Saamelaiskäräjien toinen varapuheenjohtaja Leo Aikio.Kove: Ville Fofonoff

Leo Aikio anarâšaašij ráđádâllâmkode saavâjođetteijen

/in /by

Anarâšaašij ráđádâllâmkode saavâjođetteijen väljejui Leo Aikio já värisaavâjođetteijen Aslak Pekkala. Ráđádâllâmkodde čokkânij majebaargâ 8.12.2020. Čuákkimist kieđâvuššii ráđádâllâmkode ornijdum lasseen Sämitige toimâohjelm 2020-2023 uulmijd anarâšâi uáinust sehe sämmilij tuotâvuotâ- já sovâdâttâmproosees.

Ráđádâllâmkodde savâstâllii čuákkimist Sämitige toimâohjelm 2020-2023 uulmijn anarâšâi uáinust já eromâšávt savâstâlmijn poođij oovdân säämi kielâlaavâ olášum anarâškielâ uásild. Čuákkim meid kieđâvušâi äigikyevdilis kejâstuv sämmilij tuotâvuotâ- já sovâdâttâmprosesist já ráđádâllâmkodde puovtij oovdân, ete anarâšâi já anarâškielâlij sajattâh váldoo huámmášumán.

– Anarâšaašij ráđádâllâmkodde lii uđđâ toimâorgaan Sämitiggeest já lii tergâd, ete mij peessâp ráđádâllâmkode pargoost aalgân. Ulmen lii, ete ráđádâllâmkodde čokkân táárbu mield já oovded äigikyevdilijd aašijd, moh kyeskih anarâššáid, iätá ráđádâllâmkode saavâjođetteijee já Sämitige II värisaavâjođetteijee Leo Aikio.

Sämitige čuákkim 1/2020 asâttij anarâšaašij ráđádâllâmkode toimâpajan 2020-2023. Ráđádâllâmkoodán nomâttui Leo Aikio, Aslak Pekkala, Asko Länsman, Inka Kangasniemi, Anu Avaskari ja Anni Koivisto. Ráđádâllâmkode tárguttâssân lii ovdediđ anarâšâi aašijd já sajattuv.

Ráđádâllâmkode pargon lii adeliđ ciälkkámušâid Sämitige stiivrân já lävdikuddijd anarâššáid kyeskee aašijn, čuávvuđ anarâššáid kyeskee aašij ovdánem, toimâđ äššitobden anarâššáid kyeskee aašijn sehe toohâđ iävtuttâsâid anarâššáid kyeskee koččâmušâin.

Kove: Ville-Riiko Fofonoff

 

Lasetiäđuh:

Sämitige II värisaavâjođetteijee Leo Aikio puh. 040 621 6505 / 010 839 3180, leo.aikio(at)samediggi.fi

Viestâdemčällee Johanna Alatorvinen puh. 010 839 3140 / 040 663 4493, johanna.alatorvinen(at)samediggi.fi

Šiev jiečânâsvuođâpeivi 6.12.2020

/in /by

Buori iehčanasvuođabeaivvi!

Šiev jiečânâsvuođâpeivi!

Šiõǥǥ jiõččnažvuõttpeeiʹv!

Hyvää itsenäisyyspäivää!

Happy Independence Day Finland!

Sosiaal- já tiervâsvuođâministeriö: Koronaepidemia huánnán – tekstâviestâ kuávlulij ravvui toorjân

/in , /by

Koronavirustile lii huánánâm masa jyehi kuávlust Suomâst majemui ohoi ääigi. Ko tile lii sierâ kuávluin sierâlágán, te meid avžuuttâsah já raijiittâsah sättih leđe sierâlágáneh.

Avžuuttâsâi já raijiittâsâi ulmen lii estiđ koronavirus levânem, turviđ tiervâsvuođâhuolâttâs kyeddimnaavcâ já suojâliđ eromâšávt ulmuid, kiäh kuleh riskâjuávkun.

Sosiaal- já tiervâsvuođâministeriö lii sooppâm syemmilij puhelinoperaattorijguin já etikuávdášlájádâsâiguin, ete Suomâst tuáimee operaattorij operaattorsopâmuššáid vuolgâttuvvoo koronavirusân kyeskee tekstâviestâ.

Viestâst avžuutteh nuávdittiđ adelum avžuuttâsâid já raijiittâsâid, vâi tavdâ jaska leevvânmist. Viestâ siskáldâs lii: ”STM koronatiäđáttâs: Epidemiatile Suomâst huánnán. Suoijii jieijâd já iärásijd. Nuávdit jieijâd kuávlu avžuuttâsâid já raijiittâsâid. Lasetiäđuh thl.fi/alueet”

Kuávluliih raijiittâsah já avžuuttâsah láá nurrum pyecceetipšopirrâduvâi viermisiijđoin, moi čujottâsâid Tiervâsvuođâ já pyereestvaijeem lájádâs lii nuurrâm oovtâ siijđon:

Tekstâviestâ lii ohtâ tain tooimâin, moin jyehih tiäđu koronaepidemiatile huánnánmist. Viestâ vuolgâttuvvoo suomâkielân, ruotâkielân, eŋgâlâskielân já tavesämikielân.

