Sääʹmnuõri čeäppõspeeiʹv Aanrest 26.-27.4.2023

Sääʹmnuõri čeäppõspeeiʹvid jäʹrjstet Aanrest, Sajoozzâst 26.-27.4.2023. Teeman lie taʹnni čuäjtõslaaǥǥan čeäppõõzz da nuʹbben sääʹm ǩiõtt-tuâj.

Sääʹmteʹǧǧ jääʹrjast Sääʹmnuõri čeäppõspeeiʹv Aanrest, sääʹmkulttuurkõõskõs Sajoozzâst 26.-27.4.2023.  Väʹlddkååddlaž Nuori Kulttuuri-peeiʹv lie ođsmam da tõid jäʹrjstet taʹnni määŋgčeäppõsfestivaalân Kuopiost 25.-27.5.2023. Väʹlddkååddlaž peeiʹvid mallân ââʹneeʹl Sääʹmnuõri čeäppõspeeiʹvi teeman lie taʹnni čuäjtõslaaǥǥančeäppõõzz, kook vuäiʹtte leeʹd õuddmiârkkân musikk, teatter, tanss, stand up da kriʹlcctiivt. Nuʹbben teeman Sääʹmnuõri čeäppõspeeiʹvin lie taʹnni sääʹm ǩiõtt-tuejj (duodji, tyeji, ǩiõtt-tuejj) – sääʹmnuõri raajjâm tuâj kuâsttje čeäppõspeeiʹvi ääiʹj.

Pâjjnam jäʹrjstõõllâmkoolai da Sajoozz sõõʹji kapasiteeʹtt diõtt sääʹmnuõri čeäppõspeeiʹvi ââʹǩǩraajj lij taʹnni kaggum nuʹtt, što čeäppõspeeiʹvid vuäiʹtte vuässõõttâd 9-20-âkksa nuõr. Joouk lie: 9-12–âkksa, 13-16–âkksa di 16-20–âkksa.

Sääʹmnuõri čeäppõspeeiʹvi lââʹssen sääʹmteʹǧǧ älšmâtt 13-29-âkksaid sääʹmnuõrid ooccâd pâʹsslâšttam-mannust ävvneei virtuaal’laž Nuori Kulttuuri Digistage õõl, koozz puättam čuäjtõõzzin vueʹzz vaʹlljeet Kuopio festivaaʹle. Digistage vuâkkõõzz lie lookkâmnalla Nuori Kulttuuri neʹttseeidain.

Snimldõk: Čeäppõspeeiʹv 2 019. Ville-Riiko Fofonoff/Sääʹmteʹǧǧ

Lââʹssteâđ: 

Heli Aikio
vs. mättmateriaalplaaneei
heli.aikio[at]samediggi.fi
+358 (0)10 839 3 107