Jienasteapmi jagi 2023 sámediggeválggain alimus hálddahusrievtti mearrádusa vuođul

/in , /by

Sámedikki válggat doaimmahuvvojit 4.9.-2.10.2023. Jietnavuoigadahtton olbmuide, geat leat daid sámediggeválggaid válgalogahallamis, leat válgaáššebáhpárat sáddejuvvon boastta fáro registrerejuvvon reiven čakčamánu 4. beaivvi rájes.

Olbmui, guhte ovdal jienaid rehkenastima álggaheami ovdanbuktá válgalávdegoddái alimus hálddahusrievtti mearrádusa iežas jienastanvuoigatvuođas jagi 2023 válggaid válgalogahallama guoski váidaga vuođul, várret dilálašvuođa oažžut válgaáššebáhpáriid ja jienastit.

Go jienasta duopmostuolu mearrádusa vuođul jienasteaddjis lea geatnegasvuohta luobahit válgalávdegoddái mearrádusa dahje dan kopiija, mii lea duođaštuvvon leat eakti, ášši merkema várás válgalogahallamii.

Mii bivdit áššeoapmahaš olbmuid váldit oktavuođa válgalávdegotti doaimmahahkii, gos oažžu dárkilut dieđuid válgaáššebáhpáriid oažžumis.

Amma vuhtiiválddát! Válgabiila ii leat jienastanbáiki – doppe ii sáhte jienastit iige viežžat válgaáššebáhpáriid. Válgabiilii sáhttá dušše máhcahit válgaáššebáhpáriid.

Lassedieđut válggaide gullevaš áššiin oažžu https://www.samediggi.fi/valggat-2023/

Oktavuođadieđut

Sámediggi válgalávdegoddi
Sámekulturguovddáš Sajos

Menesjärventie 2A, 99870 Inari

tel: 010 839 3153, 010 839 3174, 010 839 3177, 010 839 3155

Suddjejuvvon šleađgapoasta: https://secmail.com/send/m7jcWH7B, vuostáiváldi: vaalit@samediggi.fi