Sámenuorat čohkkejit fámuideaset dálkkádatrievdama vuostá konferánssas 26.8.

Davviriikkalaš sámenuoraid konferánsa lágiduvvo 26.8.2021. Konferánssa temá lea dálkkádatrievdan ja dat lágiduvvo gáiddusin. Konferánsa lea nuvttá ja rabas buot sámenuoraide.

Sámedikki prošeaktabargi Milla Pulska ja nuoraidráđi ságajođiheaddji Anni-Sofia Niittyvuopio bovdeba buot sámenuoraid gáidduskonferánsii.

– Lea hui fiinna ášši, ahte sámenuorat besset guhkes áigái rastá riikkarájáid ságastallat sidjiide áigeguovdilis ja dehálaš áššiin. Jáhkán, ahte mii gávdnat dehálaš čalmmustemiid dálkkádatrievdamii ja dan vuostásaš bargui, muhto maiddái vuogáiduvvama birra, illuda nuoraidráđi ságajođiheaddji Anni-Sofia Niittyvuopio.

Konferánssas leat miellagiddevaš sáhkavuorut biras- ja dálkkádatministtar Krista Mikkonenis, Sámi parlamentáralaš ráđi ságajođiheaddjis Aili Keskitalos, nuorra badjealbmás Jussa Seurujärvis ja maiddái Sámedikki ságajođiheaddjis Tuomas Aslak Juusos. Dan lassin konferánssa prográmmas leat bargobájit. Bargobájiid dollet nuoraid jođihan globála organisašuvdna Youth4Nature, someváikkuheaddji Emmi Nuorgam ja maiddái aktivista, bagadalli-giehtačálli Pauliina Feodoroff.

-Mii sávvat, ahte nuorat oassálastet roahkkadit bargobájiide, main ohcat nuoraide alcceseaset heivvolaččamus váikkuhanvugiid. Dálkkádatrievdan sáhttá dárpmehuhttit, muhto mii háliidit arvvosmuhttit gávdnat oktasaš fámu ja sága dálkkádatrievdama vuostásaš servodatlaš barggus, muitala konferánssa prošeaktabargi Milla Pulska.

Árktalaš eamiálbmogat vásihit dálkkádatrievdama garrasepmosit ja sámenuorat leatge fuolastuvvan dálkkádatrievdama váikkuhusain sámiid árbevirolaš ealáhusaide ja sámekultuvrii. Konferánssas hábmejuvvo dálkkádatrievdama vuostásaš resolušuvdna ja plánejuvvojit sámenuoraid doaibmamállet rastá stáhtaid rájiid.

Sámi parlamentáralaš ráđi vuollásaš nuoraidráđđi lágida guovtti jagi gaskkaid davviriikkalaš sámenuoraid konferánssa. Konferánssa lágidit veahkkálaga Norgga, Ruoŧa ja Suoma Sámedikkiid nuoraiddoaibmit. Konferánssa váldolágideaddji lea Suomabeale Sámedikki nuoraidráđđi. Konferánssa mihttomearri lea arvvosmuhttit sámenuoraid ovddidit sámi servodaga.

Lassedieđut konferánssas: www.nuor.fi

Lassedieđut:

Anni-Sofia Niittyvuopio
Sámedikki nuoraidráđi ságajođiheaddji
040 7082 072
anni-sofia.niittyvuopio(at)samediggi.fi

Milla Pulska
prošeaktabargi
040 669 5295
milla.pulska(at)samediggi.fi

Bures boahtin davviriikkalaš sámenuoraid konferánsii!

Áigi: 26.8.2021 Suoma áigge dmu 9.00-15.00

Báiki: Zoom

Konferánsa lea nuvttá ja rabas buot sámenuoraide. Mii juohkit oassálastiid bargobájiide ja viggat váldit vuhtii sávaldagaid. Konferánssas lea simultánadulkon. Buot oassálastiide sáddejuvvo t-báidi, man lea plánen govvadáiddár Arsi Keva.