Viestâid vuolgâtškyetih koskoho juovlâmáánu 2. peeivi. Toimânadelem operaattoráid vuálgá ovdil koskâpeeivi já palvâlus vuálgá joton forgâ ton maŋa. Viestah toimâttuvvojeh sierâ mudoin, te toh sättih puáttiđ ulmuid sierâ aaigijn.

Lasetiäđuh

kiärgusvuotâhovdâ Pekka Tulokas, STM, p. 0295 163 202, ovdânommâ.suhânommâ@stm.fi

Säämi muusikkuávdáš pyevtittij konsertvuárhá Angelit-muusikjuávhoin

/in , /by

Angelit-juávhu konsert lii tääl puohâi keččâmnáál 31.1.2021 räi: https://www.youtube.com/watch?v=TTyAVklAbaY

Säämi muusikkuávdáš pyevtittij párnái- já nuorâikonsertvuárhá Angelit-muusikjuávhoin. Angelit lii ohtâ tobdosumos já kuhemustáá pištee karrieer porgâm sämimuusikjuávkku. Juávhu jesâneh láá Ursula Länsman já Tuuni Partti sehe kiitaar čuojâtteijee Eero Nurmela. Tääl pyevtittum konsertvuárkká lii eromâš, tastko fáárust lii Ulla Pirttijärvi-Länsman, kote lâi algâaalgâst Angelin tytöt -juávhu jeessân.

Konsertvuárkká juáhhoo škovláid já peivikiäjoid keččâmnáál nuuvtá juovlâmáánu ääigi. Návt säämi muusikkuávdáš viggá pyehtiđ sämimuusik uáinojeijen meid koronapandemia ääigi, ko livekonsertijd ij pyevti orniđ.

– Säämi muusikkuávdáš lii ärbivuáválávt ornim jyehi ive škovlâkonsertturnee sämikuávlu kieldâin sierâ artistijn. Covid-19-pandemia tiet ep puáhtám orniđ turnee taan ive, mutâ halijdijm kuittâg faallâđ sämimuusikfeerim konsertvuárhá häämist, muštâl säämi muusikkuávdáá vuávájeijee Oula Guttorm.

Konsertvuárkká lii pyevtittum säämi kulttuurkuávdáš Sajos já säämi máttááttâskuávdáá medialinjá oovtâstpargoin.

Konsertvuárkká pištá suulân 45 minuttid já tom puáhtá koijâdiđ säämi muusikkuávdáást, oula.guttorm(at)samediggi.fi.

Lasetiäđuh:

Säämi muusikkuávdáá vuávájeijee
Oula Guttorm
oula.guttorm(at)samediggi.fi
0406674545

Sämitigge mieđeet stipendijd kuuđâ ollâškovlâuáppei

/in , /by

Oula Järvensivu, Paula Rauhala, Minna Länsman, Rauna Saijets, Ida Maria Helander ja Jonna Kesti finnejeh taan ive Sämitige ollâškovlâuáppeid uáivildum stipendijd. Sämitigge almottij roovvâdmáánu 12. peeivi uccâmnáál ohtsis kuttâ 500 euro stiipeend, moh lijjii uáivildum sämikielâ já/teikkâ sämikulttuur válduaamnâs- já uálgiaamnâsuáppeid sehe uáppeid, kiäh uásálisteh ollâtääsi škovliittâsân, mii vaalmâšt sämikielâlâš pargoelimân.

Stiipeenducâmušah pottii ohtsis 8. Stiipeend uuccâmäigi nuuvâi 11. skammâmáánu. Škovlim- já oppâmateriallävdikodde meridij stipendij jyehimist 25.11. čuákkimist.

Oula Järvensivu lohá Oulu ollâopâttuvvâst tavesämikielâ uáiviamnâsin. Paula Rauhala lohá Taažâ Arktisâš ollâopâttuvvâst Tromsâst Indigenous Studies -oppâolesvuođâ. Minna Länsman uáivi-aamnâs Oulu ollâopâttuvvâst lii sämmilâš kulttuur, já uálgiamnâsin sun lohá tavesämikielâ já museologia. Rauna Saijets lohá sämikielâ já sämmilâš kirjálâsvuođâ Sámi Allaskuvlast Kuovdâkiäinust. Ida Maria Helander lohá sämmilâs kulttuur já tavesämikielâ Oulu ollâopâttuvvâst. Jonna Kesti lohá sosionoomuápuid Laapi áámmátollâškoovlâst Kiemâst.

Sämitigge kijttá puoh stiipeendocceid já tuáivut juáhážân luho já miänástume sehe uápuin et puáttee pargoelimist!