Jienastanrávvagat Sámedikki válggain

Oahpásmuva fuolalaččat jienastanrávvagii!

Muitte viežžat válgaáššebáhpáriid poasttas nu johtilit go vejolaš! Poastta vuosttas vieččakeahttá leahkki girjejuvvon reivviid máhcahanbeaivi ruovttoluotta sáddejeaddjái (válgalávdegoddi) lea 18.9.2019 (reivviid galgá viežžat maŋimustá odne 17.9.2019). Juos it leat ožžon boahtinalmmuhusa, váldde oktavuođa válgalávdegotti doaimmahahkii tel. +358 10 839 3120 | +358 10 839 3138.

 

  • Merke steampalaston válgalihppui evttohasa nummira čielgasit. Ale bargga eará merkejumiid.
  • Bija válgalihpo válgakonfeluhttii ja gidde konfeluhta. Bija dušše válgalihpo válgakonfeluhttii.
  • Vuolláičále sáddenreivve.
  • Bija giddejuvvon válgakonfeluhta sihke sáddenreivve máhcahan-konfeluhttii ja gidde konfeluhta.
  • Doalvvo máhcahankonfeluhta poastta bálvalanbáikái (ii poasta-kássii) nu áiggil, ahte dat joavdá válgalávdegotti doaimmahahkii Anárii maŋimustá vuossárgga 30.9.2019 dmu 18 ovdal jienaid-rehkenastima álggaheami. Poastamáksu lea máksojuvvon du beales.
  • Sáhtát maiddái buktit iežat máhcahankonfeluhta persovnnalaččat válgalávdegotti doaimmahahkii Anárii Sajosii 16.-27.9.2019 gaskasaš áigge.

 

Loga lasi:

Sámedikki válgalávdegoddi
Sámekulturguovddáš Sajos
Menesjärventie 2A
99870 ANÁR

+358 10 839 3120 | +358 10 839 3138
vaalit(at)samediggi.fi

Sámedikki válggain 2.9.-30.9.2019 jienasteapmi

Válgaáššebáhpárat leat postejuvvon girjejuvvon reiven juohke jietnavuoigadahtton olbmui vuossárgga 2.9.2019. Girjejuvvon reive lea árvopoasta, nu ahte jienasteaddji galgá viežžat dan iežas poastadoaibmabáikkis go lea ožžon almmuhusa poasttas. 

Válggain jienasteapmi dáhpáhuvvá nu, ahte jienasteaddji máhcaha gárvvisin máksojuvvon ja devdojuvvon sáddenkonfaluhtas girjejuvvon reiven poastta bokte iežas vuolláičállin sáddenreivve ja válgakonfaluhttii biddjon válgalihpo.

Postii válgaáššegirjjiid galgá guođđit nu áiggil, ahte dat gerget Anárii maŋimustá 30.9.2019 ovdal jienaidrehkenastima álgima. Dán áigemeari; 30.9.2019 diibmu 18.00 maŋŋá boahtti válgaáššegirjjiid válgalávdegoddi ii sáhte váldit vuhtii jienaidrehkenastimis.

Jienasteaddji sáhttá maid máhcahit poastta sajis iežas válgaáššegirjjiidis persovnnalaččat virgeáigge áigodagas 16.9. – 27.9.2019 válgalávdegotti doaimmahahkii: Sámediggi, Válgalávdegotti doaimmahat, čujuhus: Sámekulturguovddáš Sajos, Menesjärventie 2 A, 99870 Anár.

Sámiid ruovttuguovllus leahkki lágádusain divššuvuloš olbmot, ja maiddái dat ruovttus leahkki divššuvuloš olbmot, geat eai muđui sáhtášii jienastit, ožžot dárbbašettiin veahkeheaddji dikšunbáikkis jienasteami várás. Ášši birra váldde oktavuođa válgalávdegotti doaimmahahkii juogo telefovnnain dahje šleađgapoasttain.

Válgabeaivve jienasteapmi ii ordnejuvvo jagi 2019.

Geahča evttohaslisttá dáppe.

Sámedikki válggat doaimmahuvvojit 2.9. – 30.9.2019. Válggain válljejuvvojit 21 lahtu ja njeallje várrelahtu sámediggái doaibmabadjái 2020 – 2023. Jienasteaddji oažžu válgaáššegirjjiid girjejuvvon reiven veahkadatdieđuide 31.12.2018 almmuhuvvon poastačujuhussii.

