Sämitigge almoot uuccâmnáál muusikkuávdáá proojeektpargee meriáigásii tooimâ

/in /by

Pargo álgá 6.6 já pištá 26.8.2022 räi. Proojeektpargee pargoid kuleh el. säämi muusikkuávdáá išedeijen toimâm sehe Ijâttes ijjâ -algâaalmugij muusikfestivaal išepyevtitteijee pargoh. Pargo miänástuvvee hoittám išedeh hiäivulâš škovlim, sämikielâ táiđu sehe kelijdeijee eŋgâlâskielâ táiđu.

Proojeektpargee pälkki miärášuvá Suomâ sämitige pálkkááttemvuáháduv vátávâšvuođâtääsi VII/I mield (vuáđupälkki 1 862,02 eurod/mp). Vuáđupäälhi lasseen máksojeh 24 % sämikuávlu lase já pargohárjánem mield miärášuvvee hárjánemlaseh. Proojeektpargee toimâsaje lii säämi kulttuurkuávdáš Sajosist.

Ucâmušâid lahtosijdiskuin kalga toimâttiđ sämitige čäällimkoodán 29.4.2022 räi čujottâsân https://www.sympahr.net/public/pq.aspx?fd1e8c78

Lasetiäđuid pargoost addel säämi muusikkuávdáá vuávájeijee Oula Guttorm p. 040 667 4545, oula.guttorm(at)samediggi.fi.

Sämitige tooimân puáhtá uápásmuđ nettičujottâsâst www.samediggi.fi já Ijâttes ijjâ- algâaalmugij muusiktábáhtusân čujottâsâst www.ijahisidja.fi

Anarist 31.3.2022
Sämitigge

Almoot uáppee sämikielâi káidusmáttááttâs luuhâmihán 2022–2023 majemustáá 31.3. – káidusoppâtijmijd puáhtá puáttiđ uápásmuđ jo tääl!

/in , /by

Almoot uáppee sämikielâi káidusmáttááttâs piiloothaavâ máttááttâsân luuhâmihán 2022–2023 majemustáá 31.3. Almottâttâm máttááttâsân tahhoo Hellewi-almottâttâmvuáháduvâst. Almottâttâm kuáská uđđâ uáppeid já uáppeid, kiäh juátkih haavâ máttááttâsâst. Almottâttâm puáhtá toohâđ máttááttâs uárnejeijee, rehtor tâi huolâtteijee.

Sämikielâi káidusmáttááttâshaavâ pargeeh já máttáátteijeeh porgemáánust 2021, kooveest čižetpeln Anni-Sofia Niittyvuopio, Henna Aikio, Hanna Helander, Satu Pieski, Ulla Aikio-Puoskari já Joni Saijets. Kove: Anni-Sofia Niittyvuopio.

Káidusmáttááttâshaahâ fáálá sämikielâ (anarâš-, nuorttâlâš- tâi orjâlâškielâ) vuáđumáttááttâs tâi luvâttâhškovlim tievâsmittee sämikielâ máttááttâs 2 okkotijme sämiuáppeid, kiäh láá sämmilij päikkikuávlu ulguubeln. Meid ovdâmáttááttâs uáppeeh pyehtih uásálistiđ haavâ máttááttâsân. Sämikielâ ij taarbâš mättiđ ovdiist vâi puáhtá uásálistiđ máttááttâsân. 

Almottâttâmääigi nuuhâm maŋa máttááttâsân uásálistmist ráđádâleh vistig uáppee päikkikieldáin. Máttááttâsjuávhuh ráhtojeh jieškote-uv sämikielân sierâ nuuvt, ete uáppei luokkâ- já kielâtääsi sehe luuhâmoornig váldojeh huámmášumán nuuvt pyereest ko máhđulâš.

Oppâtijmijd puáhtá puáttiđ uápásmuđ jo tääl

Jis uáppee já huolâtteijeeh láá perustum sämikielâ oppâmist káidusohtâvuođâ peht, mutâ oppâtijmijd uásálistem smietâdit tâi jiärástut, te tijmijd puáhtá puáttiđ uápásmuđ ovdil almottâttâm já sämikielâ máttááttâs algâttem.

