Säminuorâi taaiđâtábáhtus Anarist 26.-27.4.2023

Säminuorâi taaiđâtábáhtus uárnejuvvoo Anarist, Sajosist 26.-27.4.2023. Teeman lii taan ive oovdânpyehtee taiđuuh já eromâšteeman sämityeji.

Sämitigge uárnee säminuorâi taaiđâtábáhtus Anarist, Säämi kulttuurkuávdáš Sajosist 26.-27.4.2023.  Väldikodálâš Nuorâ Kulttuur (Nuori kulttuuri)-tábáhtus lii uđâsmum já tot uárnejuvvoo taan ive maaŋgâtaaiđâfestivaalin Kuopiost 25.-27.5.2023. Väldikodálii tábáhtus mield säminuorâi taaiđâtábáhtus teema lii taan ive oovdânpyehtee taiđuuh já taggaar puáhtá leđe ovdâmerkkân muusik, teatter, tanssâ, stand up já läävdi alne tivtâstem. Nubben teeman säminuorâi taaiđâtábáhtusâst lii taan ive sämityeji – säminuorâi tyejeh láá uáinimnáál tábáhtus ääigi.

Tivrom ornimkoloi já Saijoos räijejum sajekapasiteet keežild säminuorâi taaiđâtábáhtus aherääji lii taan ive aledum tienuuvt, ete taaiđâtábáhtusân pyehtih uásálistiđ 9-20-ihásiih nuorah. Juávhuh láá: 9-12-ihásiih, 13-16-ihásiih sehe 16-20-ihásiih.

Säminuorâi taaiđâtábáhtus lasseen Sämitigge avžuut 13-29-ihásijd säminuorâid uuccâđ virtuaallii Nuorâ Kulttuur Digistagen, mii lekkâs njuhčâmáánust, já moos puáttám oovdânpyehtimijn uási väljejuvvojeh Kuopio festivaalân. Digistage njuolgâdusâid puáhtá luuhâđ Nuorâ Kulttuur päikkisiijđoin.

Kove: Taaiđâtábáhtus 2019. Ville-Riiko Fofonoff / Sämitigge

Lasetiäđuh:

Heli Aikio
vs. oppâmateriaalvuávájeijee
heli.aikio[at]samediggi.fi
+358 (0)10 839 3107

Säminuorâi taaiđâtábáhtus puátuseh – takkâ uásálisteid

Säminuorâi taaiđâtábáhtus uárnejui 14.-15.9.2022 Anarist. Tábáhtusâst mij ooinijm 17 oovdânpyehtimid kuulmâ sierâ sämikielân. Uárnejeijeeh kijtteh orniistâlmáid uásálisteid, tuámárijd já jođetteijeid sehe puohâid, kiäh uásálistii tábáhtusân.

Tábáhtusâst lijjii kulmâ šlaajâ: muusik, tivtâstem sehe kirjálâš tivtâstem já muusik. Tábáhtusâst lijjii meid kulmâ aheluoka: vuálá 10-ihásiih, vuálá 16-ihásiih já 16–20-ihásiih. Jyehi šlaajâst já rááiđust palhâšii tuámárij valjim oovdânpyehtimijd. Vaidâlitteht kirjálij tuojij puátusijd mij ep paste vala almostittiđ já tieđettep puátusijn nuuvt jotelávt ko máhđulâš.

Palhâšum oovdânpyehtimij rähteeh peesih jieijâs saje mield valjiđ 50–200 euro palhâšume Duodji Shopist tâi Siida Shopist. Uárnejeijeeh láá ohtâvuođâst palhâšum ulmuid puáttee oho ääigi.

