Tiervâpuáttim lekkâmtilálâšvuotân! Säämi psykososiaallâš torjuu ohtâdâh uárnee lekkâmtilálâšvuođâ Sajosist 16.6.2022

/in /by

Säämi psykososiaallâš torjuu ohtâdâh uárnee lekkâmtilálâšvuođâ Säämi kulttuurkuávdáš Sajosist Anarist tuorâstuv 16. kesimáánu 2022 tijme 16.00-20.00. Ávutilálâšvuođâ ohjelm siskeeld tiervuođâi pyehtimijd, ohtâduv tooimâst muštâlem já muusik. Ávutilálâšvuođâst lii káhvástâllâm. Tilálâšvuođâ puáhtá čuávvuđ stream-vuolgâttâssân, liŋkkâ puátá some-sijđoid.   

Säämi psykososiaallâš torjuu ohtâdâh lii vuáđudum tuárjuđ sämmilij já Suomâ staatâ koskâsâš tuotâvuotâ- já sovâdâttâmkomissiopargo. Ohtâdâh fáálá nuuvtá sämikielâlâš já -kulttuurlâš psykososiaallâš torjuu palvâlusâid, moh láá älkkeht finnimnáál – ravvim, toorjâ já krisâpargo lii uážžumist jieijâs eenikielâst. Ohtâdâh iššeed puoh Suomâst ässee sämmilijd peerusthánnáá uásálist-uv tuotâvuotâ- já sovâdâttâmkomissio kuullâm tilálâšvuođáid.  

Riijkâvijđosâš telefonpalvâlus nummeer lii 040 663 8882 (argân tme 8-16), já tot lii uáivildum puoh Suomâ pele sämmiláid.

Čuávu ohtâduv tooimâid Facebookist (saamelaisten psykososiaalisen tuen yksikkö) já Instagramist (saamelainen_psykosos_tuki). 

Sämitigge almoot uuccâmnáál vuávájeijee meriáigásii pargo

/in , /by

Sämitige sämikielâ toimâttâh ocá meriáigásii vuávájeijee, kiän pargon lii olášuttiđ sämikielâi jurgâlemtooimâ já tulkkumpalvâlusâi oovdedmân kyeskee selvâttem- já ovdedempargo. Ulmen lii selvâttiđ jurgâlem- já tulkkumresursijd, maid säämi kielâlaavâ olášuttem váátá, sehe sierâ tuáimei táárbuid já vuáváámijd jurgâlem- já tulkkumpalvâlusâi háárán. Pargo álgá 1.9.2022 tâi sopâmuš mield já pištá 31.12.2022 räi.

Tohálâšvuotâvátámâššân lii pargo vaattâm škovlim já lasseen váttoo sämikielâ táiđu (asâttâs 1727/95). Pargo miänástuvvee hoittám váátá šiev sämmilij kielâlij vuoigâdvuođâi, jurgâlem- já tulkkumtooimâ sehe sämikulttuur já haaldâtlij pargoi tubdâm. Pargohárjánem västideijee pargoin annoo hiättun.

Pälkki meriduvvoo Sämitige pälkkivuáháduv vátávâšvuotâtääsi IV/III mield (vuáđupälkki 2645,46 eurod/mp). Vuáđupäälhi lasseen máksojeh hárjánemlaseh pargohárjánem mield sehe sämikuávlust porgâdijn 24 % sämikuávlu lase. Pargoost lii kyevti oho keččâlemäigi.

Ucâmušâid lahtosijguin kalga toimâttiđ sämitige čäällimkoodán 29.7.2022 räi čujottâsân: https://www.sympahr.net/public/pq.aspx?9087c9e0

Lasetiäđuid pargoost addel 23.6.2022 räi kielâtorvočällee Anne Kirste Aikio puh. 010 839 3124.

Sämitige tooimân puáhtá uápásmuđ nettičujottâsâst www.samediggi.fi

Anarist 14.6.2022
Sämitigge

Lah-uv tun 18–29-ihásâš säminuorâ já kiäsutteh-uv elleekoveh tuu? Uásálist tave-eennâmlii Northern Script -kietâčaalâkiišton jieijâd eenikielân!

/in /by

Northern Script -kišto teeman lii TEMPTATION. Tun puávtáh kevttiđ teema puustavlávt, symbollávt tâi tobdoi uáinust. Teema puáhtá lahteđ meid ohtsâškodáláid tiilijd. Kietâčaalâ puáhtá vuáđuduđ tuu jieijâd eellimfeerimân tâi tot puáhtá  leđe aaibâs tuu mielâkuvviittâs puáđus. Genren iä lah raijiittâsah.