Konferánssa temá lea dálkkádatrievdan. Árktalaš eamiálbmogat vásihit dálkkádatrievdama garrasepmosit. Sámenuorat leat earenoamáš fuolastuvvan dálkkádatrievdama váikkuhusain sámiid árbevirolaš ealáhusaide ja sámekultuvrii. Oassin konferánssas sámenuorat hábmejit oktasaš dálkkádatrievdama vuostásaš oainnu ja plánejit dasa doaibmamálliid.

Sámi parlamentáralaš ráđi vuollásaš nuoraidráđđi lágida guovtti jagi gaskkaid davviriikkalaš sámenuoraid konferánssa. Konferánsa lágiduvvo ovttasbarggus Norgga, Ruoŧa ja Suoma Sámedikkiid nuoraiddoibmiiguin. Konferánssa váldolágideaddji lea Suomabeale Sámedikki nuoraidráđđi.

Almmuheamit ovdal 25.8. Suoma áigge 12.00: https://link.webropolsurveys.com/S/6410C6CD786D3D39

Bovdehus

Prográmma

9.00 Rahpan

9.15 Sáhkavuorru: Sámi parlamentáralaš ráđi sátnejođiheaddji Aili Keskitalo

9.30 Sáhkavuorru: Nuorra badjealmmái Jussa Seurujärvi

9.45 Sáhkavuorru: Biras- ja dálkkádatministtar – Krista Mikkonen

10.00 Bargobájit

1. Youth4Nature: Mobilising Youth to Lead for Nature and Climate,Storytelling
Giella: eaŋgalasgiella

2. Emmi Nuorgam: Some ja váikkuheapmi
Giella: suomagiella

3. Pauliina Feodoroff: Dálkkádataktivisma Sápmi
Giella: eaŋgalasgiella

12.00 Boradanboddu

12.45 Sáhkavuorru: Suoma Sámedikki sátnejođiheaddji Tuomas Aslak Juuso

13.00 Resolušuvdna-bargobájit joavkkuid mielde

14.14 Čoahkkáigeassu

15.00 Loahpaheapmi

Lassedieđut:

prošeaktabargi Milla Pulska
tel. +358 40 6695295
milla.pulska(at)samediggi.fi

Nuoraidráđđi jorgalahttá Seta arvedávgesániid sámegielaide

Čuovvovaš buolva arvedávgesápmelaččain oažžu šaddat bajás nu, ahte sii nákcejit muitalit iežaset identitehtas sámegillii.

Sámedikki nuoraidráđđi jorgalahttá Seta rs:a arvedávgesániid anáraš-, nuortalaš- ja davvisámegillii ja almmustahttá daid nuoraidráđi dieđihan- ja rávvensiidduin. Sátnerádju čohkke oktii sohkabealle- ja seksuálavehádagaid guoski doahpagiid ja tearpmaid. Vaikke sátnerájus rahppojit maiddái eará sánit ja temát, mat laktásit arvedávgeservošii ja dan birrasii, lea dan váldosisdoallun sohkabeali ja seksuála orientašuvnna máŋggahámatvuohta.

– Arvedávgesániid jorgaleapmi lea vuogas joatkka árat jorgaluvvon seksualitehta sátnegirjái. Jorgalemiin tearpmaid bastit fállat arvedávgesápmelaččaide sániid iežaset meroštallamii, muhto maiddái lasihit sin oktiigullevašvuođa sámeservošii ja sámeservoša arvedávgediđolašvuođa, gávnnaha nuoraidráđi ságajođiheaddji Anni-Sofia Niittyvuopio.