 

Säminuorâi taaiđâtábáhtusâst palhâšum oovdânpyehtimeh

Vuálá 10-ihásiih

Muusik

  1. Suga suga su Ucjuuvâst
  2. Vulge go ohcat Kärigâsnjaargâst
  3. Árvedávgi Kärigâsnjaargâst

Tivtâstem

  1. Soorkõõzz tueʹlesveärr Čevetjäävrist

 

Vuálá 16-ihásiih

Muusik

  1. Goaskinvieljja já Vuolgge mu mielde Bassivárrái Avelist
  2. Mii tät lij? Čevetjäävrist
  3. Dovdameahtumii Ucjuuvâst

Kunneemainâšumeh

Čáži lávlla, Mikkel Korhonen Ruávinjaargâst

Vuoibme-luohti Vuáčust

Tivtâstem

  1. Äigi lij kullum, Emma Gahmberg Avelist
  2. Guovssahasaid lávlu Hettaast
  3. Mu ruoktu lea mu váimmus Käresavonist

Kunneemainâšume Eanodaga rievssahat Hettaast

 

16-20-ihásiih

Muusik

Sealggát Beaivvášii – Ado (sámegielat cover), Jesse Ruokolainen Ucjuuvâst

 

Lasetiäđuh:
Anni-Sofia Niittyvuopio
anni-sofia.niittyvuopi(a)samediggi.fi
010 839 3142 / +358 (0)40 610 7905

Petter Morottaja, Aimo Aikio já Janita Känsälä taaiđâtábáhtus tuámárin

Kirječällee Petter Morottaja, musikkár Aimo Aikio já lávloo Janita Känsälä tuáimih tuámárin Säminuorâi taaiđâtábáhtusâst 15.9.2022. Tábáhtusâst láávdást Ailu Valle.

Mij vyerdip Säminuorâi taaiđâtábáhtusân paijeel 300 pärnid já nuorâd pirrâ eennâm já uáinip tábáhtusâst 18 oovdânpyehtimid. Toos lasseen vyerdip čuávvoid taaiđâtábáhtus almolii Youtube-streamvuolgâttâsân, mon liiŋkâ jyehip taaiđâtábáhtus sosiaallii mediast.

Tábáhtus jođettuvvoo kuulmâ sämikielân. Jođetteijen tuáimih anarâškielân Ainomaija Mäenpää, nuorttâlâškielân Johannes Porsanger já tavesämikielân Xia Torikka.

 

Ohjelm tuorástáh 15.9.2022

10.00 Taaiđâtábáhtus álgá
12–13.30 Purâdem, rääđi čokkâneh
14.00 Konsert
15.30 Pááikán vyelgim

 

Lasetiäđuh:
Anni-Sofia Niittyvuopio
anni-sofia.niittyvuopi(a)samediggi.fi
010 839 3142 / +358 (0)40 610 7905

Almottâttâm Säminuorâi taaiđâtábáhtusân nohá 26.8.2022

Almottâttâm Säminuorâi taaiđâtábáhtusân nohá 26.8.2022. Mušte almottâttâđ majemuštáá meripeeivi! Huámmáš, ete uásálistem viermitábáhtusân já uásálistem video häämist kalga almottiđ sierâ luámáttuvváin.

Kirjáliih tyejeh toimâttuvvojeh 1.9.2022 räi.

Taaiđâtábáhtus lii ávus puoh säminuoráid, ige uásálistem taarbâš tábáhtuđ škoovlâ peht.

 

Tiädáttâs almottâttâm älgimist já ábáhtus ohjelm

Tábáhtus njuolgádusah

 

Liŋkkâ škoovlâi almottâtmân: https://link.webropolsurveys.com/S/7FED747726221A86

Liŋkkâ oovdânpyehtimij almottâtmân: https://link.webropolsurveys.com/S/8BB3FCFA752F1EB7

Kirjálii tyeje toimâttem: https://link.webropolsurveys.com/S/C6A60E3E7520595A

 

Lasetiäđuh:
Anni-Sofia Niittyvuopio
anni-sofia.niittyvuopi(a)samediggi.fi
010 839 3142 / +358 (0)40 610 7905

Almottâttâm Säminuorâi taaiđâtábáhtusân lekkum – ohjelm almostittum

Säminuorâi taaiđâtábáhtusân puáhtá almottâttâđ 1.8.-26.8.2022 koskâsii ääigi Webropol -ohjelm peht (liiŋkah vyelni). Huámmáš, ete uásálistem tábáhtusân sehe lávdástem já kirjálii tyeje toimâttem almottuvvojeh sierâ luámáttuvváin. Puoh uásálisteeh kalgeh tevdiđ almos almottâttâmluámáttuv – meid sij, kiäh iä uásálist lávdástmáin tâi kirjálijn tuojijn.

