Sámediggi jugii skuvllaid giđđafeasttain stipeanddaid oahppiide, geat leat bures menestuvvan sámegiela oahpuin. Stipeanddat juhkkojuvvojedje oktiibuot 15 vuođđooahpahusa čađahan oahppái ja viđa ođđa studentii, geat leat čađahan sámegiela iskosa studeantadutkosis.

Sámedikki stipeandda ožžo čuovvovaš nuorat:

Studeanttat:

Avvila logahat: Juuso Valle (davvisámegiella), Johanna Huhtamella (davvisámegiella), Taina Hakovirta (anárašgiella),

Soađegili logahat: Minja Ylilokka (davvisámegiella),

Ohcejoga sámelogahat: Hánsa Ravna-Pieski (davvisámegiella)

Vuođđooahpahusa čađahan oahppit:

Heahtá vuođđoskuvla: Per-Jona Labba (davvisámegiella), Máret-Elle Valkeapää (davvisámegiella), Juulia Mannela (davvisámegiella), Jutta Keskitalo (davvisámegiella)

Anára skuvla: Diana Kangasniemi (davvisámegiella), Ruut Tervaniemi(anárašgiella)

Avvila badjeskuvla: Sunna Vihervirta (davvisámegiella), Iida Tervahauta (davvisámegiella)

Ohcejohnjálmmi skuvla: Elenna Pieski (davvisámegiella), Iŋgá-Elisa Ravna-Pieski (davvisámegiella)

Gáregasnjárgga skuvla: Vilma Halonen (davvisámegiella)

Vuohču skuvla: Anttu Sieppi (davvisámegiella)

Nástegieldda skuvla, Soađegilli: Enni Siivola (davvisámegiella)

Kastelli skuvla, Oulu: Hilda Huusko (davvisámegiella)

Oarjebiekká skuvla, Oulu: Elle Haataja (davvisámegiella)

Sámediggi sávvá lihku ja buorre geasseluomu buohkaide!

Ohcejoga gieldda ja Sámedikki oktasaš sámegielaid gáiddusoahpahusa pilohttafidnu lea ožžon joatkkaruhtadeami. Oahpahus- ja kulturministeriija lea juolludan fidnui ruhtadeami jagi 2023 rádjái. Sámegielaid gáiddusoahpahusfidnu álggii jagi 2018 ja dálá ruhtadeapmi lea juolluduvvon jagi 2021 lohppii.

Prošeaktahoavda Hanna Helander illuda joatkkaruhtadeamis. Dat doarju fitnu ulbmila stáđásmahttit sámegielaid gáiddusoahpahusa Suomas.

– Sullii 70 proseantta vuođđoskuvlaahkásaš sámemánáin ásset ja vázzet skuvlla sámiid ruovttuguovllu gielddaid olggobealde. Lea hui dehálaš, ahte maiddái sii ožžot vejolašvuođa oahppat iežaset soga giela. Sámegielaid oahpahusa stáđásmahttin sámeguovllu olggobealde lea guovddáš ovdáneapmi dáid sámemánáid ja -nuoraid giela ja kultuvrra ovdii, Helander deattuha. 

Maiddái ovddidanbargojoavku evttoha oahpahusa stáđásmahttima

Oahpahus- ja kulturministeriija ásahii jagi 2020 sámegielaid ja sámegielat oahpahusa ovddidanbargojoavkku, man raporta gárvánii dán jagi cuoŋománus. Maiddái bargojoavku evttoha sámeoahpahusa stáđásmahttima sámiid ruovttuguovllu olggobealde.

Sámegielaid oahpahus gáiddusin lea leamašan buorre čoavddus daidda skuvllaide, main lagašoahpahusa ordnen ii leat vejolaš, muitala Sámedikki skuvlen- ja oahppomateriálalávdegotti sátnejođiheaddji Tauno Ljetoff.

– Sámegielat leat nu áitatvuložat, ahte daid oahpahusa galggalii stáđásmahttit nu johtilit go vejolaš. Dán muttus lea buorre, ahte fidnodoaibma joatkašuvvá, muhto mii vuordit sakka bissovaš čovdosiid, Ljetoff muitala.  

Sámegielaid gáiddusoahpahusfidnu ordne Suomas hubmojuvvon golbma sámegiela, anáraš-, nuortalaš- ja davvisámegiela, oahpahusa sámiid ruovttuguovllu (Ohcejoga, Anára, Eanodaga ja Soađegili davveoasi) olggobealde. Fitnu oahppiidlohku lea lassánan juohke jagi. Dál fitnu bokte sámegiela oahpahusa gazzet miehtá Suoma 92 oahppi, sis 44 davvisámegiela, 27 anárašgiela ja 20 nuortalašgiela. Fitnus leat mielde 35 oahpahusa ordnejeaddji ja 59 skuvlla.

Lassedieđut:

Hanna Helander
Prošeaktahoavda
040 7012 094
hanna.helander(at)edu.utsjoki.fi

Arla Magga
Prošeaktakoordináhtor
040 198 5033
arla.magga(at)samediggi.fi