Sátneráju jorgaleapmi ja čohkken lea dehálaš sámenuoraid seksualitehta- ja sohkabealleidentitehta ovdáneapmái. Sátneráju vehkiin sii bastet meroštallat iežaset ja gulahallat eará arvedávgesápmelaččaiguin maiddái stáhtaid rájáid badjel. Sátnerádju ii goittotge bastte ollásit fáhtet arvedávgesápmelaččaid máŋggahámatvuođa, dasgo juohkehaččas lea iežas vásáhus nu iežas go identitehta birra. Sátneráju jorgalemiin nuoraidráđđi geahččala maiddái álggahit ságastallama seksualitehta- ja sohkabeallevehádagaid vuoigatvuođain ja sajádagas sámeservošis.

Jorgalanbargu dahkko terminologiija oasil ovttas Sámi Giellagálduin. Máŋggaid sániide gávdnojit juo Sámi Giellagáldu giellajuhkosiin normerejuvvon tearpmat. Jorgalanbargguin čohkkejuvvojit  sánit, mat leat juo gávdnomis, olahahtti ja álkit logahahtti hápmái. Ođđa tearpmaid buohta lágiduvvojit bargobájit arvedávgesápmelaččaide ja ná arvedávgesearvvuš lea mielde ođđa tearpmaid ovddidanbarggus.

Diehtu sátneráju jorgaleamis lea juksan sámenuoraid stáhtarájáid badjel. Nuoraidráđđi sávvá oktasašbarggu sátneráju viidásabbot lávdadeapmái ja vejolaččat sátneráju jorgalahttima várás maiddái eará sámegielaide.

Sápmi Pride lágiduvvui 2017 Anáris. Govva: Ville-Riiko Fofonoff

Lassidieđut:

Anni-Sofia Niittyvuopio 
Sámedikki nuoraidráđi ságajođiheaddji
+358 40 7082 072 
anni-sofia.niittyvuopio(at)samediggi.fi 

Elli-Marja Hetta 
Nuoraidčálli
050 382 5179 / 010 839 3134 
elli-marja.hetta(at)samediggi.fi 

Sámenuoraid dáiddadáhpáhusa báddejupmi geahččanláhkái

Sámenuoraid dáiddadáhpáhusa báddejupmi lea dál geahččanláhkái liŋkkain vuollelis. Báddejupmi leat juhkojuvvon golmma oassái.

 

Vuosttas oassi (ovdal boradeami): https://youtu.be/bd4x3RUZ0PY

Nubbi oassi (boradeami maŋŋá): https://youtu.be/MXrCPru2Y5A

Ravggona ovdanbuktin: https://youtu.be/5haYPUkUK6c

 

Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Sámenuoraid dáiddadáhpáhus 2021 lea meattá – geahča bohtosiid

Sámenuoraid dáiddadáhpáhus lágiduvvui 18.5. neahttadáhpáhussan. Dáhpáhusas oidne 38 video miehtá riikka. Lágideaddjit giitet lágidemiide oassálastiid, duopmáriid ja dáhpáhusa jođiheaddjiid sihke buohkaid dáhpáhussii oassálastiid.

Dáiddadáhpáhusas ledje guokte ráiddu, 13–20-jahkásaččat ja vuollel 13-jahkásaččat, main guktuin válljejuvvojedje golbma vuoiti. Dasa lassin dáiddadáhpáhusas juhkkui okta gudnemáinnašupmi.

 

Dáiddadáhpáhusa 2021 vuoitit:

12–20-jahkásaččat

1. sadji Traditional Goahka Show, Ohcejoga sámelogahat

Senja Aikio, Elle Raudasoja ja Jesse Ruokolainen. Bagadalli Solja Magga.

Juhkkon 2. sadji Mii leat čeahpit suohtastallat ja ráfáidit, Heahtá badjeskuvla ja Eanodaga duottarlogahat

Sara-Elina Valkeapää, Biret Juliánná Hætta, Elen-Anne Juuso, Paulus Labba, Per-Jona Labba ja Máret-Elle Valkeapää. Bagadalli-guoktá Anne-Mari Kukkonen ja Sinikka Labba.

