KOLLEKIELÂ – Tave-eennâmlâš säämi kielâpalhâšume juáhhoo čohčuv 2020

Kollekielâ – Tave-eennâmlâš säämi kielâpalhâšume juáhhoo oovcád tove skammâmáánust 2020 sämmi­lâš­aašijn västideijee ministerij já Sämitigij saavâjođetteijei kuáhtáámist Helsigist. Palhâšume mieđettuvvoo ovtâskâsulmuid tâi siärváduvváid Taažâst, Ruotâst, Suomâst tâi Ruošâst sämikielâi oovdedmân.

Palhâšume láá vuáđudâm Taažâ, Suomâ já Ruotâ sämmilâšaašijn västideijee ministereh oovtâst tai enâmij Sämitigij saavâjođetteijeiguin. Palhâšume juohhui vuossâmuu keerdi ive 2004 já tot juáhhoo jyehi nube ive. Palhâšume stuárudâh lii 15 000 eurod.

Kielâpalhâšume ulme

Kielâpalhâšume ulmen lii išediđ sämikielâi oovdedmist tâi siäilutmist Taažâst, Ruotâst, Suomâst já Ruošâst.

Kii puáhtá finniđ palhâšume?

Kielâpalhâšume mieđettuvvoo ovtâskâsulmuid (meid juávkku) tâi siärváduvváid (meid servi, lájá­dâs) moh láá mávsulávt toimâm merhâšittee vuovvijn sämikielâ oovdedmân tâi siäilutmân. Palhâšu­me puáhtá mieđettiđ om. kirjálâš, njálmálâš tâi eres áánsuin, moh sajaduveh vijđáht jieškote-uv toi­mâ­suorgijd. Palhâšume puáhtá jyehiđ maaŋgâi vyeittei kooskâ.

Almoot jieijâd iävtukkâs!

Ovtâskâsolmooš, juávkku tâi siärvádâh Taažâst, Ruotâst, Suomâst já Ruošâst puáhtá toohâđ jieijâs iävtuttâs ive 2020 palhâšume uážžost. Iävtuttâs palhâšume uážžost já enâmustáá 1-2 siijđo kukkosâš kirjálâš vuáđustâllâm kalga toimâttiđ majemustáá 16.8.2020 čujottâsân.

Kollekielâ – árvuštâllâmkomitea čällee
Anne Kirste Aikio
Sämitigge
anne-kirste.aikio(at)samediggi.fi