Sámediggi almmuha ohcanláhkái filbmaguovddáža prošeaktabargi mearreáigásaš doaimma

Bargu álgá golggotmánu loahpas ja bistá 28.2.2022 rádjai. Prošeaktabargi bargguide gullet Skábmagovat -eamiálbmogiid filbmafestivála barggut (ea. av-teknihkka, filbmakopiat ja -čájáhusat) ja eará filbmaguovddáža barggut. Barggu menestuvvi dikšumis veahkehit heivvolaš skuvlejupmi, sámegiela máhttu sihke doarvái buorre eaŋgalsgiela máhttu. Prošeaktabargi bálká mearrašuvvá Suoma sámedikki bálkávuogádaga gáibádusdási VII/I mielde (vuođđobálká 1 841,65 euro/mb). Vuođđobálkká lassin máksojuvvojit 24 % sámeguovllu lassi sihke ahkelasit, mat mearrašuvvet bargohárjánumi mielde. Prošeaktabargi doaibmabáiki lea sámekulturguovddáš Sajosis.

Ohcamušaid oktan mildosiiguin galgá doaimmahit sámedikki čállingoddái 15.10.2021 dmu 16.00 rádjai čujuhussii https://www.sympahr.net/public/pq.aspx?71eb92a0

Lassedieđuid barggu birra addá filbmaguovddáža plánejeaddji Tarja Porsanger p. 050 569 6065, tarja.porsanger(at)samediggi.fi. Sámedikki doaimmaide sáhttá oahpásmuvvat neahttačujuhusas www.samediggi.fi ja Skábmagovat Eamiálbmogiid filbmafestiválii čujuhusas www.skabmagovat.fi.

Anáris 4.10.2021 Sámediggi

Govva: Kevin Francett / Skábmagovat