Säminuorâi  taaiđâtábáhtus  uárnejuvvoo  čohčuv 14.-15.9.2022  Anarist,  Sämikulttuurkuávdáš  Sajosist.

Tábáhtus váldušlaaijân láá muusikjá tiivtah. Šlaajáid uásálistoo jo-uv láávdástmáin tâi toimâtmáin jieš rahtum tâi čallum muusikpitá tâi tiivtâ. Muusik- já tihtâláávdástmeh já kirjáliih tyejeh árvuštâllojeh sierâ jieijâs aherááiđuin.

Sämitigge máksá uásálistei maađhijd já táárbu mield ijâstâllâm.

 

Liŋkkâ škoovlâi almottâtmân: https://link.webropolsurveys.com/S/7FED747726221A86
Liŋkkâ oovdânpyehtimij almottâtmân: https://link.webropolsurveys.com/S/8BB3FCFA752F1EB7
Kirjálii tyeje toimâttem: https://link.webropolsurveys.com/S/C6A60E3E7520595A

 

Ohjelm:

Koskokko 14.9.

14 Soundcheck ohjelm mield
Âlmottâttâm
15-18.30 Purâdem já pargopáájáh
19 Ijâstâllâmpááikán
20 Eehidpittá

Tuorâstâh 15.9.

8-9 Iiđeedpittá
9.30-12 Taaiđâtábáhtus álgá
12-13.30 Purâdem, rääđi čokkâneh
14.30 Konsert
15.30 Pááikán vyelgim

 

Lasetiäđuh:

Anni-Sofia Niittyvuopio
anni-sofia.niittyvuopi(a)samediggi.fi
010 839 3142 / +358 (0)40 610 7905

www.saamelaisnuortentaidetapahtuma.com
Facebook: Saamelaisnuorten taidetapahtuma
Instagram: @samenuoraid_daiddadahpahus
#taaiđâtábáhtus #čeäppvuõđpeeiv #dáiddadáhpáhus #sntaidetapahtuma

Säminuorâi taaiđâtábáhtus 2022 uárnejuvvoo čohčâmáánust Anarist – šlaaijân muusik já tiivtah

Säminuorâi taaiđâtábáhtus uárnejuvvoo čohčuv 14.-15.9.2022 Anarist, Sämikulttuurkuávdáš Sajosist. Tábáhtus lii ärbivuáválávt uárnejum kiđđuv, mutâ tábáhtus lii sirdum koronatile tiet.

Tábáhtus váldušlaaijân láá muusiktiivtah. Šlaajáid uásálistoo jo-uv láávdástmáin tâi toimâtmáin jieš rahtum tâi čallum muusikpitá tâi tiivtâ majeláá almottemnáál vuovvijn. Muusik- já tihtâláávdástmeh já kirjáliih tyejeh árvuštâllojeh sierâ jieijâs aherááiđuin.

 

Rááiđuh:

Vuálá 10-ihásiih, vuálá 16-ihásiih já 16–20-ihásiih.

  1. Muusik: lávdástem tábáhtusâst já/tâi kirjálâš tyeji
  2. Tiivtah: lávdástem tábáhtusâst já/tâi kirjálâš tyeji

 

Puoh sierâ muusik já tiivtâi šlaajah já genreh láá toháliih kuohtuin váldušlaajâin. Láávdástmeh pyehtih leđe ohtuu tâi juávhoin olášuttum. Tábáhtusâst puáhtá lávdástiđ jieijâs tâi iärásij pyevtittem tuojijd, mutâ puoh láávdástmeh já jieš tohhum tyejeh kalgeh leđe sämikielâliih (anarâš-, nuorttâlâš- tâi tavesämikielâ).