Kietâčalluu kukkodâh lii enâmustáá 10 sijđod (fontti Courier, stuárudâh 12). Tun puávtáh kevttiđ kietâčaalâohjelmijd, moh hämmejeh teevstâ njuolgist kietâčaalâháámán. Ovdâmeerhah elleekove kietâčalluin láá čujottâsâst: imsdb.com.

Palhâšummeen lii peessâm oho pištee tave-eennâmlii kietâčaalâleeirân Oulun 14.-20.11.2022, mii ana sistees kietâčäällimpáájáid, uánihisfiilmâ rähtim & VIP-liipuid Oulu párnái já nuorâi elleekovefestivaaláid.

Uásálist kiišton já vuolgât kietâčalluu 22.8.2022 räi čujottâsân: tarja.porsanger@samediggi.fi.

Šleđgâpoostâst kalgeh leđe čuávvooh tiäđuh:

• Kietâčaalâ pdf-häämist, lokkesiijđon tuš nommâmerkkâ, ij jieijâd nommâ.

• Uásálistee tiäđuh piäijojeh šleđgâpoostân (nommâ, nommâmerkkâ, čujottâs, puhelinnummeer, šleđgâpostâčujottâs já šoddâmäigi)

Lasetiäđuh: nosi.fi

Algâaalmugij elleekovekuávdáš Skábma/Sämitigge

Kove: Ville Fofonoff

Sämitigge árvuštâl tuotâvuotâ- já sovâdâttâmkomissio tile já toimâiävtuid huolâlávt

/in , /by

Sämmilij tuotâvuotâ- já sovâdâttâmkomissio asâttui staatârääđi tooimâst 28. roovvâdmáánu 2021. Kiiđâ 2022 ääigi kuohtuuh Sämitige iävtuttem komissaareh láá iäránâm luáttámuštoimâstis já meid komissio váldučällee lii kuáđđám tooimâs. Sämitiggeest eellih tile čoođâ huolâlávt. Äšši kieđâvuššui 8.6.2022 tollum stiivrâ čuákkimist, mast meridii meid tuálvuđ ääši Sämitige čuákkimân meridemnáál.

Sämmilij tuotâvuotâ- já sovâdâttâmkomissio asâttui Staatârääđi tooimâst 28. roovvâdmáánu 2021. Asâttem maŋa komissio lii toimâm jiešráđálávt já sorjohánnáá.  Kiiđâ 2022 ääigi tuotâvuotâ- já sovâdâttâmkomissio lii ornim äššitobdeekulâmijd, moid láá pivdám meid Sämitige ovtâskâs virgeulmuid kuullâmnáál. Sämmilij tuotâvuotâ- já sovâdâttâmkomissio teeivâi Sämitige stiivrâ 9.5.2022 uárnejum teivâdmist vuossâmuu tove. 

Vyesimáánust 2022 kuohtuuh Sämitige iävtuttem komissaareh Miina Seurujärvi sehe Heikki J. Hyvärinen lává pivdám luovâsmittem komissaar pargostis Staatârääđist.  Staatârääđi mieđettij iäru Miina Seurujäärvin já Heikki J. Hyvärisâžân komissaar pargoost 25.5.2022 rääjist. Komissio váldučällee almottij staatârääđi kanslian keččâlemääigi raččomist Sämmilij tuotâvuotâ- já sovâdâttâmkomissio váldučällee virgeest 22.5.2022 rääjist.

Komissio asâtteijeepeelij, ađai Sämitige, Nuorttâlij sijdâčuákkim sehe Staatârääđi kanslia ovdâsteijeeh láá savâstâllâm komissiost tábáhtum nubástusâin já jotkâtooimâin vyesi-kesimáánust 2022 neljii ađai 13.5.2022, 18.5.2022, 25.5.2022 já 2.6.2022. Lasseen komissio asâttâm peleh láá 18.5.2022 kuullâm tiileest puoh vittâ algâ aalgâst komissaarin nomâttum ulmuu sehe 25.5.2022 kulmâ čäällimkode vuávájeijee.

-Sämitigge váldá tile tuođâlávt. Kalga pyehtiđ hammiđ vistig kelijdeijee oleskove tábáhtusâin já ton vuáđuld árvuštâllâđ, ete magarijd čuávdusijd juátkim váátá, paahud Sämitige saavâjođetteijee Tuomas Aslak Juuso.

