Entries by Sámediggi

Sämitigge almoot uuccâmnáál muusikkuávdáá proojeektpargee meriáigásii tooimâ – Sämitigge juátká uuccâmääigi

Sämitigge juátká uuccâmääigi 22.5. tme 16.00 räi Pargo álgá 8.6 já pištá 31.8.2020 räi. Proojeektpargee pargoid kuleh el. säämi muusikkuávdáá išedeijen toimâm sehe Ijâttes ijjâ -algâaalmugij muusikfestivaal išepyevtitteijee pargoh. Pargo miänástuvvee hoittám išedeh hiäivulâš škovlim, sämikielâ táiđu sehe kelijdeijee eŋgâlâskielâ táiđu. Proojeektpargee pälkki miärášuvá Suomâ sämitige pálkkááttemvuáháduv vátávâšvuođâtääsi VII/I mield (vuáđupälkki 1 803,58 eurod/mp). Vuáđupäälhi […]

Sämitige stivrâ čokkân káidusohtâvuođâiguin

Sämitige stivrâ čokkân koronaepidemia tiet tääl káidusohtâvuođâiguin. “Kuhheeb ääigi hárjánâm káidusohtâvuođâin lii toohâm máhđulâžžân tom, ete mii tooimah láá jotkum masa táválávt. Mun halijdâm rammuđ Sämitige pargovievâ, ete lep pastam porgâđ pyereest taan tiileest”, paahud saavâjođetteijee Tuomas Aslak Juuso. Sämitige stivrâ nomâttij čuákkimistis tuorâstuv cuáŋuimáánu 16. peeivi Palgâsij ovtâstus stiivrân eidusâš jesânin Asko Länsman já […]

Neropatin päiväkirja – Čuovâuáivi peivikirje lii tääl almostittum sämikielân

Pegâlmâs kirječällee Jeff Kinney vuosmuš ráiđukoveroomaan Diary of Wimpy Kid (Neropatin päiväkirja) lii tääl almostittum orjâlâš-, anarâš- já nuorttâlâškielân. Taat kirje lii lamaš maaŋgâid iivijd bestseller -kirje Amerikast, meid Suomâst Neropatti -kirjeh láá lamaš távjá pivnohumos kiirjij juávhust. Tääl taam kirje piäsá luuhâđ meid sämikielân. Anarâškielân kirje lii jurgâlâm Mikkâl Morottaja, orjâlâškielan Áilu Valle já […]

Puáđi fáárun Säminuorâi taaiđâtábáhtus viermijuuhlán!

Säminuorâi taaiđâtábáhtus ávuduvvoo vástuppeeivi 17.4. viermist. Puáđi fáárun viermijuuhlán já kaavnâ tobbeen sehe hitruus taaiđâtábáhtusmuštoid já uápis sämitaaiđârijd. Sämitige škovlim- já oppâmateriaaltoimâttâh puávdee Säminuorâi taaiđâtábáhtus historjásiijđoi lekkâmáid vástuppeeivi 17.4. tme 12 rääjist čujottâsâst saamelaisnuortentaidetapahtuma.com. Sijđoid láá nurrum koveh, teevstah já videoh Säminuorâi taaiđâtábáhtusâst 1990-lovo rääjist taan peeivi räi. Sämmiliih taaiđâreh, kiäh láá váldám sii karrieer […]

Poccui kuáttumráávhu kalga turviđ spiekâstâhlijn tiilijn

Poccui kuáttumráávhu já puásuituálu almolijd toimâhinnáid kalga turviđ spiekâstâhlijn tiilijn. Sämitigge kiäsá Meccihaldâttâsân, ete tot kiäsádâđâččij taan kiiđâ já kesipaje uásild pivdo- já jotteemluuvij mieđeetmist sämmilij päikkikuávlust já pehtilittáččij kocceem lovettes jotteem estimân. Taan täälvi lii Tave-Suomâst lamaš muotâ ennuv eenâb ko táválávt. Muotâtile já jieŋâkeerdih muottuu siste láá hettim já iästám poccui luándulii purrâmuš […]