Juhkkon 2. sadji Mij leäʼp čieʼpp mainstõõllâd – Čeʼvet, Čeavetjávrri skuvla

Veera Nykänen, Maija Leivo, Markus Porsanger, Johannes Porsanger, Janna-Maria Semenoff, Inari Jomppanen, Iida Jomppanen ja Anna Lias. Bagadalli Hanna-Maaria Kiprianoff.

 

Vuollel 13-jahkásaččat

1. sadji Mun lean čeahppi dánsut, Gárasavvona skuvla

Ebba Valkeapää. Bagadalli Taina Syväjärvi.

2. sadji Muäna leäʼp čieʼpp räppjed-Maaski tueʼǩǩen, Čeavetjávrri skuvla

Ilmari Leivo ja Aarni Seri. Bagadalli Hanna-Maaria Kiprianoff.

3. sadji Mii leat čeahppit dahkat vaikko maid, Anára skuvla

Biret-Elle Ruotsal, Sara Ellen Safronova, Kenja Tervaniemi, Ann-Elle Näkkäläjärvi, Gábrellen Wolfiina Magga, Paulus Rauhala, Uula Kosonen, Juhan-Henrik Magga, Ante Mihkkal Safronov ja Nils-Matti Paltto. Bagadalli Siiri Magga.

 

Gudnemáinnašupmi: Čepis viiljah, Sámegielaid gáiddusoahpahusfidnu

Benjamin ja Kaius Erola. Bagadalli Henna Aikio.

 

Ovdanbuktimat Traditional Goahka Show, Mii leat čeahpit suohtastallat ja ráfáidit, Mij leäʼp čieʼpp mainstõõllâd – Čeʼvet, Mun lean čeahppi dánsut ja Muäna leäʼp čieʼpp räppjed-Maaski tueʼǩǩen oassálastet sámenuoraid ovddasteaddjin riikkaviidosaš Nuorra Kultuvra –dáhpáhussii, mii lágiduvvo 22.5.

Vuosttažin boahtán ožžot bálkkašupmin selfie/youtube čuovgga julggiin boahtte videoid ráhkadeami várás. Dasa lassin buot bálkkašuvvon ovdanbuktimiid dahkkit ožžot golmmajuolggi videoid ráhkadeami várás.

 

Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Sámediggi almmuha ohcanláhkái mearreáigásaš prošeaktabargi doaimma

Prošeaktabargi bargun lea vástidit davviriikkalaš sámenuoraid konferánssa plánemis, lágideamis, dieđiheamis, eará ovdaválmmaštallamiin ja dáhpáhusa loahppa-bargguin. Bargu álgá 14.6.2021 ja joatkášuvvá 27.8.2021 rádjái.

Davviriikkalaš sámenuoraid konferánsa lágiduvvo borgemánus 2021 gáiddusoktavuođaid bokte. Konferánsa váldolágideaddjin lea Sámedikki nuoraidráđđi ja dát lagiduvvo ovttasbarggus Sámi parlamentáralaš rádi nuoraidráđiin. 

Barggu menestuvvi dikšumis veahkehit heivvolaš skuvlejupmi, sámegiela máhttu ja doarvái buorre eaŋgalsgiela máhttu. Mii adnit árvvus iehčanas ja fuolalaš bargovuogi ja buriid oktasašbargo- ja gulahallandáidduid. Bálká mearrásuvvá Sámedikki bálkávuogádaga gáibadusdási V ja das II luohká mielde (vuođđobálká 2247,67 € /mb).  Vuođđobálkká lassin máksojuvvo gáiddusbarggu báikegotti mielde 24 % sámeguovllu lassi ja bargohárjánumi mielde mearrašuvvan vásáhuslasit. Prošeaktabargi bargá eanemusat gáiddusin.

