Eana- ja meahccedoalloministtar Sari Essayah galledii lávvardaga 23.9.2023 Anáris ja Ohcejogas ja oahpásnuvai áigeguovdilis guolástanáššiide. Sámedikki ovddasteaddjit ságastalle ministtardeaivvadeamis Sadjosis ee. Deanu guolástannjuolggadusa, buggeluosa ja guolástanlága nuppástuhttindárbbuid birra sápmelaččaid dáfus.
Govva: Sámediggi / Niina Siivikko.
– Lean ilus, ahte gulahallan ministariin lea álgán dađistaga ráđđehusbaji álggus, ja ahte son lea leamašan ovdamearkka dihte buggeluossaáššis aktiivvalaš. Dákkár konstruktiiva gulahallan ja ovttasbargu sápmelaččaiguin lea čállojuvvon maiddái Orpo ráđđehusprográmmii, muitala ságadoalli Tuomas Aslak Juuso. – Lei dehálaš, ahte oaččuimet áigeguovdileamos Deanu áššiid lassin buktit ovdan maiddái eará sápmelaččaid guolástanvuoigatvuođaide ja ovttaveardásašvuhtii gullevaš fáttáid, joatká Juuso.
Deanu guolástannjuolggadusa ja buggeluosa lassin maiddái eará guolástanáššit ovdan
Ollu ságastallojuvvui erenomážit Norggain šiehtadallojuvvon Deanu guolástannjuolggadusa ja dan váttisvuođaid birra. Sámedikki ovddasteaddjit muittuhedje, ahte sápmelaččaid vuoigatvuođat ja luosa suodjaleapmi eai leat gaskaneaskka vuostálas ulbmilat.
– Deanu guolástannjuolggadushámus lea oppalaččat eahpelihkostuvvan, iige dan galggale vuolláičállit. Dan sadjái dan galggalii ráđđádallat áibbas ođđasit, nu ahte dat gudnejahttá sápmelaččaid vuođđolágalaš vuoigatvuođaid ja váldá vuhtii riektegeavada dihkkádemiid, muitala I várreságadoalli Anni Koivisto.
– Vuohču sápmelaččaid guolástanvuoigatvuođaid dilli lea hui eahpevuoiggalaš ja gáibida čovdosiid. Lagašáiggiid livččii áigeguovdil maid ráđđádallat ođđasit Njávdánjoga guolástansoahpamuša Norggain, muitala II várreságadoalli Leo Aikio.
Sámedikki ovddastedje deaivvadeamis ságadolliid lassin stivrra lahtut Veikko Feodoroff ja Anne Nuorgam, ealáhus- ja vuoigatvuođalávdegotti ságadoalli Asko Länsman ja ságadoalli veahkki Niina Siivikko. Ministtar Essayah mielde galledeamis leigga bivdodoalloráđđeolmmoš Vesa Ruusila ja erenomášveahkki Sonja Falk.
SPR lea Norgga, Ruoŧa ja Suoma Sámedikkiid gaskasaš parlamentáralaš ovttasbargoorgána, masa maiddái Ruošša sámeorganisašuvnnat servet ovttasbargui áicin. SPR dievasčoahkkimis ráđi ovddasteaddjit golmma Davviriikkas ja Ruoššas čoahkkanit oktii unnimustá oktii jagis. Doaimmastis SPR viggá ovddidit sierra Davviriikkaid Sámedikkiid gaskasaš ovttasbarggu ja dat gieđahallá áššiid, mat gusket sámiid álbmogin rájáid badjel. SPR ovddastage Davviriikkain ássi sámiid dávjá omd. riikkaidgaskasaš oktavuođain.
Sámedikki čoahkkin vállje iežas siste ovddasteaddjiid SPR:i ovtta válgabadjái ain hávil, ja dálá válgabajis ovddasteaddjin leat: Tuomas Aslak Juuso, Anni Koivisto, Pirita Näkkäläjärvi, Anne Nuorgam, Karen-Anni Hetta, Tauno Ljetoff ja Niko Valkeapää.
Go ságajođiheapmi sirdása, de maiddái SPR hálddahusa dikšun sirdása Suoma Sámediggái, das vástida Sámedikki riikkaidgaskasaš áššiid čálli.
