Sámedikki stivrii dahkkon vuigengáibádusat meannuduvvojit 1.–2.8.2023

/in /by

Sámedikki stivra čoahkkana gieđahallat válgalávdegotti mearrádusain dahkkon vuigengáibádusaid 1.–2.8.2023.

Sámedikkis addon lága 26 § 2 momeantta mielde válgalávdegotti mearrádussii duhtameahttun sáhttá bidjat vuigengáibádusa sámedikki stivrii gieđahallanláhkai, juos oaivvilda, ahte son lea eahpevuoiggalaččat guđđojuvvon eret válgalogahallamis dahje ahte su guoski merkejupmi válgalogahallamis lea boastut. Vuigengáibádusaid galggai dahkat Sámedikki stivrii 14 beaivve siste Sámedikki válgalávdegotti čovdosa diehtunoažžunbeaivvis.

Sámedikki stivra meannuda dasa čujuhuvvon vuigengáibádusaid čoahkkimisttis, mii dollojuvvo 1.–2.8.2023 Anáris. Olbmuide, geat leat dahkan vuigengáibádusaid, čoavddus sáddejuvvo poastta mielde diehtunaddimiin duođaštusa vuostá nu johtilit go vejolaš čoahkkima maŋŋá go beavdegirji lea dárkkistuvvon.

Lassidieđut:
Mearrádusdahkkiid beales:
Anni Koivisto
I várreságadoalli
040 415 5969
anni.koivisto(a)samediggi.fi

Hálddahusa beales:
Pia Ruotsala-Kangasniemi
Hálddahushoavda
010 839 3106 / 040 726 2688
pia.ruotsala(a)samediggi.fi

Sámedikki válggaid evttohasásaheapmi nohká 4.8.

/in , /by

Sámedikki válgalávdegoddi muittuha, ahte sámedikki válggaid 2023 evttohasásaheapmi nohká be 4.8. diibmu 16. Válljensearvvi vuođđudanáššegirji/evttohasohcamuš galgá leat válgalávdegottis Anáris Sajosa doaibmasajis máinnašuvvon áiggi rádjai (čujuhus: Sámekulturguovddáš Sajos, Menesjärventie 2A, 99870 ANÁR).

Válljensearvi berre váldit dán vuhtii eandalii jos doaimmahit áššegirjjiid poastta bokte. Válgalávdegottis ii leat eará doaibmasadji, gos váldit áššegirjjiid vuostá.

Jietnavuoigadahtton olmmoš sáhttá gullat dušše ovtta válljensearvái, dahje muđuid su namma sihkkojuvvo eret buot válljenservviin Válljensearvvi áššeolbmos lea vejolašvuohta dievasmahttit dahje njulget ohcamuša dieđuid ma 8.8. d. 16 rádjai.

Evttohasásahanskovit gávdnojit Sámedikki válgalávdegotti neahttasiidduin čujuhusas https://www.samediggi.fi/valggat-2023 ja daid oažžut maid Sámekulturguovddaš Sajosa infos.

Válgaáššegirjjiid mearrái doaimmaheami sihkkarastima geažil válgalávdegoddi bivdá 1.6.2023 maŋŋá fárren olbmuid ja maiddái olgoriikkain fárren olbmuid doaimmahit čujuhusdieđuideaset, mat leat áiggi dásis, válgalávdegoddái šleađgapoastta bokte vaalit@samediggi.fi, suddjejuvvon šleađgapoastta bokte https://secmail.com/send/m7jcWH7B, telefovnna bokte 010 839 3155, 010 839 3177, 010 839 3174 dahje poastta mielde Sámediggi / Válgalávdegoddi, Menesjärventie 2A, 99870 ANÁR.

Boazovahátlágas dárkkuhuvvon buhtadusaid boazodoallojagi 2021–2022 vahágiin galgá máksit boazodoalliide 

/in , /by

Sámediggi lea álggahan ráđđádallamiid eana- ja meahccedoalloministeriijain guoskkadin boazovahátlága ollašuhttima guoski válmmaštallama. Sámediggi oaivvilda, ahte boazodoallojagi 2021–2022 goavvi deavdá kriteraid, mat leat ásahuvvon láhkaásaheamis buhtadusa vuođustussan. 