Ohcamušaid oahppo- ja bargoduođaštusaiguin galgá doaimmahit Sámedikki čállingoddái bearjadaga 4.6.2021  rádjai čujuhussii: https://www.sympahr.net/public/pq.aspx?6f492549

Lassidieđuid barggus addiba nuoraidčálli Elli-Marja Hetta, elli-marja.hetta(at)samediggi.fi, tel. 050 382 5179 ja nuoraidráđi ságajođiheaddji Anni-Sofia Niittyvuopio, anni-sofia.niittyvuopio(at)samediggi.fi, tel. 040 7082 072.

Sámedikki doaimmaide sáhttá oahpásmuvvat neahttačujuhusas www.samediggi.fi ja nuoraidráđi doaimmaide čujuhusas www.nuor.fi

Anáris 21.5.2021

Sámediggi

Buresboahtin čuovvut Sámenuoraid dáiddadáhpáhusa fierpmis 18.5. diibmu 10

Sámenuoraid dáiddadáhpáhusa sáhttá čuovvut máŋŋebárga 18.5. diimmu 10 rájes čujuhusas https://www.sajos.fi/live

Prográmmii sáhttá oahpásmuvvat dáppe: https://www.samediggi.fi/2021/05/14/katja-gauriloff-saara-seipiharju-ja-sunna-nousuniemi-daiddadahpahusa-duopmarin-dahpahusa-programma-almmustahtton/?lang=dav

Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Katja Gauriloff, Sáárá Seipiharju ja Sunna Nousuniemi dáiddadáhpáhusa duopmárin – dáhpáhusa prográmma almmustahtton

Filbmabagadalli Katja Gauriloff, freelancer-doaimmaheaddji Sáárá Seipiharju ja filbmadahkki Sunna Nousuniemi leat duopmárin Sámenuoraid dáiddadáhpáhusas, mii lágiduvvo boahtte maŋŋebárgga/disttaga 18.5.2021.

Sámenuoraid dáiddadáhpáhus lágiduvvo gáiddusoktavuohtan diibmu 10.00 rájes. Dáhpáhusa rahpá Erke Eriksen musihkkaovdanbuktimiin. Dáhpáhusas loaiddastalli Ravggon čuojaha iežas ođđa musihka ja maiddái Talent Suomas lean ráppejeaddji Mihkku Laiti guossástallá sáddagis! Prográmma oainnát dárkileappot vuolábealde.

Ravggon-joavku lea dahkan ođđa skearru ovttas buvttadeaddji Duomis Heandaragain. Skearru lea loahppagieđahallanmuttus. Joavku čoaggana seammá čoakkádusain go ovdal, muhto musihkka lea rievdan akusttalut folk-pop –musihkas vehá groavvásut ja juoba geahččaladdan guvlui. Komposišuvnnat leat ožžon inspirašuvnna geađi čađa muittašemiin, persovnnalaš bánccardemiin ja fuopmášumiin sihke balus, mii dáhpáhuvvá lundui, go miige ii leat šat doarvái. Dán ovdanbuktima Ravggon čuojaha unnit čoakkádusain ja ovdanbuktá maiddái ođđa bihtáid, mat eai leat ovdal ovdabukton.

Sámenuoraid dáiddadáhpáhussii vuordit badjel 300 máná ja nuora miehtá riikka ja dáhpáhusas oaidnit 38 video. Dasa lassin dáiddadáhpáhussii vuordit čuovvuid almmolaš Youtube-streamii, man liŋka juhkkojuvvo dáiddadáhpáhusa sosiála medias.

Dáhpáhus jođihuvvo golmma sámegillii. Dáhpáhusa jođihit nuortalašgillii Anna Lumikivi, anárašgillii Satu Aikio ja davvisámegillii Teija Kaartokallio.

 

Ohjelma tiistaina 18.5.

