Sámediggi ohcá anárašgielat oahppamateriálaplánejeaddji virgesadjásačča

Sámediggi almmuha ohcan láhkai anárašgielat oahppamateriálaplánejeaddji virgesadjásašvuođa áigái15.2.2022–31.12.2023.. Sámedikkis barget máŋga oahppamateriálaplánejeaddji, geaid barggut leat meroštallojuvvon Sámedikki bargoortnega 41 §:s. Oahppamateriálaplánejeaddjiid bargun leat ee. fuolahit ovttasbarggus oahppamateriálačálliin oahppamateriálaprošeavttaid ollašuhttimis, oahppamateriálabargojoavkkuid bagadallamis, fuolahit oahppamateriálaide guoski dieđiheamis, Sámedikki oahppamateriálačájáhusas ja -arkiivvas. Oahppamateriálaplánejeaddji barggus, mii dál lea ohcan láhkai, eaktuduvvo erenomážit buorre anárašgiela dáidu. 

Seađáhusvuđot gelbbolašvuođagáibádussan lea virggi eaktudan skuvlejupmi ja lassin gáibiduvvo sámegiela dáidu (ásahus 1727/95). Virggi ceavzilis dikšun eaktuda heivvolaš allaskuvladutkosa, pedagogalaš máhtu, skuvlenáššiid ja hálddahuslaš bargguid dovdama ja buriid ovttasbargo- ja gulahallandáidduid.

Bálká mearrašuvvá Sámedikki bálkávuogádaga gáibádusdási IV/IV mielde (vuođđobálká almmá lasiid haga 2 597,07 euro/mb). Vuođđobálkká lassin máksojuvvojit bargohárjánumi mielde bálvalanlasit ja 24 % sámeguovllu lassi. Virgesadjásašvuohta devdojuvvo 15.2.2022 rájes ja virggi deavdimis čuvvojuvvo guovtti mánotbaji geahččalanáigi.

Ohcamušaid oktan mildosiiguin galgá doaimmahit Sámedikki čállingoddái 1.2.2022 rádjái čujuhussii https://www.sympahr.net/public/pq.aspx?4421272b

Lassedieđuid addiba skuvlenčálli Ulla Aikio-Puoskari 010 839 3112 ja oahppamateriálačálli Petra Kuuva 010 839 3119. Sámedikki doaimmaide sáhttá oahpásmuvvat neahttačujuhusas www.samediggi.fi

Anáris 14.1.2022 Sámediggi