Lassedieđut

Sámedikki válgalávdegoddi
Sámekulturguovddáš Sajos
Menesjärventie 2A
99870 Anár

+358 10 839 3120, +358 10 839 3127
vaalit(at)samediggi.fi

Sámedikki válggat 2.9.-30.9.2019

Válgaáššebáhpárat postejuvvojit čálihuvvon reiven juohke jietnavuoigadahtton olbmui 2.9.2019 rájes.

Jietnavuoigadahtton olmmoš sáhttá jienastit máhcahemiin válgaáššebáhpáriid poastta bokte dahje máhcahemiin válgaáššebáhpáriid njuolgga válgalávdegotti doaimmahahkii. Poastta bokte sáddejuvvon válgaáššebáhpárat galget leat válgalávdegotti doaimmahagas Anáris maŋimustá 30.9.2019 jienaidrehkenastima álggaheami rádjai. Jietnavuoigadahtton sáhttá máhcahit iežas válgaáššebáhpáriid persovnnalaččat 16.9. -27.9.2019 gaskasaš áigge válgalávdegotti doaimmahahkii: Anár, Sajos, Menesjärventie 2A.

Olbmot, geat leat sámiid ruovttuguovllus divššus lágádusain sihke dat olbmot, geat leat divššus ruovttus, ja geat eai earáláhkai sáhtášii jienastit, ožžot dárbbašettiin veahki dikšunbáikkis jienasteami várás. Áššis galgá váldit oktavuođa válgalávdegotti doaimmahahkii čuj. Sajos, Menesjärventie 2A, 99870 Anár, tel. 010 839 3120, dahje vaalit@samediggi.fi.

Anáris 8.8.2019 Válgalávdegoddi

www.samediggi.fi/valggat-2019/?lang=dav

Sámedikki válggaid evttohasásaheapmi nohká be 2.8. diibmu 16

Sámedikki válgalávdegoddi muittuha, ahte sámedikki válggaid 2019 evttohasásaheapmi nohká be 2.8. diibmu 16. Válljensearvvi vuođđudanáššegirji/evttohasohcamuš galgá leat válgalávdegottis Anáris Sajosa doaibmasajis máinnašuvvon áiggi rádjai (čujuhus: Sámekulturguovddáš Sajos, Menesjärventie 2A, 99870 ANÁR).

Válljensearvi berre váldit dán vuhtii eandalii jos doaimmahit áššegirjjiid poastta bokte. Válgalávdegottis ii leat eará doaibmasadji, gos váldit áššegirjjiid vuostá.

Jietnavuoigadahtton olmmoš sáhttá gullat dušše ovtta válljensearvái, dahje muđuid su namma sihkkojuvvo buot válljenservviin eret. Válljensearvvi áššeolbmos lea vejolašvuohta dievasmahttit dahje njulget ohcamuša dieđuid ma 6.8. d. 16 rádjai.

Evttohasásaheamis kovit gávdnojit. Sámedikki válgalávdegotti internet-siidduin čujuhusas www.samediggi.fi/valggat-2019/?lang=dav ja daid oažžut Sámekulturguovddaš Sajosis.

Lassidieđut:

Sámedikki válgalávdegoddi
Sámekulturguovddáš Sajos
Menesjärventie 2A
99870 Anár
+358 10 839 3120, +358 10 839 3138
vaalit@samediggi.fi

Jietnavuoigadahtton – Almmut iežat rievdan čujuhusa válgalávdegoddái

Čavčča 2019 sámediggeválggain sáhttá jienastit poastta bokte dahje máhcahemiin áššegirjjiid válgalávdegotti doaimmahahkii. Válgaáššegirjjit sáddejuvvojit registrerejuvvon reiven jietnavuoigadahtton olbmuide Suoma veahkadatdiehtovuogádahkii merkejuvvon čujuhussii.

Sámediggeválggain jietnavuoigatvuođa čujuheaddji almmuhankoarttat leat postejuvvon njukčamánu álggus. Válgalávdegoddi lea vuostáváldán máhcahuvvon almmuhankoarttaid, mat eai leat fáhten jietnavuoigadahtton olbmuid. Eandalit olgoriikkain ássi olbmuid almmuhankoarttat leat máhcahuvvon máŋggat.