Tuotâvuotâ- já sovâdâttâmkomissio joođhâst merideh Sämitige čuákkimist

Sämitige stivrâ savâstâlâi tuotâvuotâ- já sovâdâttâmkomissio tiileest já jotkâtooimâin čuákkimistis 8.6.2022. Stivrâ meridij povdiđ 23.6.2022 toollâmnáál Sämitige čuákkimân kuullâmnáál puoh vittâ jeessân, kiäh láá algâ aalgâst nomâttum tuotâvuotâ- já sovâdâttâmkomission, tuotâvuotâ- já sovâdâttâmkomissio čäällimkode vuávájeijeeh, sehe tooimâs kuáđđám váldučällee. Lasseen Sämitige čuákkimân puávdejuvvoo kuullâmnáál sämmilij psykososiaallii torjuu palvâlemohtâduv hahâhovdâ Heidi Eriksen.

Sämitige stivrâ meridij tuálvuđ tievâsčuákkimân meid uđđâ komissaarij valjim iäránâm komissaarij sajan já táárbu mield miärádâs eres tooimâin proosees joođhâ háárán. Toos lasseen stivrâ avžuut saavâjođetteijeid savâstâllâđ proosees sierâ uásipelijguin tooimâin, moiguin visásmiteh proosees luhostummáhđulâšvuođâid já toimâiävtuid. Saavâjođetteijee raportist tievâsčuákkimân äigikyevdilis tile.

-Tile já oleskove čielgâsmittem tiet mij anneep tehálâžžân, ete Sämitige jesânijn lii máhđulâšvuotâ kuullâđ tuotâvuotâ- já sovâdâttâmkomissio pargoost ulmuid, kiäh láá taan räi lamaš mieldi, sehe meid sämmilij psykososiaallii torjuu äššitobdee. Tast maŋa Sämitige jesâneh pyehtih tuáivui mield pyerebeht árvuštâllâđ uđđâ komissaarij nomâttem já tárbulijd tooimâid, juátká I värisaavâjođetteijee Anni Koivisto.

Lasetiäđuh:

Tuomas Aslak Juuso
Saavâjođetteijee
040 687 3394
tuomas.juuso@samediggi.fi 

Anni Koivisto
I värisaavâjođetteijee
040 415 5969
anni.koivisto@samediggi.fi

Kädet kannettavan tietokoneen näppäimistöllä.

Sämitigge uárnee infotilálâšvuođâ auktorisistum jurgâleijee totkosist 22.6.2022

/in , , , /by

Sämitigge uárnee infotilálâšvuođâ auktorisistum jurgâleijee totkosist 22.6.2022, tme. 14.00-14.45 káidusohtâvuođâiguin. Tilálâšvuođâst eellip čoođâ, ete mii tođhos lii já maht toos puáhtá ráhtádâttâđ. Jieš totkosân almottâttâm lii porgemáánust 2022. Infotilálâšvuođâst totkosist muštâl kielâtorvočällee Anne Kirste Aikio ja auktorisistum jurgâleijee Tiina Sanila-Aikio. Infotilálâšvuotâ lii tárguttum puohháid, kiäh láá perustum totkosist.

Máttááttâshaldâttâs haldâšem auktorisistum jurgâleijee totkos uárnejuvvoo čuávuváá keerdi skammâmáánust 2022. Auktorisistum jurgâleijee tođhos puáhtá čođâldittiđ puoh Suomâst sarnum sämikielân já tot lii virgálâš tuođâštus jurgâleijee áámmáttááiđust. Totkos siskáldâsâst puáhtá luuhâđ tärhibeht máttááttâshaldâttâs siijđoin: https://www.oph.fi/koulutus_ja_tutkinnot/auktorisoidut_kaantajat. Auktorisistum jurgâleijee tođhos lii meid tohálâšvuotâvátámâššân Sämitige jurgâleijei viirgán Sämitiggeest adelum asâttâs mield.

Sämitigge uárnee maŋeláá čohčuv sierâ ráhtádâttâmtilálâšvuođâ totkosân.   

Infotilálâšvuotân puáhtá uásálistiđ káidusohtâvuođáin:

Seervâ čuákkimân spokkâlmáin täst

Lasetiäđuh

Lasetiäđuid addel kielâtorvočällee Anne Kirste Aikio:

anne-kirste.aikio@samediggi.fi

Mob. +358 40 707 5626

Tel. 010 839 3124

Sämitigge kiijtij stipendijguin sämikielâi uápuin miänástum uáppeid

/in , /by

Sämitigge juovij škoovlâi kiđđâjuuhlijn stipendijd uáppeid kiäh láá pyereest miänástum sämikielâuápuin. Stipendijd finnejii ohtsis 32 vuáđuškoovlâst kiergânâm uáppee já 13 uđđâ pajeuáppee.