Lasetiäđuh tábáhtusâst almottuvvojeh vyesimáánu ääigi. Tábáhtusân almottâttoo porgemáánust.

taaiđâtábáhtus orniistâlmijn láá mield Sämitige škovlim- já oppâmateriallävdikodde, nuorâirääđi, sämmilâš párnáikulttuurkuávdáš Mánnu sehe sämmiliih elleekove- já muusikkuávdááh.

Tábáhtus orniistâlmijn čuávuh tárkká koronatile já -torvolâšvuođâ, mon tiet uárnejeijeeh värideh máhđulâšvuođâ nubástussáid.

 

Lasetiäđuh:

Anni-Sofia Niittyvuopio

anni-sofia.niittyvuopio@samediggi.fi

 

www.saamelaisnuortentaidetapahtuma.com

Facebook: Saamelaisnuorten taidetapahtuma

Instagram: @samenuoraid_daiddadahpahus

#taaiđâtábáhtus #čeäppvuõđpeeiv #dáiddadáhpáhus #sntaidetapahtuma

Sämitigge almoot uuccâmnáál meriáigásii Säminuorâi taaiđâtábáhtus proojeektpargee tooimâ

Pargo álgá sopâmuš mield já juátkoo 15.6.2022 räi. Proojeektpargee pargon lii västidiđ Säminuorâi taaiđâtábáhtus vuáváámist, ornimijn, ohtâvuođâ tolâmist tábáhtus uásálistei já uárnejeijei kooskâ, tieđeetmist, eres munevalmâštâlmijn já tábáhtus loppâpargoin. Taaiđâtábáhtus uárnejuvvoo vyesimáánust Anarist Sajosist.

Pargo miänástuvvee hoittám váátá sämikielâ tááiđu (sämitiggeest adelum asâttâs 1727/1995). Mij anneep áárvust jiečânâs já huolâlii pargovyevi sehe šiev ohtsâšpargo- já vuáruvaikuttâstááiđuid. Pälkki meriduvvoo sämitige pälkkivuáháduv vátávâšvuotâtääsi V-II mield (vuáđupälkki 2247,67 eurod/mp). Vuáđupäälhi lasseen máksojeh 24 % sämikuávlu lase já hárjánemlaseh pargohárjánem mield.

Ucâmušâid kalga toimâttiđ Sämitige čäällimkoodán 15.2.2022 tme 16.00 räi čujottâsân https://www.sympahr.net/public/pq.aspx?cf0db138

Lasetiäđuid pargoost addel škovlimčällee Ulla Aikio-Puoskari, puh. 010 839 3112. Sämitige tooimân puáhtá uápásmuđ čujottâsâst www.samediggi.fi.

Anarist 27.1.2022
Sämitigge

Säminuorâi taaiđâtábáhtus vuolgâttâs lii keččâmnáál

Säminuorâi taaiđâtábáhtus puáhtá tääl keččâđ vyelni orroo liiŋkâi peht. Vuolgâttâs lii juohhum kuulmâ uásán.

 

Vuossâmuš uási (ovdil purâdem): https://youtu.be/bd4x3RUZ0PY

Nubbe uási (purâdem maŋa): https://youtu.be/MXrCPru2Y5A

Ravggon lávdástem: https://youtu.be/5haYPUkUK6c

 

Lasetiäđuh:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Säminuorâi taaiđâtábáhtus 2021 lappâd – keejâ puátusijd

Säminuorâi taaiđâtábáhtus uárnejui 18.5. viermitábáhtussân. Tábáhtusâst čáittojii 38 videod pirrâ eennâm. Uárnejeijeeh kijtteh puohâid kiäh láá uásálistám orniimân, tuámárijd já läiđejeijeid sehe puohâid kiäh uásálistii tábáhtusân.