Jos dieđát ahte leat jietnavuoigadahtton Sámediggeválggain itge leat ožžon almmuhankoartta, váldde oktavuođa válgalávdegoddái suoidnemánu loahpa rádjai.

Válgaáššegirjjit postejuvvojit čakčamánu álggus. Válgaáššegirjjit sáddejuvvojit registrerejuvvon reiven, nu ahte dat bohtet jietnavuoigadahtton olbmo lagamus Poastta bálvalančuoggái. Válgaáššegirjjiid vieččadettiin olmmoš berre duođaštit identitehtas. Registrerejuvvon reivve sáhttá viežžat nuppi olbmo beales dušše váldegirjjiin. Váldegirjevuođu gávnnat Poastta fierbmesiidduin. Maiddái váldegirjjiin fápmuduvvon olmmoš berre duođaštit identitehtas.

Válgaáššegirjjit sáddejuvvojit jietnavuoigadahtton olbmo čujuhussii, mii lea merkejuvvon Suoma veahkadatdiehtovuogádahkii. Válgaáššegirjjiid postema várás lea dehálaš, ahte válgalávdegottis lea jietnavuoigadahtton olbmo rivttes čujuhus. Jos don leat fárren jagi 2019 áigge dahje leat gieldán čujuhusdieđuidat luohpadeami, almmut rievdan čujuhusa Sámedikki válgalávdegoddái suoidnemánu loahpa rádjai. Muitte dahkat maiddái virggálaš čujuhusnuppástusa. Sáhtát dárkkistit maistráhtas, ahte du čujuhusdieđut leat riekta (www.maistraatti.fi).

Lassediehtu

Sámedikki válgalávdegoddi
Sámekulturguovddáš Sajos
Menesjärventie 2A
99870 Anár
+358 10 839 3120, +358 10 839 3138
vaalit@samediggi.fi

www.samediggi.fi/valggat-2019/?lang=dav

Evttohasa ásaheapmi sámedikki válggain

Válgalávdegoddi válmmaštallá sámediggeválggaid áigetávvala mielde. Sámediggeválggat doaimmahuvvojit 2.9.–30.9.2019.

Sámedikkis addojuvvon lága (974/95, nupp.1279/02) 27 §:a mielde evttohasa Sámediggeválggain sáhttet ásahit uhcimustá golbma olbmo, geat leat merkejuvvon jietnavuoigadahtton sápmelažžan Sámedikki válgalogahallamii. Evttohasásaheami várás devdojuvvojit válljensearvvi vuođđudanáššegirji ja evttohasa miehtanskovvi, mat máhcahuvvojit, nu ahte leat vuollái čállojuvvon válgalávdegoddái maŋimustá borgemánu 2. beaivve 2019 dmu 16.00. Skoviid ja dárkilut dieđuid oažžu válgalávdegotti doaimmahagas

čuj. Sajos, Menesjärventie 2A, 99870 Anár, tel. 010 839 3120, 010 839 3138 dahje šleađgapoasttain vaalit@samediggi.fi. Skoviid sáhttá maiddái printet  www.samediggi.fi.

Válgalávdegoddi

Lomake ehdokkasasettelua varten

Skovvi evttohasásaheami várás

 

Govva: Juha Kauppinen

Sámedikki válggat 2019 – Válgalogahallan lea oaidninláhkai 18.-29.3.2019

Sámedikki válggat leat 2.9. – 30.9.2019 gaskasaš áigge. Válgalogahallan dollojuvvo oaidninláhkai njukčamánu 18.3. – 29.3.2019 beivviid áigge árgan vu-be dmu 13.00 – 16.00 čuovvovaš báikkiin:

Duottar-Lappi luondduguovddáš             Heahttá, Peuratie 15

Sámedikki doaimmahat                           Anár, Sajos, Menesjärventie 2A

Sámedikki doaimmahat                           Ohcejohka, Gielddadállu, Luossatie 1

Vuohču skuvla                                         Vuohčču, Ivalontie 8716

Juohkehaččas lea vejolašvuohta dárkkistit iežas guoski dieđuid, mat leat merkejuvvon válgalogahallamii, njuolgga válgalávdegotti doaimmahagas tel.  010 839 3120, 010 839 3127, dahje šleađgapoasta; vaalit@samediggi.fi dahje juo ahte fitná geahččamin válgalogahallama bajábealde namuhuvvon báikkiin máinnašuvvon áigge.

