Sámediggi almmuha ohcan láhkai dieđihančálli virgesadjásašvuođa

/in , /by

Sámedikki dieđihančálli barggut leat logahallon Sámedikki bargoortnega 26 e §:s. Dieđihančálli ee. dikšu, pláne ja ovddida Sámedikki dieđihanáššiid ja maiddái ollašuhttá diehtojuohkinstrategiija. Dan lassin dieđihančálli veahkeha Sámedikki ságajođiheaddjiid ja čállingotti dieđihandoaimmas.

Virgesadjásašvuohta álgá 2.1.2024 ja bistá 31.12.2024 rádjai.

Seađahusvuđot gelbbolašvuođagáibádussan lea barggu eaktudan skuvlejupmi ja sámegiela máhttu (ásahus 1727/95). Barggu ceavzilis dikšun eaktuda sámekultuvrra buori dovdama, njuovžilis čálalaš ja njálmmálaš ovdanbuktima ja maiddái buriid ovttasbargan- ja gulahallandáidduid. Mii vuordit maiddái válmmašvuođa iešráđálaš bargamii, buriid organiseren- ja streassagierdannávccaid. Ruoŧa- ja eaŋgalsgiela máhttu (čálalaš ja njálmmálaš) ja bargodovddiidus diehtojuohkima bargguin gehččojuvvojit ovdun.

Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2857,25 e /mb). Vuođđobálkká lassin máksojuvvojit sámeguovllu lassi ja ahkelasit, mat mearrašuvvet bargohárjánumi mielde. Virgesadjásašvuođas čuvvojuvvo guovtte mánotbaji geahččalanáigi.

Friijahápmásaš ohcanreivve sihke vejolaš ánsologahallama ja eará čuvvosiid galgá doaimmahit Sámedikki čállingoddái 15.12.2023 rádjai dán ohcanskovi bokte (rahpasa ođđa ruvttui).

Lassidieđuid barggu birra addá hálddahushoavda Pia Ruotsala-Kangasniemi tel. 010 839 3106.

Lassidieđut Sámedikki birra neahttasiidduin www.samediggi.fi

Anáris
15.11.2023
Sámediggi

Saamelaiskulttuurikeskus Sajoksen aula.

Sámediggi ohcá áššehasbálvaleaddji Sámekulturguovddáš Sajosii

/in , /by

Sámediggi ohcá áššehasbálvaleaddji mearreáigásaš, ollesáigge bargogaskavuhtii áigái 2.1.–31.12.2024. Barggu ollašuvvama eaktun lea ruhtadeami sihkarmuvvan.

Sajosa áššehasbálvaleaddji bargguide gullet ee. áššehasbálvaleapmi, Sajosa vuostáiváldima ja infobáikki dikšun sihke čoakkámiid ja dáhpáhusaid ordnemiidda gullevaš barggut. Dárbbu mielde maiddái restoráŋŋas veahkeheapmi ja restoráŋŋa čorgenbarggut. Áššehasbálvaleaddji bargá Sámekulturguovddáš Sajosa bálvalanovttadagas. Bargu dahkko Sámekulturguovddáš Sajosis, Anáris. Bargoáiggit leat eanaš Sámekulturguovddáš Sajosa rabasáiggiid, árggaid dmu 9–17.

Seađusvuđot gelbbolašvuođagáibádussan leat barggu eaktudan skuvlejupmi ja sámegiela máhttu (ásahus 1727/95). Barggu ceavzilis dikšuma veahkehit bargodovddiidus áššehasbálvalanbargguin, sámekultuvrra buorre dovdan, buorre eaŋgalsgiela dáidu, iešráđálašvuohta, njuovžilvuohta ja buorit gulahallandáiddut. Barggus čuvvojuvvo 3 mánotbaji geahččalanáigi.

Bálká mearrašuvvá Sámedikki bálkávuogádaga gáibádusdási VI/III mielde, vuođđobálká 2027,13 euro/mb, man lassin máksojuvvojit 24 %:a sámeguovllu lassi ja ahkelasit, mat mearrašuvvet bargohárjánumi mielde.

Friijahápmásaš ohcanreivve, ánsologahallama ja eará čuvvosiid galgá máhcahit 13.12.2023 rádjai dán ohcanskovi bakte (rahpasa ođđa ruvttui).

Lassidieđuid barggus addiba vs. márkanastinhoavda Saara-Maria Salonen: saara-maria.salonen(at)samediggi.fi tel. 010 839 3149 / 040 575 5332 ja hálddahushoavda Pia Ruotsala-Kangasniemi, tel. 010 839 3106 / 040 726 2688.

Sámediggái ja Sámekulturguovddáš Sajosii sáhtát oahpásmit čujuhusain www.samediggi.fi ja www.sajos.fi

Anáris 13.11.2023
Sámediggi