Poske sääʹmjuâǥǥas karttad teâđaid sääʹmǩiõllsain põõrǥâs- da kuälmad sektoor sosiaal- ja tiõrvâsvuõttsueʹrj tuâjjtuejjeeʹjin

/in , /by

Poske sääʹmjuâǥǥas haaʹlad ååʹn õhttsažtuâjast Sääʹmteeʹǧǧin, Puõʹttiääiʹj Soti- kõõskõs haʹŋǩǩõõzz, Soti- raammoođummuš Lappist- haʹŋǩǩõõzz da Lappi puõccihåiddamvuuʹd  kartteed sosiaal-, tiõrvâsvuõtt-, da pueʹrrjieʹllemsueʹrji sääʹmǩiõllsaid tuâjjtuejjeeʹjid põõrǥâs- da kuälmad sektoorâst, nuʹtt što puõʹttiääiʹjest vueiʹtte raʹvvjed sääʹmǩiõllsai kääzzkõõzzi vuäǯǯamvuõđ še põõrǥâs-sektoor kääzzkõspuuʹtteeʹji da kuälmad sektoor puuʹtteejen.

23.6.2021 priimmum soti- oođummšest lij staanum pueʹrrjieʹllemsueʹrji vuõiggâdvuõtt haʹŋǩǩeed kääzzkõõzzid, tâʹl ǥu lij tarbbân põõrǥâs- sektoor kääzzkõspuuʹtteeʹjest, nuʹtt što kääzzkõõzzid vueiʹtte håiddad äʹššmeâldlânji da õõutverddsânji.

Väʹstted kõjldõʹsse lääʹddǩiõʹlˈle (liŋkk ävvan ođđ ikkna).

Väʹstted kõjldõʹsse sääʹmǩiõʹlˈle (liŋkk ävvan ođđ ikkna).

Lââʹssteâđ:
Ida Pirttijärvi,
010 839 3127
ida.pirttijarvi(at)samediggi.fi

Sääʹmteʹǧǧ juätkk mieʹrräiggsaž tâʹvvsääʹm jåårǥlõʹtti tuâj ooccâmääiʹj 31.8.2021 räjja

/in , /by

Jåårǥlõʹtti tuâjjan lij håiddad tâʹvvsääʹm jåårǥlâʹttem- da terminologiatuâjaid ǩiõllkonttrest. Jåårǥlõʹtti ââʹntemkaiʹbbjõssân lij tuõjju šiõttlõs õllškooultuʹtǩǩõs leʹbe jeeʹres škooultõs di lääʹjjest auktorisõsttum jåårǥlõʹttjin (1231/2007) jurddum vuõiggâdvuõtt toiʹmmjed auktorisõsttum jåårǥlõʹttjen lääʹddǩiõlâst tâʹvvsääʹm ǩiõʹlle leʹbe nuuʹbbi õõri. Tuâjj älgg 6.9.2021 leʹbe suåppmõõžž mieʹldd da juätkkai 31.7.2022 räjja da vueiʹtlvânji mâŋŋa tõn. Tuâjast ââʹnet kuuđ määnpââʹj ǩiččlõddâmääiʹj. Jåårǥlõʹtti Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/IV leʹbe V/II meâldlânji (vuâđđpäʹlǩǩ 2597,07-2247,67 euʹrred/mp). Vuâđđpääʹlǩ õõl määuʹset 24 % sääʹmvuuʹd lââʹzz da lõõʹzzid tuõjju haʹrjjnummuž mieʹldd.

Ooccmõõžž meâlddõõzzeezvuiʹm âlgg tooiʹmted Sääʹmteeʹǧǧ piisarkådda  31.8.2021 mõõneeʹst addrõʹsse.https://www.sympahr.net/public/pq.aspx?b450ac2a
fi-FI

Lââʹssteâđaid tuâj pirr oudd Sääʹmteeʹǧǧ kiõllstaanpiisar Anne Kirste Aikio +358 40 707 5626 Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.