Sämitigge almoot uuccâmnáál viestâdemčällee virgesajasâšvuođâ

/in , /by

Sämitige viestâdemčällee pargoh láá luvâttâllum Sämitige pargo-oornig 26 e §:st. Viestâdemčällee ei. hoittáá, vuáváá já oovded Sämitige viestâdmân kyeskee aašijd sehe olášut viestâdemstrategia. Toos lasseen viestâdemčällee iššeed Sämitige saavâjođetteijeid já čälleid tieđettemtooimâst.

Virgesajasâšvuotâ álgá 2.1.2024 já pištá 31.12.2024 räi.

Asâttâsân vuáđuduvvee tohálâšvuođâvátámâššân lii pargo vaattâm škovliittâs já sämikielâ máttu (asâttâs 1727/95). Pargo miänástuvvee hoittám váátá šiev sämikulttuur tubdâm, njyebžilis kirjálii já njálmálii olgospyehtim sehe šiev oovtâstpargo- já vuáruvaikuttâstááiđuid. Mij vyerdip meid kiärgusvuođâ jiečânâs porgâmân, šiev ornim- já tedduuhaldâšemnaavcâid. Ruotâ- já eŋgâlâskielâ máttu (kirjálâš já njálmálâš) sehe pargohárjánem viestâdem pargoin annojeh hiättun.

Pälkki miärášuvá Sämitige pälkkivuáháduv vátávâšvuotâtääsi IV/II miäldásávt (vuáđupälkki 2857,25 e /mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Virgesajasâšvuođâst lii kyevti mánuppaje keččâlemäigi.

Rijjâhámásâš uuccâmreeivâ sehe máhđulâš ánsuluvâttâllâm já eres lahtosijd kalga macâttiđ Sämitige čäällimkoodán 15.12.2023 räi taan uuccâmluámáttuv peht (lekkâs uđđâ laasân).

Lasetiäđuid pargoost addel haldâttâhhovdâ Pia Ruotsala-Kangasniemi, puh 010 839 3106.

Lasetiäđuh Sämitige nettisiijđoin www.samediggi.fi

Anarist
15.11.2023
Sämitigge

Saamelaiskulttuurikeskus Sajoksen aula.

Sämitigge ocá äššigâspalvâleijee Säämi kulttuurkuávdáš Sajosân

/in , /by

Sämitigge ocá äššigâspalvâleijee meriáigásii olespiäiválii pargokoskâvuotân ááigán 2.1.–31.12.2024. Pargo olášume iähtun lii ruttâdem visásmum.

Sajos äššigâspalvâleijee pargoid kuleh ei. äššigâspalvâlem, Sajos vuástáväldim já infočuággá hoittám, čuákkimij já tábáhtusâi orniimân kullee pargoh sehe táárbu mield raavâdviäsust išedem já tiilij putesin toollâm. Äššigâspalvâleijee parga Säämi kulttuurkuávdáš Sajos palvâlemohtâduv uássin. Sun parga pargos Säämi kulttuurkuávdáš Sajosist, Anarist. Pargoääigih láá iänááš Säämi kulttuurkuávdáš Sajos ávusorroomääigih, argâpeeivij tijme 9–17.

Asâttâsân vuáđuduvvee tohálâšvuođâvátámâššân lii pargo vaattâm škovliittâs já sämikielâ máttu (asâttâs 1727/95). Pargo miänástuvvee hoittáámist iššeed pargohárjánem äššigâspalvâlempargoin, šiev sämikulttuur tubdâm, njyebžilis eŋgâlâskielâ táiđu, jiešráđálâšvuotâ, njyebžilisvuotâ sehe šiev vuáruvaikuttâstááiđuh. Pargoost lii 3 mánuppaje keččâlemäigi.

Pälkki miärášuvá Sämitige pálkkááttemvuáháduv vátávâšvuođâtääsi VI/III mield, vuáđupälkki 2027,13 eurod/mp, mon lasseen máksoo 24 % sämikuávlu lase já pargohárjánem miäldásiih hárjánemlaseh.

Rijjâhámásâš uuccâmreeivâ, ánsuluvâttâllâm já eres lahtosijd kalga macâttiđ 13.12.2023 räi taan uuccâmluámáttuv peht (lekkâs uđđâ laasân).

Lasetiäđuid pargoost addel vs. markkânistemhovdâ Saara-Maria Salonen: saara-maria.salonen(at)samediggi.fi puh. 010 839 3149 / 040 575 5332 já haldâttâhhovdâ Pia Ruotsala-Kangasniemi, puh. 010 839 3106 / 040 726 2688

Sämitiigán já Säämi kulttuurkuávdáš Sajosân puáhtá uápásmuđ nettičujottâsâst www.samediggi.fi  já www.sajos.fi

Anarist 13.11.2023
Sämitigge