Entries by Sámediggi

Lappi eennâmkoddeuđâsmittem – Koijâdâllâm palvâlusâi kevttimist já puátteevuođâ palvâlustáárbuin

Koijâdâllâm ulmen lii nuurrâđ tiäđu Laapi eennâmkode ässein sosiaal- já tiervâsvuotâpalvâlusfeerimijn, palvâlustáárbuin já vuorduin eennâmkode palvâlemlopádâs rähtim várás. Tiäđuh kieđâvuššojeh luáttámušlávt já koijâdâlmân västideh nomâtteemmin, vâi västideijee persovnvuotâ ij puáđi uáinusân. Koijâdâlmist láá 10 koččâmuššâd já toos västidem pištá suulân 15 minuttid. Puátusijn mij muštâlep ive 2018 ääigi. Mij kijttep lieggâsávt jo muuneeld tii vástádâsâin. […]

Sämitigge palhâšij viššâlis sämikielâ uáppeid

Sämitigge juovij škoovlâi kiđđâjuuhlijn stipendijd sämikielâ oopâin pyereest miänástum uáppeid. Stipendeh juáhhojii ohtsis kuuđâ uáppei, kiäh lijjii čođâldittám sämikielâ iskos pajeuáppeetutkosijn, neljinubálov uáppei, kiäh pessii vuáđumáttááttâsâst ja käävci uáppei, kiäh valmâštuvvojii Säämi máttááttâskuávdáást.   Sämitige stiipeend ožžuu čuávvoo nuorah:   Pajeuáppeeh: Avveel luvâttâh: Iina Kyrö (anarâškielâ), Janita Känsälä (tavesämikielâ), Sara Keränen (tavesämikielâ) Ounasvaara luvâttâh, Ruávinjargâ: […]

Nuorâirääđi, SSN ja SRK pivdeh säminuorâid sovâdâttâmproosees savâstâllâmtilálâšvuotân Anarân 9.6.

Nuorâirääđi, Suomâ Säämi nuorah já staatârääđi kanslia pivdeh säminuorâid sovâdâttâmproosees savâstâllâmtilálâšvuotân Anarân lávurduv 9.6. tme 11-14. POVDIITTÂS SAJOS SOLJU AANAAR LÁ 9.6.2018 TIJME 11 – 14 Suomâ haldâttâs lii roovvâdmáánnud 19. peeivi 2017 almottâm, ete tot aalgât sämmilij aašij kyeskee sovâdâttâmproosees valmâštâllâm. Iävtuttâs proosees aalgâtmist lii puáttám Sämitiggeest. Staatârääđi kanslia ja vuoigâdvuotâministeriö ohtsâšpargoost Suomâ Sämitiggijn […]

Sovâdâttâmproosees savâstâllâmtilálâšvuođâi äigitavlu

Staatâ haalijd tääl kuullâđ sämmilij uáivilijd, jurduid, tuoivuid já paloid komissio iähtun ávus savâstâllâmtilálâšvuođâin miätá Säämi já stuárráámuin kaavpugijn Suomâst. Tääbbin kaavnah äigitaavlu tilálâšvuođâin, moh láá jo visásmittum. ČEVETJÄVRI ma 8.5. tme 18-21, Nuorttâlâštáálu, savâstâllâmtilálâšvuotâ uárnejuvvoo ohtsâšpargoost Nuõrttsääʹmkulttuurfonddáin. LISMÁ ma 15.5. tme 15-18, Susanna Näkkäläjärvi táálust, savâstâllâmtilálâšvuotâ uárnejuvvoo ohtsâšpargoost Lismá kylá ulmuiguin. NJELLIM ko 16.5. tme […]

Mijjân šadda uđđâ Lappi – Kieldârieggee peivimereh sämikuávlust

UĐĐÂ LAPPI –kieldârieggee peivimereh sämikuávlust: Suáđigilist, Anarist, Ucjuuvâst já Iänuduvvâst uárnejuvvoo peeivi ääigi sämikielâlâš tilálâšvuotâ, mast lii meid tulkkâ mieldi. Pääihi alne meid tavesämikielâliih pargeeh. Tun puávtáh savâstâllâđ sämikielâlij palvâlusâi valmâštellein sehe sämikielâlij haahâpargeiguin já koijâdiđ uđâsmitmist. Vu 28.5. Suáđigil Ma 29.5. Aanaar Ko 30.5. Ucjuuhâ Tu 31.5. Iänudâh Keejâ tärkkilub ohjelm: www.lapinmaakunta.fi/uusilappi já kieldâtáálu […]

