Sámedikki doaibmanrávvagat koronavirusdili áigge

Dán siidui leat čohkkejuvvon Sámedikki doaibmanrávvagat koronavirusdili áigodagas. Bargoveaga guoski lassirávvagat beaiváduvvojit bargoveaga siskkáldas diehtojuohkinsiidui.

Čuovvut doaimmasteamet riikkadási, guvllolaš ja báikkálaš virgeoapmahašrávvagiid. Háliidat doaibmabijuin eastadit koronavirusa lávdama dehe ahttama sihke sihkkarastit luohttámušolbmuid ja bargoveaga dearvvasvuođa.

Sámediggái leat ráhkaduvvon rávvagat lagaš- ja gáiddusbargama sihke virgemátkkiid várás. Sajosa doaimma várás leat iežas rávvagat.

Sámediggi máhccá lagašbargui 4.10.2021 rájes. Sámediggi ávžžuha, ahte vuoigŋansuoji geavahit dakkár olbmot, geat leat maŋimuš 14 jándora áigge galledan govttolaš riskka viidodagas. Alla riskka viidodahkii dahkkon mátkki maŋŋá ávžžuhuvvo guovtte vahku gáiddusbargan.

Sámedikki lágidan dilálašvuođain heivehuvvojit THL:a sihke oahpahus- ja kulturministeriija rávvagat koronavirusa eastadeami dihtii. Oassálastiide geahččaluvvo lágiduvvot vejolašvuođaid mielde maiddái gáiddusoassálastinvejolašvuohta. Sajosis oassálastit ožžot hávális geavaheami vuoigŋansujiid, giehtadesiid ja suodjegiehtagárvvuid.

  • Sámedikki doaibmalanjaide eai luitojuvvo doaisttážii olggobeale galledeaddjit.
  • Sámediggi váldá vuostá galledeaddjiid Sajosa almmolaš báikkiin (10.9.2021).

Sámedikkis leat ráhkaduvvon rávvagat virgemátkkiid várás. Sámediggi čuovvu mátkkošteami ektui stáhtaráđi rávvagiid. Olgoriikkaministeriija mátkkoštanrávvagat gávdnojit ministeriija neahttasiidduin 

  • Mátkeplánii ja mátkemearrádusa bivdimii galgá gullat árvvoštallan mátkki dorvvolaš ollašuhttimis (bargodorvvolašvuođalága mieldásaš riskaárvvoštallan). Sámedikki doaibmabáikkiide leat várrejuvvon vuoigŋansuojit, maid mátkái vuolgi sáhttá viežžat ovdal virgemátkki iešguđege virgemátkái dárbbašuvvon govttolaš meari.

Sajosa koronadorvvolašvuođaplána 8.3.2021 (suomagillii)

Sajosa doaibmit galget almmuhit dakkaviđe njoammundáhpáhusain, mat laktásit koronai, Sámedikki hálddahushovdii, guhte doaibmá Sajosa dorvvolašvuođahoavdan. Hálddahushoavda galgá Senáhta rávvagiid mielde almmuhit njoammundáhpáhusain viidásabbot guoskevaš báikki giddodathovdii.

Bargit galget váldit vuhtii ain bottuid vurohallama oktasaš boddolanjain. Káffebottut leat vurrolagaid čuovvovaččat:

  • 2 gearddis bargiid káffebottut leat dmu 9.00 ja 13.45
  • 3 gearddis bargiid káffebottut leat dmu 9.45 ja 14.30

Sajosa boddolanjas lea vejolašvuohta seailluhit ja ligget iežas nisttiid. Juohkehaš fuolaha iežas bealistis ahte juohke geavahangeardde maŋŋá boddolanja bajildusat čorgejuvvojit ja geavahuvvon boradanneavvut bassojuvvojit. Boddolanjain leat anus desinfiserenávdnasat bajildusaid buhtisteapmái. Boradanbottut leat vurrolagaid čuovvovaččat:

  • 2 gearddis bargiid boradanboddu lea 12.00-13.00
  • 3 gearddis bargiid boradanboddu lea 45–11.45

Sámediggi čuovvu Sajosa restoráŋŋadoaimmas restoráŋŋadoibmii addojuvvon ávžžuhusaid ja rávvagiid. Restoráŋŋas

  • buot áššehasain galgá leat iežas čohkkánbáiki
  • áššehasain lea vejolašvuohta bassat gieđaid, ja lanjat ja bajildusat čorgejuvvojit
  • restoráŋŋas lea várrejuvvon áššehasaide vejolašvuohta gaskkaid doallamii

Restoráŋŋa plána koronavirusnjoammumiid eastadeami várás lea áššehasaid várás oaidnin láhkai.