Sämitigge almoot uuccâmnáál nuorâičällee virge

Nuorâičällee váldupargon lii toimâđ nuorâirääđi oovdânpyehten já čällen. Pargoh miärášuveh Sämitige pargo-oornig 26 a § mield. Asâttâsvuáđustâslâš tohálâšvuođâvátámâššân lii virge vaattâm škovlim já lasseen váttoo sämikielâ táiđu (asâttâs 1727/95). Virge miänástuvvee tipšom išedeh hiäivulâš ollâškovlâtuđhos sehe šiev nuorâiaašij, sämikulttuur já haaldâtlij pargoi tubdâm. Pälkki miärášuvá sämitige pálkkááttemvuáháduv vátávâšvuođâtääsi IV/II mield (vuáđupälkki losijttáá 2625,08 eurod/mp). Virge […]

Äigi iävtuttiđ jesânijd Sämmilij tuotâvuotâ- já sovâdâttâmkomission juátkoo

Jesânijd Sämmilij tuotâvuotâ- já sovâdâttâmkomission kiergân iävtuttiđ 17. vyesimáánu 2020 räi. Sämitigge já Nuorttâlij sijdâčuákkim meridáin juátkiđ ääigi spiekâstâhtile keežild. ”Mij lep meridâm adeliđ laseääigi komissaarij iävtutmân, ko Sämitiggeest lii tárguttâssân orniđ ovdil miärádâstoohâm kulâmijd iävtuttum komissaarij valjiimist. Taan spiekâstâhtiileest ij lah máhđulâš orniđ kulâmijd, muštâl Sämitige saavâjođetteijee Tuomas Aslak Juuso miärádâsâst. Komissiost kalgeh leđe […]

Sämikielâi tulkkumškovlim álgá – Sämitigge avžuut uuccâđ škovliimân

Sämitige kuhesáigásâš tuoivâ sämikielâi tulkkumškovliimist olášuvá viijmâg, ko Säämi máttááttâskuávdáš aalgât tulkkumškovlim čohčuv oovtâst Diakonia-áámmátollâškovláin já Oulu ollâopâttuv Giellagas-instituutáin. Haahâ ruttâduvvoo Euroop sosiaalruttârááju ruđâiguin já mieldi haavâ ruttâdmist láá meid sämmilij päikkikuávlu kieldâin Aanaar, Ucjuuhâ já Iänudâh sehe Sämitigge. Haavâst olášuttoo maaŋgâhámásâš škovliimin 25 uáppučuággá vijđosâš sämikielâi tulkkâškovlimolesvuotâ luuhâmive 2020–2021. Škovlim lii čujottum eromâšávt sämikielâ […]

Tiäđuh koronavirusist sämikielân

Sämitigge čuákkee taan siijđon almostittum ravvuid já tiäđáttâsâid koronavirusist sämikielân. Lah-uv tun huámášâm eres sämikielâlijd ravvuid tâi lah-uv viestâdâm sämikielân koronavirustiileest? Vuolgât čujottâsân: tiedotus(at)samediggi.fi Lasetiäđuh: Kielâtorvočällee Anne Kirste Aikio, 010 839 3124 / 040 707 5626, anne-kirste.aikio(at)samediggi.fi Sosiaal- já tiervâsvuođâščällee Anne Länsman-Magga, 010 839 3128 / 040 182 9998, anne.lansman-magga(at)samediggi.fi Viestâdemčällee Johanna Alatorvinen, 010 839 3140 […]

Sämikielâi káidusmáttááttâshaahâ fáálá sämikielâi oppâtiijmijd päikkiškovlâláid

Sämikielâi káidusmáttááttâshaahâ uárnee puohháid ávus nuorttâlâš, anarâš- já orjâlâškielâ oppâtiijmijd neetist. Oppâtijmeh láá uáivildum eromâšávt škovlâláid. Haahâ fáálá oppâtijmijd jieškote-uv sämikielâst čuávuvávt: Nuorttâlâškielâ paješkovlâláid já luvâttâhuáppeid koskoho 25.3., 1.4. já 8.4. tme 10.00–10.45 Anarâškielâ 3.–6. luokaláid tuorâstuv 26.3., 2.4. já 9.4. tme 10.00–10.45 Orjâlâškielâ 0–2. luokaláid vástuppeeivi 27.3., 3.4. já vuossaargâ 6.4. tme 14.00–14.45   […]