Sámediggi almmuha ohcan láhkai kulturčálli virggi

Kulturčálli barggut leat meroštallon Sámedikki bargoortnegis 24 §:s.  Kulturčálli bargun lea ee. válmmaštallat sámiid kultuvrii guoski áššiid, dikšut sámi kulturmearreruđa hálddašeapmái gullevaš bargguid sihke doaibmat kulturlávdegotti áššemeannudeaddjin ja čállin. Bargu álgá 2.5.2019. Virggi sajustanbáikin lea Sámedikki doaibmabáiki sámiid ruovttuguovllus.

Seađusvuđot gelbbolašvuođagáibádussan lea virggi eaktudan skuvlejupmi ja lassin  gáibiduvvo sámegiela dáidu (ásahus 1727/95).  Virggi ceavzilis dikšun eaktuda  sámekultuvrra, sámi árbevirolaš dieđu ja hálddahusbargguid buori dovdamuša sihke buriid ovttasbargan- ja gulahallandáidduid. Vuordit maiddái máhtu iešráđálaš bargamii, buriid organiseren- ja streassagierdannávccaid.

Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2596,52 euro/mb). Vuođđobálkká lassin máksojuvvojit ahkelasit, mat mearrašuvvet bargohárjánumi mielde, ja sámeguovllus barggadettiin 24 %:a sámeguovllu lassi. Virggis čuvvojuvvo guđa mánotbaji geahččalanáigi.

Ohcamuša duođaštusaiguin galgá doaimmahit Sámedikki čállingoddái 28.3.2019 dmu 16.00 rádjai čujuhusain info@samediggi.fi Lassidieđuid barggus addá hálddahushoavda Pia Ruotsala-Kangasniemi tel. 010 839 3106. Sámedikki doibmii sáhttá oahpásmuvvat neahttačujuhusas www.samediggi.fi

 

 

Anáris 27.2.2018 Sámediggi