– Tiervâpuáttim kiiđâ ääigi uápásmuđ! Uápásmum ääigi uáppee já huolâtteijee finnejeh vuossâmuid feerimijd tast, ete maggaar sämikielâ oppâm káidusin ličij, movtijdit káidushaavâ tavesämikielâ máttáátteijee Máren-Elle Länsman.

Uáppeeh já huolâtteijeeh, kiäh halijdeh uápásmuđ káidusoppâtijmijd, pyehtih leđe ohtâvuođâst káidushaavâ sämikielâ máttáátteijeid tâi hahâpargeid.

Lasetiäđuh:

Anni-Sofia Niittyvuopio, hahâhovdâ
Ucjuv kieldâ
anni-sofia.niittyvuopio@edu.utsjoki.fi
040 7012 094

Arla Magga, hahâkoordinaattor
Sämitigge
arla.magga@samediggi.fi
040 6875 989

www.saamenetaopetus.com

Lasetiäđuh Sämikielâi káidusmáttááttâs piiloothaavâst:

Sämikielâi káidusmáttááttâs piiloothaahâ lii haahâ, mon Ucjuv kieldâ joođeet já Sämitigge koordinist, já mii juátkoo 2023 kiđđâluuhâmpaje loopâ räi. Máttááttâs- já kulttuurministeriö ruttâd haavâ. Ton ulmen lii faallâđ sämikielâ káidusmáttááttâs kyehti okkotijme verd vuáđuškoovlâ já nube tääsi uáppeid sämmilij päikkikuávlu ulguubel.

Sämitigge almoot uuccâmnáál meriáigásii tavesämikielâ jurgâleijee tooimâ

/in , /by

Jurgâleijee pargon lii hoittáđ tavesämikielâ jurgâlem- já terminologiapargo kielâtoimâttuvâst. Jurgâleijee tohálâšvuotâiähtun lii paargon hiäivulâš ollâškovlâtođhos teikâ eres škovliittâs sehe laavâst auktorisistum jurgâleijein (1231/2007) uáivildum vuoigâdvuotâ toimâđ auktorisistum jurgâleijen suomâkielâst tavesämikielân teikâ nubijkulij. Pargo álgá 11.4.2022 tâi sopâmuš mield já juátkoo 31.8.2022 räi já máhđulávt ton maŋa.

Pargoost lii kyehti mánuppaje keččâlemäigi. Jurgâleijee pälkki meriduvvoo Sämitige pälkkivuáháduv vátávâšvuotâtääsi IV/IV tâi V/II mield (vuáđupälkki 2597,07–2247,67 eurod/mp). Vuáđupäälhi lasseen pargoost máksoo 24 % sämikuávlu lase já hárjánemlaseh, moh meriduvvojeh pargohárjánem mield.

Ucâmušâid lahtosijdiskuin kalga toimâttiđ Sämitige čäällimkoodán 3.4.2022 räi čujottâsân: https://www.sympahr.net/public/pq.aspx?37911de4

Lasetiäđuid pargoost addel Sämitige kielâtorvočällee Anne Kirste Aikio +358 40 707 5626. Sämitige tooimân puáhtá uápásmuđ nettičujottâsâst www.samediggi.fi.

21.3.2022
Sämitigge

Anarâš pivtâstem -kirjeest lii valdum uđđâ riäntus

/in , , /by

Ella Sare čäällim kirjeest Anarâš pivtâstem lii valdum uđđâ riäntus. Uđđâ riäntusân láá lasettum ucceeb myenstereh vyesinähkikaperist já motomeh ravvuuh láá tievâsmittum teikkâ tivvum.

Kirje lii tääl finniimist Duodji shopist já Sämitige oppâmaterial nettikäävpist: Ánarâš pivtâstem.

Sämitigge almoot uuccâmnáál meriáigásâš sämmilâš arâšoddâdem materiaalpargee pargo

/in /by

Pargo álgá sopâmuš mield nuuvt jotelávt ko máhđulâš já pištá 31.12.2022 räi.

Materiaalpargee pargon lii vuáváđ já koordinistiđ sämmilâš arâšoddâdem materiaal pyevtittem kulmâ sämikielâin sehe pyevtittiđ já peividiđ siskâlduvváid Kuáti.fi- materiaalpaaŋkin. Lasseen paargon kulá pedagooglaš materiaal vuávám, koordinistem já pyevtittem ohtsâspargoost kielâpiervâlstivrejeijjein. Pargee västid materiaalpargo vuávámist, olâšutmist já raportmistmist. Haavâst lii oovtâsvástádásást sämi kielâ toimâttâh já hovdân tuáimá kielâtorvočällee.