Ságadoalli Tuomas Aslak Juuso almmustahtii 19.9.2023 cealkámuša boazovahátlága heiveheamis boazodoallojahkái 2021-2022. Ságadoalli Juuso doarjala cealkámušastis dasa, ahte boazovahátláhka heivehuvvo lága vuoiŋŋa mielde boazodoallojagi 2021-2022 eahpedábálaš dálke- ja guohtundili dihte. Son evttoha, ahte ášši ovddideamis váldit bottu, ja ságastit vuđolaččat duohtaáššiid vuođul, seammás go muitit lága dárkkuhusa.
– Eana- ja meahccedoalloministeriija virgeolbmot eai čájet dáhtu heivehit boazovahátlága ja buhttet dálke- ja guohtundili dihte šaddan vahágiid boazodoallojagi 2021–2022. Sii baicce šiitet, ahte vahágat livčče leamašan eahpedábálaččat. Dát lea guhkkin eret das maid badjeolbmot leat vásihan, dadjá Sámedikki ságadoalli Tuomas Aslak Juuso.
– Vahágat leat leamašan sullii 20 miljovnna euro ja mihá unnit guovllus go ovddit goavvejagi. Boazovahátlága dárkkuhus lea buorre ja dehálaš: hállu sihkkarastit, ahte badjeolmmoš ii báze eahpedábálaš dálke- ja guohtundiliid dihte okto, muhto son bastá baicce joatkit ealáhusas. Dán dárkkuhus ii leat dál ministerija dulkojumi mielde ollašuvvame, joatká Juuso.
Sámegielaid oahpahusa pilohttafitnu, mii atná ávkin gáiddusoktavuođaid, guđat lohkanjagi oahpahus álggii vuossárgga 21.8., ja sámeoahpahusas álggahedje sullii 180 oahppi ja studeanta 118 sierra skuvllain ja badjel 40 gielddas birra suoma, mii lea dán rádjai olahus oahppiid mearis. Oahppiid ja studeanttaid meari lassáneami geažil fidnui leat bálkáhuvvon oktiibuot čieža oahpaheaddji, main juo golbma barget ollesáigásaš diibmooahpaheaddjin. Lohkanjagi 2023–2024 áigge nuortalašgiela oahpahit Sirkka Sanila ja Kia Olin, anárašgiela Ruska Haavisto ja Henna Aikio ja davvisámegiela Máren-Elle Länsman, Máret Ingá Länsman ja Laura Njunnas. Prošeaktahoavda Hanna Helandera sadjásažžan bargá Laura Ylinampa, ja ođđa prošeaktakoordináhtorin álggahii Anne Olli borgemánu álggus.
Ođđa skuvlajahki vulggii johtui bargiid ja oahpaheaddjiid skuvlen- ja oahpásmuhttinbeivviiguin Anáris borgemánu 8.–9.beaivve. Govas gurut bealde Laura Ylinampa, Sirkka Sanila, Kia Olin, Máret Ingá Länsman, Anne Olli, Ruska Haavisto ja Máren-Elle Länsman. Govva: Sámediggi / Anne Kirste Aikio
Viečča reivve nu jođánit go vejolaš dan maŋŋá go oaččut boahtinalmmuhusa! Jos it leat ožžon almmuhusa registrerejuvvon reivves gaskavahku 13.9.2023 rádjai, amma válddát oktavuođa válgalávdegotti doaimmahahkii.
Jietnavuoigadahtton olmmoš sáhttá máhcahit jienastanáššebáhpáriidelege sáddenreivve, man son lea vuolláičállán, ja válgakonfeluhttii giddejuvvon válgalihpo giddejuvvon máhcahanskovis:
Boasttain, gos oaččut guitte reivves mii sáddejuvvo. Sáddennummiriin, mii lea guittes, sáhtát čuovvut boastta siidduin reivve jođu válgalávdegotti doaimmahahkii.Guođe máhcahankonfeluhta bostii fievrrideapmái doarvái áiggil, nu ahte dat geargá válgalávdegotti doaimmahahkii maŋimustá 2.10.2023 ovdal diibmu 18. Dan maŋŋá boahtán válgaáššebáhpáriid ii sáhte váldit vuhtii.
Tekninen tallennus tai pääsy on tarpeen laillisessa tarkoituksessa sellaisten asetusten tallentamiseen, joita tilaaja tai käyttäjä ei ole pyytänyt.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
