Jienastanáššebáhpáriid máhcaheapmi – válgabiila boahtá!
Sámedikki válggat doaimmahuvvojit 4.9.- 2.10.2023. Válgaáššebáhpárat leat sáddejuvvon jietnavuoigadahtton olbmuide registrerejuvvon reiven čakčamánu 4. beaivvi rájes.
Viečča reivve nu jođánit go vejolaš dan maŋŋá go oaččut boahtinalmmuhusa! Jos it leat ožžon almmuhusa registrerejuvvon reivves gaskavahku 13.9.2023 rádjai, amma válddát oktavuođa válgalávdegotti doaimmahahkii.
Jietnavuoigadahtton olmmoš sáhttá máhcahit jienastanáššebáhpáriid elege sáddenreivve, man son lea vuolláičállán, ja válgakonfeluhttii giddejuvvon válgalihpo giddejuvvon máhcahanskovis:
- Boasttain, gos oaččut guitte reivves mii sáddejuvvo. Sáddennummiriin, mii lea guittes, sáhtát čuovvut boastta siidduin reivve jođu válgalávdegotti doaimmahahkii. Guođe máhcahankonfeluhta bostii fievrrideapmái doarvái áiggil, nu ahte dat geargá válgalávdegotti doaimmahahkii maŋimustá 2.10.2023 ovdal diibmu 18. Dan maŋŋá boahtán válgaáššebáhpáriid ii sáhte váldit vuhtii.
- Persovnnalaččat 18.-29.9. gaskasaš áigodagas virgeáigge (8-16) válgalávdegotti doaimmahahkii Sámekulturguovddáš Sajosii Anárii.
- Persovnnalaččat 18.-29.9 gaskasaš áigodagas sámeguovllus johtti válgabiilii.
Jietnavuoigadahtton olmmoš: ráhkkan duođaštit iežat identitehta, jos máhcahat áššebáhpáriid válgabiilii dahje válgalávdegotti doaimmahahkii. Bostii guođedettiin identitehta ii dárbbaš duođaštit.
Fuom! Válgabiillas ii sáhte jienastit iige doppe sáhte viežžat válgaáššebáhpáriid.
Muitte viežžat registrerejuvvon reiven boahtán válgaáššebáhpáriiddát boastta doaimmahagas!
Válgabiilla tel: 010 839 3199 (válgabiilii sáhttá váldit oktavuođa 18.-29.9 gaskasaš áigodagas)
Lassedieđut válggaide gullevaš áššiin oažžu https://www.samediggi.fi/valggat-2023.
Oktavuođadieđut:
Sámediggi válgalávdegoddi
Sámekulturguovddáš Sajos
Menesjärventie 2A, 99870 Inari
tel: 010 839 3174, 010 839 3177, 010 839 3155, 010 839 3153
Suddjejuvvon šleađgapoasta: https://secmail.com/send/m7jcWH7B, vuostáiváldi: vaalit@samediggi.fi