Toholâšvuotâvátámáššán lii pargo vááttám škovlim já sämikielâ táiđu (asâttâs 1727/95). Pargo miänástuvvee hoittám váátá šiev sämmilâškulttuur tobdo, sämmilâš arâšoddâdem já pedagogiik tobdo, materiaalpargo já digitaalâlâš toimâpiirâs tobdo sehe tááiđuh jiečânâs vuávámpargon já olâšutmân ohtsâspargoost eres tuáimeiguin. Pargoost nyevdittuvvoo kyehti mánuppaje keččâlemäigi.

Materiaalpargee pälkki meriduvvoo Sämitige pälkkivuáháduv vátávášvuotâtääsi IV/III-IV mield (vuáđupälkki 2597,09–2645,46e). Vuáđupäälhi lasseen máksojeh sämikuávlu lase 24 % já pargohárjánem miled miärášuvvee hárjánemlaseh. Materiaalpargee pargosaje lii Sämikulttuurkuávdáš Sajosist, já pargo hoittáám uásild káiduspargon lii sopâmuš mield máhđulâš. Rijjâhámásijd pargoucâmušáid lahtosijdiskuin kalga toimâttiđ 31.3.2022 tm. 16.00 räi čujottâssân https://www.sympahr.net/public/pq.aspx?197430e9

Lasetiäđuid pargoost addel kielâtorvočällee Anne Kirste Aikio, anne-kirste.aikio(a)samediggi.fi / puh. 010 839 3124.

Sämitige tooimân puáhtá uápásmuđ nettičujottâsâst www.samediggi.fi.

Anarist 7.3.2022
Sämitigge

Sämitigge almoot uuccâmnáál iäláttâsčällee virgesajasâšvuođâ

/in , /by

Pargon lii ei. valmâštâllâđ sämmilij iäláttâssáid já toi oovdedmân kyeskee aašijd tienuuvt, ete váldoo huámmášumán sämmilij ärbivuáválâš tiätu, sehe toimâđ iäláttâs- já vuoigâdvuotâlävdikode čällen. Iäláttâsčällee pargoh láá miäruštâllum Sämitige pargo-oornigist 26 b §. Pargo álgá nuuvt jotelávt ko máhđulâš já pištá iäláttâsčällee virge uuccâm- já valjimproosees ääigi (s. 2–3 mp). Sämitigge almoot taan sajasâšvuođâ ääigi iäláttâsčällee virge uuccâmnáál, te virgeest perustum ulmuid taat lii pyeri tilálâšvuotâ uápásmuđ iäláttâsčällee toimâkován sehe toimâsuárgán.

Asâttâsân vuáđuduvvee tohálâšvuotâvátámâššân lii virge vaattâm škovlim já lasseen váttoo sämikielâ táiđu (asâttâs 1727/95). Pargo miänástuvvee hoittám váátá šiev sämikulttuur, sämmilii ärbitiäđu, sämikuávlu já -iäláttâsâi sehe haaldâtlij pargoi tubdâm sehe šiev oovtâstpargo- já vuáruvaikuttâstááiđuid. Mij vyerdip meid kiärgusvuođâ jiečânâs porgâmân, šiev ornijdemnaavcâid já naavcâid kierdâđ streesi. Pargoost lii 1 mánuppaje keččâlemäigi. Pälkki meriduvvoo Sämitige pälkkivuáháduv vátávâšvuotâtääsi IV/II-III mield (vuáđupälkki 2706,50–2645,46 eurod/mp). Vuáđupäälhi lasseen máksojeh hárjánemlaseh pargohárjánem mield sehe sämikuávlust porgâdijn 24 % sämikuávlu lase. Ucâmušâid tuođâštusâiguin kalga toimâttiđ Sämitige čäällimkoodán 23.3.2022 räi čujottâsâst: https://www.sympahr.net/public/pq.aspx?a7b9a3d2

Lasetiäđuid pargoost addel haldâttâhhovdâ Pia Ruotsala-Kangasniemi puh. 010 839 3106. Sämitige tooimân puáhtá uápásmuđ nettičujottâsâst www.samediggi.fi

Anarist 8.3.2022
Sämitigg

Pöydällä pidettävä saamen lippu ja liituja muovirasiassa.