 

Guhte oaivvilda, ahte son lea eahpevuoiggalaččat guđđojuvvon eret  válgalogahallamis dahje su guoski merkejupmi válgalogahallamis lea boastut, sáhttá čálalaččat gáibidit njulgema válgalávdegottis maŋimustá cuoŋománu 12. beaivve ovdal dmu 16.00.

Njulgenrávvagiid oaččot válgalávdegotti doaimmahagas dahje daid sáhtát čálihit: www.samediggi.fi

Anáris 28.2.2019                                                           Válgalávdegoddi

Sámedikki jagi 2019 válgalogahallamii ohcan

Sámedikki čuovvovaš válggat doaimmahuvvojit čakčamánus 2019. Jietnavuoigadahtton olbmot válggain leat buot dat sápmelaččat, geat leat merkejuvvon sámedikki válgalogahallamii.

Válgalávdegoddi merke jagi 2019 válgalogahallamii daid sápmelaččaid, geat ledje jietnavuoigadahtton sámedikki válggain 2015. Buot earát galget ohcat válgalogahallamii maŋimustá dán jagi loahpa rádjai. Válgalogahallamii sáhttá ohcat sámediggelága 3 § 1 momeantta 1, 2 ja 3 ja 21 § vuođul (áhči dahje eatni vuoigatvuođa vuođul, lappalačča maŋisboahttin ja sápmelažžan, guhte olgoriikka álbmotlahttun ássá Suomas).

Bivdaga válgalogahallamii merkemis dahje das eretsihkkumis galgá bargat čálalaččat maŋimustá 31.12.2018 ovdal dmu 16.00. Válgalávdegotti nannen ohcanskovi ja lassidieđuid oažžu válgalávdegotti doaimmahagas čuj. Kulturguovddáš Sajos, Menesjärventie 2A, 99870 Anár,  tel. 010 839 3120 šleađgapoasta: vaalit@samediggi.fi. Ohcanskovi sáhttá maiddái printet www.samediggi.fi.

Anáris 30.10.2018 Válgalávdegoddi

Sámedikki válgalávdegoddi almmuha ohcanláhkai VÁLGALÁVDEGOTTI ČÁLLI mearreáigásaš barggu

Sámedikki válgalávdegoddi almmuha ohcanláhkai

VÁLGALÁVDEGOTTI ČÁLLI

mearreáigásaš barggu áigodahkii 1.6.2018-31.12.2019. Válgalávdegotti doaibmabáiki lea sámekulturguovddáš Sajosis, Anáris. Čálli bargun lea válgalávdegotti vuollásažžan válmmaštallat ja ollašuhttit válggaid sihke doaibmat válgalávdegotti áššemeannudeaddjin ja čállin čoahkkimiin.

Seađáhusvuđđosaš gelbbolašvuođagáibádussan lea barggu eaktudan skuvlejupmi ja sámegiela máhttu (ásahus 1727/95). Barggu ceavzilis dikšuma veahkehit heivvolaš allaskuvladutkkus sihke hálddahuslaš bargguid ja sápmelaččaide guoski vuoigatvuođalaš áššiid dovdamuš. Bálká mearrašuvvá sámedikki bálkávuogádaga gáibádusdási III/I-III – IV/II mielde (vuođđobálká gaskkal 3064,92-2596,52 euro /mb).

Ohcamušaid oktan čuvvosiiguin galgá doaimmahit sámedikki čállingoddái 9.5.2018 dmu 15:00 rádjai čujuhusain Sámedikki válgalávdegoddi, Sajos, 99870 Anár/Inari. Lassedieđuid barggu birra addá válgalávdegotti ságadoalli Janne Näkkäläjärvi, šleađgapoasta: janne.nakkalajarvi(at)gmail.com. Sámedikki doibmii sáhttá oahpásmuvvat neahttačujuhusas www.samediggi.fi

Anáris 9.4.2018, Sámedikki válgalávdegoddi