoŋománus Anáris – tubedeaddji Mansikkka duopmárin

Sámenuoraid dáiddadáhpáhus

16.03.2017
Jagi 2017 temán dánsa ja “duodji/ tyeji/ tuejj”

Sámenuoraid dáiddadáhpáhus 2017 dollojuvvo Heahtá skuvlla lihkadansálas miessemánu 4. beaivve (vahkus 18). Jagi temán lea dánsa ja nubbin temán lea ”duodji/ tyeji/ tuejj”. Heahtá dáhpáhus bistá ovtta beaivvi.

Oahpaheaddjit/bagadeaddjit sáhttet almmuhit iežaset joavkkuid dušše interneahtas Webropol-prográmma bokte. Almmuheapmi lea rabas 7.4. rádjai, man maŋŋá prográmma giddejuvvo. Maŋŋonan almmuhusaid eat sáhte váldit vuhtii. Webropolii beasat dás.

Bivdit mánáid ja nuoraid doaimmahit iežaset sámedujiid čájáhussii, mii ordnejuvvo dáiddadáhpáhusa oktavuhtii. Čeahpimus duojárat ožžot stipeandda dáhpáhusbeaivve.

Heahtás válljejuvvojit sámenuoraid ovddasteaddjit riikkaviidosaš MOVES -dánsundáhpáhussii, mii lea Roavvenjárggas 26.-28.5.2017. Dáhpáhusa birra sáhttá lohkat eanet čujuhusas http://nuorikulttuuri.fi/moves/. Sámenuoraid dáiddadáhpáhusas leat seamma njuolggadusat, muhto doppe lea iežas luohkká maiddái vuollái 10-jahkásaččaide.

Logo: Tanja Sanila

Sámediggi ordne jahkásaččat ovttas gielddaiguin ja baikkalaš sámeservviiguin sámenuoraid dáiddadáhpáhusa.

Dáiddadáhpáhus ordnejuvvo vurrolagaid sierra gielddain ja dasa bovdejuvvojit buot sámi mánát ja nuorat sihke buot sámegiela ja sámegielat oahpahusas leahkki mánát ja nuorat.

Sámenuoraid dáiddadáhpáhus lea lokten oidnosii máŋga ođđa dáiddára ja oassálastin lea álo leamašan hui viššal. Dáiddadáhpáhus lea oassin riikkaviidosaš Nuorra Kultuvra –fierpmádagas seamma dásis go eará guovlodáhpáhusat miehtá Suoma. Riikkaviidosaš temá (musihkka, teáhter ja dánsa) lassin sámidáhpáhusas lea álo leamašan juoga erenoamáš sámekultuvrii laktáseaddji temá.

Ordnejeaddjiid mielas lea leamašan dehálaš duvdit daid astoáiggedoaimmaid, mat leat sámenuoraide mihtilmasat ja maidda sii eanemustá oassálastet. Danne juoigan ja lávlun leat leamašan dávjjibut temán go eará suorggit. Musihkkateáhter lea maid leamaš bivnnut, nuba bihtáide ráhkkaneapmi gilážiid uhca skuvllain lea mielddisbuktán máŋggalágan sierra astoáiggedoaimmaid. Sámenuoraid dáiddadáhpáhusa ulbmil ii goittot leat čatnat nuoraid dušše árbevirolaš dujiide ja doaimmaide, danin buotlágan dáiddasuorggit leat mielde vurrolagaid.

Raporta jagi 2017 dáhpáhusas
Raporta jagi 2016 dáhpáhusas Anáris
Raportti vuoden 2015 taidetapahtumasta Utsjoella
Raporta Soađegilis 2014 – Raportti Sodankylän tapahtumasta 2014
Raporta Heahtás 2013 – Raportti Hetan tapahtumasta 2013
Raporta Sajosis 2012 – Raportti Sajoksen tapahtumasta 2012
Raporta Ohcejogas / Raportti Utsjoen tapahtumasta 2011
Raporta Roavvenjárggas / Raportti Roin tapahtumasta 2010
Sámenuoraid dáiddadáhpáhus 2010: geahča govaid dás.
Raporta Vuohču dáhpáhusas / Raportti Vuotson tapahtumasta 2009
Raporta Heahtá dáhpáhusas / Raportti Hetan tapahtumasta 2008
Raporta Ohcejoga dáhpáhusas / Raportti Utsjoen tapahtumasta 2007
Raporta Anára dáhpáhusas / Raportti Inarin tapahtumasta 2006
Raporta Vuohču dáhpáhusas / Raportti Vuotson tapahtumasta 2005