Taaiđâtábáhtusâst lijjii kyehti luoka, 13–20-ihásiih já vuálá 13-ihásiih, main kuábbáást-uv väljejuvvojii kulmâ vyeittee. Ton lasseen taaiđâtábáhtusâst juohhui ohtâ kunneemainâšume.

 

Taaiđâtábáhtus 2021 vyeitteeh:

13–20-ihásiih

1. saje Traditional Goahka Show, Ucjuv sämiluvâttâh

Senja Aikio, Elle Raudasoja já Jesse Ruokolainen. Stivrejeijee Solja Magga.

Juohhum 2. saje Mii leat čeahpit suohtastallat ja ráfáidit, Heta pajetääsi já Iänuduv tuodârluvâttâh

Sara-Elina Valkeapää, Biret Juliánná Hætta, Elen-Anne Juuso, Paulus Labba, Per-Jona Labba já Máret-Elle Valkeapää. Stivrejeijee Anne-Mari Kukkonen já Sinikka Labba.

Juohhum 2. saje Mij leäʼp čieʼpp mainstõõllâd – Čeʼvet, Čevetjäävri škovlâ

Veera Nykänen, Maija Leivo, Markus Porsanger, Johannes Porsanger, Janna-Maria Semenoff, Inari Jomppanen, Iida Jomppanen já Anna Lias. Stivrejeijee Hanna-Maaria Kiprianoff.

 

Vuálá 13-ihásiih

1. saje Mun lean čeahppi dánsut, Käresavvoon škovlâ

Ebba Valkeapää. Stivrejeijee Taina Syväjärvi.

2. saje Muäna leäʼp čieʼpp räppjed-Maaski tueʼǩǩen, Čevetjäävri škovlâ

Ilmari Leivo já Aarni Seri. Stivrejeijee Hanna-Maaria Kiprianoff.

3. saje Mii leat čeahppit dahkat vaikko maid, Aanaar škovlâ

Biret-Elle Ruotsala, Sara Ellen Safronova, Kenja Tervaniemi, Ann-Elle Näkkäläjärvi , Gábrellen Wolfiina Magga, Paulus Rauhala, Uula Kosonen, Juhan-Henrik Magga, Ante Mihkkal Safronov já Nils-Matti Paltto. Stivrejeijee Siiri Magga.

 

Kunneemainâšume: Čepis viiljah, Sämikielâ káidusmáttááttâshaahâ

Benjamin Arola já Kaius Erola. Stivrejeijee Henna Aikio.

 

Oovdânpyehtimeh Traditional Goahka Show, Mii leat čeahpit suohtastallat ja ráfáidit, Mij leäʼp čieʼpp mainstõõllâd – Čeʼvet, Mun lean čeahppi dánsut já Muäna leäʼp čieʼpp räppjed-Maaski tueʼǩǩen uásálisteh säminuorâi ovdâsteijen väldikodálii Nuori Kulttuuri -tábáhtusân, mii uárnejuvvoo 22.5.

Vuossâmužžân puáttám oovdânpyehteeh finnejeh palhâšummeen selfie/youtubečuovâ já steellig puátteš videoi rähtim várás. Ton lasseen puoh palhâšum oovdânpyehtimij rähteeh finnejeh kuulmâjuálgág steellig videoi rähtim várás.

 

Lasetiäđuh:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Pyeri puáttim čuávvuđ Säminuorâi taaiđâtábáhtus káidusin 18.5. tme 10

Saamelaisnuorten taidetapahtumaa voi seurata tiistaina 18.5. kello 10 alkaen osoitteessa https://www.sajos.fi/live

Ohjelmaan voi tutustua täällä: https://www.samediggi.fi/2021/05/14/katja-gauriloff-saara-seipiharju-ja-sunna-nousuniemi-taidetapahtuman-tuomareiksi-tapahtuman-ohjelma-julkaistu/ 

Lisätietoja:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132