– Sámediggi gáibida, ahte boazovahátlágas dárkkuhuvvon buhtadusat boazodoallojagi 2021-2022 áigásaš vahágiin máksojuvvojit vuoiggalaččat daid boazodoalliide, geat leat vahága gillán – maiddái daid bálgosiin, gos leat leamaš badjel lobálaš meari bohccot. Dán oainnu doarju Davvi-Suoma hálddahusrievtti gieskat addin čoavddus, mas gomihuvvojedje EJB-guovddáža mearrádusat main hilgojuvvojedje boazovahátlága mieldásaš vahágiid buhtadusohcamušat Neakkela bálgosa boazodoalliid buohta dálvvi 2019–2020 vahágiin, gávnnaha Sámedikki ságajođiheaddji Tuomas Aslak Juuso. 

Boazodoallojagi 2021–2022 áigge sámiid ruovttuguovllu boazodoallit vásihedje oanehis áigge siste juo nuppi goavvedálvvi. Eatnama bajoža ala jikŋon muohttaga ja maiddái guohppuma geažil guohtun álggii máŋgga bálgosis šaddat erenomáš váttisin juo čakčadálvve 2021. 

Eana- ja meahccedoalloministeriija almmuhii njukčamánu álggus 2022, ahte Luondduriggodatguovddáš (Luke) ráhkada čielggadusa dálvvi 2021–2022 dilis boazodoalloguovllus, dan maŋŋá, go vihtta bálgosa sámiid ruovttuguovllus ledje dahkan diehtunaddima eahpedábálaš muohta- ja luonddudili birra eana- ja meahccedoalloministeriijai. Maiddái Sámediggi ráđđádalai ministeriijain áššis, ja doarjalii dalá eana- ja meahccedoalloministtar Leppäi boazojámuid ovddalgihtii eastadeami ja boazovahátlága mieldásaš meannudeami álggaheami várás rabas reivviin.   

Luke gávnnahii čielggadusas, ahte muohttaga garra ja jikŋon bodnegeardi ja maiddái guovllu šattolašvuođa mearkkašahtti guohpatoksiidnadoalut váttásmahtte guohtuma muhtin osiin boazodoalloguovllus dálvvi 2021–2022 áigge. Čielggadusas árvvoštallui, ahte eahpedábálaš guohtondilli olai oktiibuot 19 bálgosa viidodahkii. Guovlu guoská viiddes oasi sámiid ruovttuguovllu bálgosiin ja maiddái erenomážit boazodollui várrejuvvon guovllus. Dan lassin dán 19 bálgosa viidodagas dikšojuvvo badjel bealli olles boazodoalloguovllu bohccuin. 

Eará láhkai go ovddit háve boazovahátlága heivehettiin, Luke čielggadus dievasmahttui gielddaid dálonguovloealáhusvirgeoapmahaččaid dahkan dárkkistusain. Sámedikki oažžun dieđuid mielde bivdda dárkkistusaid álggaheapmin gielddaide bođii Lappi EJB-guovddážis easkka njukčamánu loahpas jagi 2022, ja dárkkistusat ja maiddái čájánasaid čoaggin dahkkui easkka dan maŋŋá. 

Sámedikki ja eana- ja meahccedoalloministeriija gaskasaš Sámediggelága 9 §:s dárkkuhuvvon ráđđádallamat álggahuvvojedje miessemánus 2023 buhtadusaid máksimis. Buhtadusat vuođđuduvvet boazodoalu deaividan vahágiid buhttemis addojuvvon láhkii (987/2011), elege ng. boazovahátláhkii. Ráđđádallamat joatkašuvve borgemánus 2023, go leat ožžojuvvon buot dárbbašlaš dieđut vahágiid viidodaga ja buhtadusaid eaktudan mearreruđa árvvoštallama várás. 

Lassidieđut: 

Tuomas Aslak Juuso 
Ságajođiheaddji 
040 687 3394
tuomas.juuso@samediggi.fi  

Laura Olsén-Ljetoff 
Ealáhusčálli 
010 839 3123 / 040 617 5113 
laura.olsen-ljetoff@samediggi.fi

Sámedikki telefonguovddáš lea gitta 7.–31.7. 

/in , /by

Sámedikki čállingotti telefonguovddáš lea gitta 7.-31.7.2023 gaskasaš áigge. 

Sámedikki gielladoaimmahat ja jorgalandoaibma leat gitta 10.-31.7.2023 gaskasaš áigge. Mii máhccat diŋgomiidda fas 1.8.2023 rájes. Juos dárbbašehpet jorgalusaid dallego jorgalanbálvaleapmi lea gitta, gávdnojit freelance-jorgaleaddjiid oktavuođadieđut Sámedikki jorgaleaddjiid- ja dulkkaid ohcanbálvaleamis. 

Sámediggi sávvá buori geasi buohkaide!