Sämitige vaaljâi iävtukkâsasâttâllâm nohá 4.8.

Sämitige valjâlävdikodde muštoot, et Sämitige vaaljâi 2023 iävtukkâsasâttâllâm nohá vá 4.8. tme 16. Väljejeijeeseervi vuáđudemäššikirje/iävtukkâsucâmuš kalga leđe valjâlävdikoddeest Anarist Sajos toimâsaajeest nomâttum äigirääji räi (čujottâs: Säämi kulttuurkuávdáš Sajos, Menesjärventie 2A, 99870 AANAAR).

Väljejeijeeseervih kalgeh väldiđ taan ääši vuotân aainâs talle, ko toimâtteh äššikiirjijd poostâ pehti. Valjâlävdikoddeest ij lah eres toimâsaje, mast äššikiirjijd váldáččii vuástá.

Jienâvuoigâdvuođâlâš puáhtá kuullâđ tuše oovtâ väljejeijeesiärván, tâi mudoi suu nommâ sikkoo meddâl puoh väljejeijeeseervijn. Väljejeijeeseervi äššiulmust lii máhđulâšvuotâ tievâsmittiđ tâi njuolgiđ ucâmuš tiäđuid vu 8.8. tme 16 räi.

Iävtukkâsasâttâllâmluámáttuvah kávnojeh Sämitige internetsiijđoin čujottâsâst https://www.samediggi.fi/vaaljah-2023 já taid uážžu meid Säämi kulttuurkuávdáš Sajos infoost.

Valjâäššikirjij merisajan toimâttem visásmitmân valjâlävdikodde pivdá 1.6.2023 maŋa värrejeijee ulmuid já olgoenâmijn värrejeijee ulmuid toimâttiđ peividum čujottâstiäđuidis valjâlävdikoodán šleđgâpoostâ pehti vaalit@samediggi.fi, syeijejum šleđgâpoostâ pehti: https://secmail.com/send/m7jcWH7B. puhelimáin 010 839 3155, 010 839 3177, 010 839 3174 tâi poostâ pehti Sämitigge / Valjâlävdikodde, Menesjärventie 2A, 99870 AANAAR.