Sämitige toimâravvuuh koronavirustiileest

Taan siijđon láá nurrum Sämitige toimâravvuuh koronavirustile várás. Peividep pargeid kyeskee laseravvuid pargei siskáldâs viestâdemkanavan.

Mij nuávdittep toimâinân väldikodálijd, kuávlulijd já páihálijd virgeomâhâšravvuid. Mij halijdep toimâidânguin estiđ koronavirus levânem sehe turviđ ovdâulmui já pargei tiervâsvuođâ.

Sämitiggeest láá rahtum ravvuuh alda- já káiduspargo sehe virgemađhâšem várás. Saijoos tooimâ várás láá jieijah ravvuuh.

Sämitigge máccá aldapaargon 4.10.2021 rääjist. Sämitigge avžuut muátusyeje kevttim ulmuid, kiäh láá ovdebái 14 pirrâmpeeivi ääigi kollim kuáhtulii riiskâ kuávlust. Ollâ riiskâ kuávlun tábáhtum määđhi maŋa avžuuttuvvoo káiduspargo kyevti oho ääigi.

Sämitige ornim tilálâšvuođâin heiviittuvvoo Tiervâsvuođâ já pyereestvaijeem lájádâs sehe máttááttâs- já kulttuurministeriö ravvuid koronavirus estim várás. Viggâp orniđ uásálisteid máhđulâšvuođâi mield meid káidusuásálistemmáhđulâšvuođâ. Sajosist uásálisteid láá finnimnáál ohtii kevttimnáál muátusyejeh, kietâdesi já syejisuormâhâteh.

  • Sämitige toimâtiilijd ep lyešti tuáistáážân ulguupiäláid ulmuid
  • Sämitigge váldá kuosijd vuástá Saijoos almolijn tiilijn (10.9.2021)

Sämitiggeest láá ráhtám ravvuid virgemađhâšem várás. Sämitigge čuávu maađhâšmist staatârääđi ravvuid. Olgoministeriö mađhâšemravvuuh láá ministeriö viermisiijđoin https://um.fi/matkustustiedotteet-a-o (suomâkielân)

  • Mätkivuávám já mätkimiärádâs táttumist kalga leđe árvuštâllâm määđhi torvolii olášutmist (pargotorvolâšvuotâlaavâ miäldásâš riskâárvuštâllâm). Sämitige toimâsoojijd láá väridum muátusyejeh, maid mađhâšeijee puáhtá viežžâđ ovdil suu virgemääđhi, jieškote-uv virgemääđhi várás kuáhtulii mere.

Saijoos koronatorvolâšvuođâvuávám 8.3.2021 (suomâkielân)

Saijoos tuáimeeh kalgeh ájáttâlhánnáá almottiđ koronan lohtâseijee njuámumijn Sämitige haldâttâhhoovdân, kote tuáimá Saijoos torvolâšvuođâhovdân. Haldâttâhhovdâ kalga Seenaat ravvui mield almottiđ njuámmumtábáhtusâin ain čuosâttuv kiddodâhhoovdân.

Pargeeh kalgeh vala väldiđ huámmášumán puudâi vuáruttâllâm ohtsijn kähvi- já purâdemviistijn. Káhvástâllâmpuudah vuáruttâleh čuávvoo náál:

  • keerdi pargei káhvástâllâmpuudah láá tme 9.00 já 13.45
  • keerdi pargei káhvástâllâmpuudah láá tme 9.45 já 14.30

Saijoos kähvivisteest lii máhđulâš siäiluttiđ já liegâdiđ jieijâs evvisijd. Juáháš huolât jieijâs uásild jyehi kevttimtove maŋa kähviviste peevdij putesvuođâst já kevttum piergâsij putteestmist. Kähvivisteest lii desinfistemaamnâs kevttimnáál peevdij putteestmân. Purâdempuudah vuáruttâleh čuávvoo náál:

  • keerdi pargei purâdempuddâ lii 12.00–13.00
  • keerdi pargei purâdempuddâ lii 10.45–11.45

Sämitigge nuávdit Saijoos raavâdviäsutooimâst raavâdviäsutooimân adelum avžuuttâsâid já ravvuid. Raavâdviäsust

  • puoh äššigâsâin kalga leđe jieijâs čokkámsaje
  • äššigâsâin lii máhđulâšvuotâ poossâđ kieđâid, já tileh já peevdih tuállojeh putesin
  • Raavâdviäsust lii väridum äššigâssáid máhđulâšvuotâ kooskâ tolâmân.

Raavâdviäsu vuávám koronavirusnjuámumij estimân lii äššigâsâi uáinimnáál.

Saijoos koronatorvolâšvuođâvuávám 8.3.2021 (suomâkielân)

Koronavirus toovât fakkist šoddâm vuoiŋâmuáli-infektio. Tavdâmeerhah sättih leđe kumestâs, kuorsâttâh, soinâttâs, tekkipohčâseh, vaibâmvuotâ, nuárvui, illávaijeem já luččâtavdâ. Taavdâ ohtâvuođâst láá valdâlum meid máhu- já hajâááicu hemâdâsah.