Povdiittâs sämikielâi káidusmáttááttâshaavâ vaanhimijehidân 23.3.2022

/in , /by

Sämikielâi káidusmáttááttâs vaanhimijeehid já infotilálâšvuotâ ääšist perustum vaanhimáid 
ko 23.3.2021 tme 18.00–19.00 
Servâmliŋkkâ: Seervâ čuákkimân spokkâlmáin täst

Lieggâsávt tiervâpuáttim Sämikielâi káidusmáttááttâs piiloothaavâ vaanhimijehidân!

Tilálâšvuotâ uárnejuvvoo káidusohtâvuođâ peht Microsoft Teams-čuákkimin. Tilálâšvuođâst oovdânpyehtip haavâ, haavâ pargeid sehe máttáátteijeid. Toos lasseen savâstâllâp haavâ äigikyevdilijn aašijn já eres oovdân puáttee aašijn.

Mij tuáivup, ete nuuvt maaŋgah ko máhđulâš pyehtih uásálistiđ tilálâšvuotân. Jis tilálâšvuotân servâmist láá vädisvuođah, te vääldi ohtâvuođâ hahâpargeid. Kováliih ravvuuh ohjelm kiävtu várás.

Pyeri puáttim! Tiõrv pueʹttem! Bures boahtin! Tervetuloa!

Lasetiäđuh: 

Anni-Sofia Niittyvuopio, hahâhovdâ 
Ucjuv kieldâ 
anni-sofia.niittyvuopio@edu.utsjoki.fi  
040 7012 094 

Arla Magga, hahâkoordinaattor 
Sämitigge 
arla.magga@samediggi.fi  
040 6875 989 

https://www.saamenetaopetus.com/
https://www.samediggi.fi/toiminta/koulutus-ja-oppimateriaali/
https://www.utsjoki.fi/project-article/saamen-kielten-etayhteyksia-hyodyntavan-opetuksen-pilottihanke/ 


Kove: Ville Fofonoff

Povdiittâs máttááttâs uárnejeijei infotilálâšvuotân 16.3.2022

/in , /by

Sämikielâi káidusmáttááttâs – puátteevuođâ huksim 
Infotilálâšvuotâ máttááttâs uárnejeijeid 
ko 16.3.2021 tme 15.00–16.00 
Servâmliŋkkâ: Seervâ čuákkimân spokkâlmáin täst 

Tilálâšvuotâ uárnejuvvoo káidusohtâvuođâ peht Microsoft Teams-čuákkimin. Tilálâšvuođâst oovdânpyehtip haavâ, haavâ máttááttâs já almottâttâm. Toos lasseen savâstâllâp haavâ äigikyevdilijn aašijn já eres oovdân puáttee aašijn sehe västidep máttááttâs uárnejeijei koččâmuššáid.

Lasseen tilálâšvuođâst lii mieldi Susanna Rajala Máttááttâshaldâttâsâst já sun västid koččâmuššáid, moh kyeskih staatâtoorjân.

Mij tuáivup, ete nuuvt maaŋgah ko máhđulâš pyehtih uásálistiđ tilálâšvuotân. Jis tilálâšvuotân servâmist láá vädisvuođah, te vääldi ohtâvuođâ hahâpargeid. Kováliih ravvuuh ohjelm kiävtu várás.

Pyeri puáttim! Tiõrv pueʹttem! Bures boahtin! Tervetuloa!

Lasetiäđuh: 

Anni-Sofia Niittyvuopio, hahâhovdâ 
Ucjuv kieldâ 
anni-sofia.niittyvuopio@edu.utsjoki.fi  
040 7012 094 

Arla Magga, hahâkoordinaattor 
Sämitigge 
arla.magga@samediggi.fi  
040 6875 989 

https://www.saamenetaopetus.com/
https://www.samediggi.fi/toiminta/koulutus-ja-oppimateriaali/
https://www.utsjoki.fi/project-article/saamen-kielten-etayhteyksia-hyodyntavan-opetuksen-pilottihanke/