Sämitiggelaavâtoimâkoodán iävtuttuvvoo jotkâäigi

Riehtiministeriö asâttem sämitiggelaavâtoimâkode toimâpaje nuuvâi cuáŋuimáánu loopâst. Riehtiministeriö lii kuittâg ráđádâlmij maŋa meridâm iävtuttiđ, ete toimâpaje juátkoo porgemáánu 2018 loopâ räi. Meid Sämitige saavâjođetteijee Tiina Sanila-Aikio iävtut siämmáá Sämitige stiivrân. Lasetiäđuh: Sämitige saavâjođetteijee Tiina Sanila-Aikio, 050 3001 780 Riehtiministeriö Johanna Suurpää, 050 5209 320

Jottee nuorâi teivâdemsaje puátá čohčuv sämmilij päikkikuávlun

Mađhâšemautost nuorâi teivâdemsajan muttum Walkers-auto ađai Wauto palvâl sämikuávlu nuorâid čohčâmáánust juovlâmáánu räi 2018. Jottee pargo ulmen lii juksâđ nuorâid, kiäh ääsih vijđáht. Wauto konsept lii oovtkiärdán: moonnâp toho, kost nuorah láá já pyehtip torvolijd rävisulmuid mieldi sii astoááigán. Fáállun láá käähvi, korttâspeelah já rävisulmuuh savâstâllâmskipárin. Táárbu mield nuorâ finnee meid vuáđulub stivrim eellimtilásis. Aseman […]

Sämitiggelaavâ uđâsmittem valmâštâllâm toimâkodde tieđeet čuávuváá keerdi 18.5.

Sämitiggeest adelum laavâ uđâsmittem valmâštâllâm toimâkodde toolâi čuákkim koskoho 9.5. Čuákkimist meridui, ete laavâ uđâsmittem pargoost toimâkodde tieđeet čuávuváá keerdi 18.5. Skammâmáánust 2017 asâttij staatârääđi toimâkode, mon toimân lii valmâštâllâđ sämitiggeest adelum laavâ uđâsmittem. Toimâkode tárguttâs lii, ete pargo valmâštuvá ovdil 30.4.2018 já ete tot luovât  miärádâs staatârááđán iävtuttâssân uđâsmittum sämitiggelaahân. Toimâkodde addel iävtuttâs haldâttâs iävtuttâs […]

Kielâpiervâltooimâ stivrimjuávhu čokkânij já ornijdij

Sämitigge lii povdim čuákán sämmilâš kulttuur- já kielâpiervâltooimâ läjijdeijee kieldâid já seervijd vuossâmuu kielâpiervâltooimâ stivrimjuávhu teivâdmân. Stivrimjuávkku lii tääl ornijdum, já savâstâllâm kielâpiervâltooimâ háástuin, luhostuumijn já äigikyevdilis ovdedemtáárbui pirrâ. Stivrimjuávhu saavâjođetteijen tuáimá Sämitige säämi kielârääđi saavâjođetteijee Neeta Jääskö. Stivrimjuávkku valjij koskâvuođâstis värisaavâjođetteijen Rauni Äärelä-Vihriälä. – Čuákkimist čonâsijm ohtâsâš uulmán ovdediđ sämmilâš kulttuur- já kielâpiervâltooimâ já […]

Kesikumikampanja kondomeh meid kuulmâ sämikielân

Sämitige nuorâirääđi teeman lii taan ive seksuaaltiervâsvuotâääših. Teeman kulen nuorâi kooskâst tubdum Kesikumikampanja kondomeh jurgâluvvojeh kuulmâ Suomâst sarnum sämikielân. Meid kampanjan kullee Rähistâllâmmiäštár -seksuaaltiervâsvuotâkoijâdâllâm puáhtá čođâldittiđ sämikielân. Kesikumikampanja maainâst nuoráid kondom kevttim tergâdvuođâst. Kampanja muštoot, ete puohâin kolgâččii leđe siämmááh seksuaalvuoigâdvuođah já vuolgâsajeh kevttiđ estim sehe finniđ tiäđu torvolii estimist. Sämikielâliih Kesikumih láá finniimist nuorâirääđi […]