Šleđgâlâš tavdâmerkkâárvuštâllâm

  • Pargosajan ij uážu puáttiđ, jis láá vuoiŋâmuálitavdâmeerhah, ubâ läivis vuoiŋâmuálitavdâmeerhah iä uážu leđe.
  • Vuoiŋâmuálitavdâmeerhâin kalga almottiđ ájáttâlhánnáá hoovdân. Já sirduđ káiduspaargon.
  • Koronaiskosân moonnâm uásild nuávdittep jieččân tiervâsvuođâkuávdáá adelem ravvuid. Adelum ravvuin já máhđulii koronaiskos puátusist kalga tieđettiđ hoovdân. Hovdâ tieđeet táárbu mield haldâttâhhoovdân.

Jis pargest lii koronavirus, te tuáhtár meerrid suu karantenân. Aldakontaktist orroo pargeeh pargeh kyehti oho káiduspargoost, ovdilgo pasteh maccâđ pargosajan aldapaargon.

Ko poosah kieđâid olmânáál já tuárvi távjá, te iästáh puoh pyeremustáá puáccám. Ele kuoskâttâl čoolmijd, njune tâi njäälmi, jis jieh lah eidu poossâm kieđâid. Kieđâid kalga poossâđ čassijn já saibáin ucemustáá 20 sekuntid.

Kieđâid kolgâččij poossâđ ain ko:

  • Puátá pargosajan
  • Ovdil purâdem
  • Ovdil tubbáák puáldim já ton maŋa
  • WC:st eellim maŋa
  • Nissoom, kuorssâm tâi kašnem maŋa

Jis ij lah máhđulâš poossâđ kieđâid, te kalga kevttiđ tuárvi kietâdesi. Kietâdesi lii pieijum toimâtiilijd älkkeht finnimnáál.

Jyehi pargest lii máhđulâšvuotâ nuávdittiđ torvokooskâ nuuvt haalijddijn. Meid ohtsijn tiilijn, om. aulast, kähvivisteest, vázáttuvâin já hiisist jođedijn huolâttep máhđulâšvuođâst toollâđ kelijdeijee kooskâ.

Muátusyejiavžuuttâs

Sämitigge nuávdit muátusuojij já torvokooskâi uásild THL, Laapi pyecceetipšopirrâduv já kuávlu kieldâi adelem ravvuid. Laapi pyecceetipšopirrâduv avžuuttâs miäldásávt Saijoos siste avžuuttuvvoo muátusyeje kevttim, jis ij paste toollâđ torvokooskâ.

Pargeeh pyehtih haalijddijn kevttiđ muátusyeje pargoääigi já toollâđ torvokooskâ.

Pargotiervâsvuođâlájádâs viermisiijđoh (suomâkielân)

THL viermisiijđoh (suomâkielân)

Sämitigge avžuut jyehi pargee väldiđ pargopuhelimist anon Koronavilkku-heiviittâs. Ravvuuh heiviittâs luođiimân láá  www.koronavilkku.fi/

Laapi lääni ääigitásásâš koronatile kávnoo siijđost https://koronaturvallinenlappi.fi/. Siijđoh láá almostittum meid tavesämikielân.  Siijđoi amnâstâhpaaŋki peht puáhtá luođiđ almosravvui materiaalijd meid anarâškielân já nuorttâlâškielân.

Sämitige stivrâ lii asâttâm sierânâs spiekâstâhtile kiärgusvuotâjuávhu, mon pargon lii adeliđ táárbu mield tievâsmittee já eres ravvuid tilán. Kiärgusvuotâjuávhu joođeet saavâjođetteijee já oovdânpyehten tuáimá haldâttâhhovdâ. Kiärgusvuotâjuávhu eres jesâneh láá I já II värisaavâjođetteijee sehe lahâčällee.

Koronavirusravvuid lohtâseijee koččâmušâid puáhtá vuolgâttiđ šleđgâpostáin čujottâsân info(at)samediggi.fi

Almottâsâid Saijoos tuáimei koronan lohtâseijee njuámumijn kalga vuolgâttiđ Sämitige haldâttâhhoovdâ čujottâsân pia.ruotsala(at)samediggi.fi tâi puhelin peht 010 839 3106 / 040 726 2688

Väldikodálii puhelinpalvâlusâst 0295 535 535 já chatist finnee almos tiäđu koronavirusist sehe ravvim Koronavilkku-heiviittâs kiävtust. Ravvim palvâl argâpeeivij tme 8–21 já lávurduvâi tme 9–15. Palvâlusâst ij finnii ravvim lahâaašijn tâi tiervâsvuotân lohtâseijee aašijn tego fakkist šoddâm tavdâmeerhâin.