9.45 Linját rahpasit
10.00 Neahttadáhpáhusa prográmma álgá
Erke Eriksena musihkkaovdanbuktin
Sámi mánáid kulturguovddáža Mánnu video bohcco čorvviin
Vuosttaš videot
10.55 Oktasaš boddolášmmohallan
11.00 Ravggona ovdanbuktin
11.30 Boradanboddu – Sohkaršohka sketsat ja govat ovddit dáhpáhusain
12.30 Neahttadáhpáhusa prográmma joatkašuvvá
Guossin Mihkku Laiti
12.45 Loahppavideot
14.00 Bohtosiid almmusteapmi ja dáhpáhusa loahpaheapmi

Ohjelmaan voi tulla vielä muutoksia. Nähdään pian!

 

Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Almmuheapmi sámenuoraid dáiddadáhpáhussii nohka 5.5.2021

Almmuheapmi dáiddadáhpáhussii nohka 5.5.2021. Muitáthan almmuhit joavkkuinis, mánáidis dahje iežat ovdal mearreáiggi nohkama! Fuomáš, ahte oassálastin fierbmedáhpáhussii ja oassálastin videohámis almmuhuvvo sierra skoviiguin.

Dáiddadáhpáhus álgá iđđedis diibmu 10.00 ja nohka sullii diibmu 14.00. Diibmu 11.30-12.30 dollojuvvo borranboddu. Daiddadáhpáhusas čuojaha Ravggon ja guossin fitna ráppejeaddji Mihkku Laiti.

Buohkat devdet almmolaš almmuhanskovi – maiddái sii, geat eai áiggo sáddet dáhpáhussii iežaset videoid. Maŋimuš beaivi doaimmahit videoid lea 10.5.2021.

Dáiddadáhpáhus lea rabas buot sámenuoraide ja sámegiela lohkiide. Oassálastin fierbmedáhpáhussii dahje oassálastin videoin ii dárbbaš mannat skuvllaid bokte. Muite goit almmuhit iežat ja iežat video almmuhanliŋkká bokte.

 

Liŋka skuvllaid almmuhanskovvái: https://link.webropolsurveys.com/S/2C8AB6704F96F9B0

Liŋka čájáhusaid almmuhanskovvái: https://link.webropolsurveys.com/S/0A93354C225143D9

 

Lassedieđut:
Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Ráhkat sisdoalu dáiddadáhpáhusa siidduide!

Go dáiddadáhpáhus lágiduvvo gáiddusin, háliidit oassálahttit mánáid ja nuoraid sihke ordnet nu olu go vejolaš gulahallama juo ovdal dáhpáhusa. Sávvatge, ahte mánát ja nuorat sáddešedje dearvvahusaid ja dovdamušaid midjiide videoid ja govaid hámis juo ovdal dáhpáhusa.

Almmustahttit videoid ja govaid ovddalgihtii dáiddadáhpáhusa neahttasiidduin ja sosiálalaš mediavuođuin. Govaid sáhttá doaimmahit dáiddadáhpáhusa bargái dahje dáiddadáhpáhusa neahttadoaimmaheaddjái, Eeva Mäkisii.

Juos videot ja govat juhkkojit sosiálalaš medias, sáhttá daid oktavuođas geavahit hashtagiid #dáiddadáhpahus, #taaiđâtábáhtus, #čeaäppvuõđpeeiv ja #sntaidetapahtuma!

Lassedieđut:

Anni-Sofia Niittyvuopio
anni-sofia.niittyvuopio(at)samediggi.fi
+358 40 620 1917 / +358 10 839 3132

Eeva Mäkinen
eeva.makinen(at)samediggi.fi
+358 40 732 6963

Muitte maid čuovvut dáiddadáhpáhusa:

saamelaisnuortentaidetapahtuma.com
instagram: @samenuoraid_daiddadahpahus,
facebook siidu: Saamelaisnuorten taidetapahtuma
ja dáhpáhusa fáddágilgoriid: #dáiddadáhpahus, #taaiđâtábáhtus, #čeaäppvuõđpeeiv ja #sntaidetapahtuma

Nuori Kulttuuri -festivála: https://nuorikulttuuri.fi/festival/