Ságastallandilálašvuohta Gáregasnjárggas 11.10.

Boađe ságastallat áigeguovdilis áššiin Gáregasnjárgii!

Sámedikki stivrra lágidan ságastallandilálašvuođat joatkašuvvet. Stivra ordne ságastallandilálašvuođa Hánssa baaris bearjadaga 11.10.2019 dmu 17-19. Dilálašvuođa dárkkuhussan lea deaivvadit guovllu sámiiguin ja ságastallat áigeguovdilis áššiin.

Sámedikki stivra sávvá Gáregasnjárgga guovllu sámiid bures boahtán ságastallandilálašvuhtii! Fállat káfiid.

”Háliidit stivrrain joatkit vel ságastallandilálašvuođaid lágideami ná loahppa doaibmabaji áigge. Ságastallandilálašvuođat leat vuogas dilálašvuohta beassat ságastallat ja lonuhit jurdagiid Sámedikki ja erenomážit stivrra barggu birra iešguđege guovllu sámiiguin. Dilálašvuođain lea maiddái buorre vejolašvuohta addit rávvagiid ja doaivagiid boahttevaš Sámediggái”, dadjá ságajođiheaddji Sanila-Aikio ja sávvá buohkaid áššis beroštuvvan olbmuid leat bures boahtin dilálašvuhtii.

Lassidieđut

Ságajođiheaddji Tiina Sanila-Aikio, tel. 050 300 1780, tiina.sanila-aikio(at)samediggi.fi