Jiõnstemäʹššǩiiʹrji maacctõs – vaalautt puätt!
Sääʹmteeʹǧǧ vaal tååimtet 4.9.- 2.10.2023. Jiõnnvuõiggâdvuõttniiʹǩǩid liâ vuõlttuum vaaläʹššǩeeʹrj ǩeeʹrjuum ǩeʹrjjvuõlttõssân čõhččmannu 4. peeiʹvest looǥǥeeʹl.
Viiǯǯ ǩeeʹrj vueiʹtlva sõrgg pueʹttemiʹlmmtõõzz vuäǯǯmõõžžâst! Jõs jiõk leäkku vuäǯǯam iʹlmmtõõzz puättam ǩeeʹrjuum ǩeeʹrjest seärad 13.9.2023 mõõneeʹst, vääʹld õhttvuõđ vaal-luʹvddkååʹdd konttra.
Jiõnnvuõiggâdvuõttneǩ vuäitt maaccted jiõnstemäʹššǩiiʹrjid leʹbe vuâllaǩeeʹrjtum vuõlttõsǩeeʹrj da vaalkonfeâʹrtte pijjum vaal-liipp kattum maacctemkonfeârtâst:
- Pååʹšt mieʹldd, koʹst vuäǯǯak kuuit vuõlttuum ǩeeʹrjest. Kuuitâst åårrai vuõlttõsnââmar veäkka vuäitak seuʹrrjed pååʹšt seeidain ǩeeʹrj jååttmõõžž vaal-luʹvddkååʹdd konttra. Viiǥǥ maacctemkonfeârt pååʹšt jååʹđtemnalla nuʹt ääiʹjeld, što tõt âstt vaal-luʹvddkååʹdd konttra mââimõõzzâst 2.10.2023 ouddâl čiâss 18. Tõn mâŋŋa puättam vaaläʹššǩiiʹrjid jeät vueiʹt väʹldded lokku.
- Persoonlânji 18.-29.9. kõskksaž veʹrǧǧpoddân (8-16) vaal-luʹvddkååʹdd konttra Sääʹmkulttuurkõõskõs Sajoʹsse Aanra.
- Persoonlânji 18.-29.9 kõskksaž poddân sääʹmvuuʹdest jooʹtti vaalauʹtte.
Jiõnnvuõiggâdvuõttneǩ: vaʹrrjõõđ tuõđšted jiijjad persoonvuõđ, jõs maacctak äʹššǩiiʹrjid vaalauʹtte leʹbe vaal-luʹvddkååʹdd konttra. Pååšta viiǥǥeeʹl persoonvuõđ ij taarbâž tuõđšted.
Hoʹhsse! Vaalaautâst ij vueiʹt jiõnsted ij-ǥa toʹben vueiʹt viǯǯâd vaaläʹššǩiiʹrjid.
Muuʹšt viǯǯâd ǩeeʹrjuum ǩeʹrjjen puättam vaaläʹššǩiiʹrjid pååʹšt tåimmpääiʹǩest.
Vaalaaut teʹl: 010 839 3199 (vaalauʹtte vuäitt väʹldded õhttvuõđ 18.-29.9. kõskksaž poddân)
Lââʹssteâđaid vaalid kuõskki aaʹššin vuäǯǯak https://www.samediggi.fi/vaal-2023.
Õhttvuõđteâđ:
Saamelaiskäräjät vaalilautakunta / Sääʹmteeʹǧǧ vaal-luʹvddkåʹdd
Saamelaiskulttuurikeskus Sajos / Sääʹmkulttuurkõõskõs Sajos
Menesjärventie 2 A, 99870 Inari,
teʹl. 010 839 3174, 010 839 3177, 010 839 3155, 010 839 3153
Suõjjuum neʹttpååʹšt: https://secmail.com/send/m7jcWH7B, vuâsttavaʹlddi: vaalit@samediggi.fi