Koronavirus dagaha fáhkkatlaš vuoigŋanoalleinfekšuvnna. Dávdaovdasat sáhttet leat feber, gosahat, hahpaštuddan, deahkkebákčasat, váiban, nuorvvu, illáveadjin ja čoalas. Dávdda oktavuođas leat leamaš maiddái smáhkema ja haksima váttisvuođat.

Elektrovnnalaš dávdaovdasiid árvvoštallan

  • Bargosadjái ii oaččo boahtit vuoigŋanoalleinfekšuvnna dávdaovdasiiguin, eai oppa uhcánašge dávdaovdasat oaččo leat.
  • Vuoigŋanoalleinfekšuvnna dávdaovdasiin galgá almmuhit dakkaviđe lagašhovdii. Ja sirdásit gáiddusbargamii
  • Koronatestii ohcaleami oasil čuvvojuvvojit iežas dearvvasvuođaguovddáža addin rávvagat. Addojuvvon rávvagiin ja vejolaš koronateastta bohtosis dieđihuvvo lagašhovdii. Lagašhoavda dieđiha dárbbu mielde hálddahushovdii.

Juos bargis lea koronavirus, son mearriduvvo doaktára doaimmas karantenii. Lagaš oktavuođain leamaš bargit barget guokte vahku gáiddusbarggus ovdalgo sáhttet máhccat ruovttoluotta bargosadjái lagašbargui.

Bassamiin gieđaid riekta ja doarvái dávjá veltojuvvo buoremusat buohccámis. Ale guoskka čalmmiide, njunnái dahje njálbmái, juos it leat justa bassan gieđaidat. Gieđaid galgá bassat čáziin ja sáibbuin goittotge 20 sekundda áigge.

Gieđaid galggašii bassat álot go:

  • Boađát bargosadjái
  • Ovdal boradeami
  • Ovdal ja maŋŋá duhpáhastima
  • WC-fitnama maŋŋá
  • Nissuma, gossama dahje gastima maŋŋá

Juos gieđaid bassamii ii leat vejolašvuohta, galgá geavahit doarvái giehtadesi. Giehtadesit leat biddjon doaibmalanjaide nu, ahte daid lea álki oažžut.

Juohke bargis lea vejolašvuohta doallat dorvogaskka nu háliidettiin. Maiddái oktasaš lanjain, omd. boađafeaskáris, boddolanjain, váccahagain ja heaissas johttit galget fuolahit vejolašvuođas doallat doarvái guhkes dorvogaskka.

Vuoigŋansuodjeávžžuhus (Máskaávžžuhus)

Sámediggi čuovvu vuoigŋansujiid ja dorvogaskkaid oasil THL:a, Lappi buohccedikšunbiirre ja guovllu gielddaid addin rávvagiid. Lappi buohccedikšunbiirre ávžžuhusa mielde Sajosa siste lanjain ávžžuhuvvo vuoigŋansuoji geavaheapmi, juos dorvogaskkaid ii sáhte doallat.

Bargiin sáhttet juos háliidit geavahit vuoigŋansuoji bargoáigge ja doallat dorvogaskka.

Bargodearvvasvuođalágádusa neahttasiiddut

THL:a neahttasiiddut

Sámediggi ávžžuha, ahte juohke bargi váldá geavahussii bargotelefovdnii Koronavilkku – heivehusa. Rávvagat heivehusa luđema várás gávdnojit www.koronavilkku.fi/

Lappi leana reálaáigásaš koronadilli gávdno siiddus https://koronaturvallinenlappi.fi/. Siiddut leat olggosaddon maiddái davvisámegillii. Siidduid materiálabáŋkku bokte leat luđemis oktasašrávvagiid materiálat maiddái anárašgillii ja nuortalašgillii.

Sámedikki stivra lea ásahan spiehkastatdili várás sierranas válmmašvuođajoavkku, man bargun lea addit dárbbu mielde dievasmahtti ja eará rávvagiid dili olis. Válmmašvuođajoavkku jođiha ságajođiheaddji ja áššemeannudeaddjin doaibmá hálddahushoavda. Válmmašvuođajoavkku eará lahtut leat I ja II várreságajođiheaddji ja láhkačálli.

Koronavirusrávvagiidda laktáseaddji gažaldagaid sáhttá sáddet šleađgapoasttain čujuhussii info(at)samediggi.fi

Almmuhusat Sajosa doaibmiid koronanjoammundáhpáhusain Sámedikki hálddahushovdii čujuhussii pia.ruotsala(at)samediggi.fi dahje telefovnna bokte 010 839 3106 / 040 726 2688.

Riikkadási telefonbálvalusas 0295 535 535 ja chatis oažžu almmolaš dieđuid koronavirusa birra sihke rávvema Koronavilkku-heivehusa geavaheamis. Rávven bálvala árgan dmu 8-21 ja lávvardagaid dmu 9-15. Bálvalusas ii oaččo rávvema láhkaáššiin dahje dearvvasvuhtii gullevaš áššiin nugo akuhta dávdaovdasiid birra.