Sámediggi almmuha ohcan láhkai ovdačilgehusprošeavtta plánejeaddji mearreáigásaš barggu

/in , /by

Ovdačilgehusprošeavttas čilgejuvvo, makkár eavttuiguin ja doaibmabijuiguin sámiid kultur- ja giellabeassedoaimma sáhttá sirdit gielddain ja servviin Sámedikki vuollásažžan. Kultur- ja giellabeassedoaibma lea giellalávgunmetodain ollašuhtton sámi árrabajásgeassin. Anáraš-, nuortalaš- dahje davvisámegielat kultur- ja giellabeassejoavkkut doibmet dál oktiibuot 12. Plánejeaddji bargun lea čielggadit ja válmmaštallat doaibmabijuid, maid giellabeassedoaimma hálddahusa sirdin eaktuda. Bargu álgá soahpamuša mielde nu jođánit go vejolaš ja bistá 4 mánotbaji.

Gelbbolašvuođagáibádussan lea barggu eaktudan heivvolaš skuvlejupmi. Barggu ceavzilis dikšun gáibida viiddes árrabajásgeassinsuorggi dovdamuša, návcca iešráđálaš čilgenbargui sihke plánen- ja organiserennávcca.  Čilgehusprošeavttas vástida sámegiela doaimmahat ja jođiheaddjin doaibmá gielladorvočálli. Barggus čuvvojuvvo guovtte mánotbaji geahččalanáigi.

Plánejeaddji bálkkámáksin mearrašuvvá Sámedikki bálkávuogádaga gáibádusdási IV/IV mielde (vuođđobálká 2491,54 e). Vuođđobálkká lassin máksojuvvojit sámeguovllu lassi 24 % ja bargohárjánumi mielde ahkelasit. Friijahápmásaš bargoohcamušaid mildosiiguin galgá doaimmahit Sámedikki čállingoddái 15.2.2019 rádjai čujuhussii info(at)samediggi.fi Lassidieđuid addá gielladorvočálli Anne Kirste Aikio, anne-kirste.aikio(at)samediggi.fi / tel. 010 839 3124. Sámedikki doibmii sáhttá oahpásmuvvat čujuhusas www.samediggi.fi.

Anáris 1.2.2019 Sámediggi