Sämitige stiipeend ožžuu čuávuvááh nuorah:

Pajeuáppeeh:

Iänuduv luvâttâh: Ibbá Lauhamaa (orjâlâškielâ), Inger-Anni Valkeapää (orjâlâškielâ)

Avveel luvâttâh: Mihkku Laiti (orjâlâškielâ), Rufina Kangasniemi (orjâlâškielâ), Matti Iisakki Musta (orjâlâškielâ), Vilho-Simon Mäkinen (orjâlâškielâ), Aada Vuolab (orjâlâškielâ), Sammeli Suominen (anarâškielâ)

Ucjuv sämiluvâttâh: Senja Aikio (orjâlâškielâ), Emma Laakso (orjâlâškielâ), Elle Raudasoja (orjâlâškielâ), Ánte Tenoranta (orjâlâškielâ)

Sibelius- luvâttâh, Helsig: Biret-Iŋgá Pieski (orjâlâškielâ)

Vuáđumáttááttâs čođâldittám uáppeeh:

Heta vuáđuškovlâ: Elen-Anne Juuso (orjâlâškielâ), Paulus Labba (orjâlâškielâ), Julia Näkkäläjärvi (orjâlâškielâ)

Aanaar škovlâ: Kaisla Suominen (anarâškielâ), Emma Saari (anarâškielâ), Ainomaija Mäenpää (anarâškielâ), Pekka Tervaniemi (anarâškielâ), Tiia-Karen Alakorva (orjâlâškielâ), Hilda Musta (orjâlâškielâ), Saranne Näkkäläjärvi (orjâlâškielâ), Mihku Näkkäläjärvi (orjâlâškielâ)

Avveel pajetääsi: Ilona Aikio (orjâlâškielâ), Essi Mikkola (orjâlâškielâ), Tuukka Hakovirta (anarâškielâ)

Juhannuskylä škovlâ, Tampere: Mitro Krutsin (anarâškielâ)

Kärigâsnjaargâ škovlâ: Ellen Saijets (orjâlâškielâ), Sive Kangas (orjâlâškielâ), Johanna Kangas (orjâlâškielâ), Henri Sarre (orjâlâškielâ), Ronja Utsi (orjâlâškielâ), Isak Pieski (orjâlâškielâ)

Kastelli škovlâ, Oulu:  Hannes Huusko (orjâlâškielâ)

Čevetjäävri škovlâ: Markus Porsanger (nuorttâlâškielâ), Inari Jomppanen (nuorttâlâškielâ), Janna-Maria Semenoff (nuorttâlâškielâ)

Täsnikieldâ škovlâ, Suáđigil: Veeti Tanhua (orjâlâškielâ), Valtteri Karppinen (orjâlâškielâ)

Ucjuv škovlâ: Lávra Länsman (orjâlâškielâ), Aaro-Sámmol Syvänperä (orjâlâškielâ), Sammeli Valle (orjâlâškielâ)

Vuáčču škovlâ: Ante Magga (orjâlâškielâ), Olavi Hetta (orjâlâškielâ)

Sämitigge tuáivut luho já pyere kesiluámu puohháid!

Sämitigge palhâšij sämikielâi, tyeje já puásuituálu uáppeid 

/in , /by

Sämitigge juovij Säämi máttááttâskuávdáá kiđđâjuuhlijn stipendijd sämikielâi,tyeje já puásuituálu oopâin pyereest miänástum uáppeid. Stipendeh juáhhojii ohtsis oovce uáppei, kiäh valmâštuvvojii Säämi máttááttâskuávdáást. 

Sämitige stiipeend ožžuu čuávuvááh uáppeeh: 

Anarâškielâ já kulttuur: Sonja Valle já Milja Nikunen 

Tavesämikielâ já kulttuur: Nina Autti já Kaisa Ruokojärvi 

Nuorttâlâškielâ já kulttuur: Jasmi Mäenpää já Maarit Kiprianoff 

Tyeji: Nils Joel Partapuoli já Essi Morottaja 

Puásuituálu: Fasku-Oskal Magga 

Sämitigge tuáivut luho já pyeri kesiluámu puohháid! 

Kove Säämi máttááttâskuávdáá kiđđâjuhleest vástuppeeivi kesimáánu 3. peeivi. Lávdástmin Ulpu Mattus-Kumpunen, Samu Hurskainen, Minna Kauppinen já Helmi Isojunno. Kove: Sogsakk.