KÅʹLLǨIÕLL – Tâʹvvjânnmallaš sääʹmǩiõl ǩiõllciist jueʹjjet kääucad vuâra čâhčča 2018 sääʹmaaʹššin vaʹstteei ministeeʹri da sääʹmtiiʹǧǧi saaǥǥjååʹđteeʹji kaaunõõttmest Oslost skamm-mannust. Ciist miõđât privattoummid leʹbe õõutstõõzzid Taarrjânnmest, Ruõccjânnmest, Lääʹddjânnmest leʹbe Ruõššjânnmest sääʹmǩiõl oouʹdummšest.

Ciist lie vuâđđääm sääʹmaaʹššin Taarrjânnmest, Ruõccjânnmest da Lääʹddjânnmest vaʹstteei ministeeʹr da täi jânnmi sääʹmtiiʹǧǧi saaǥǥjååʹđteei. Ciist jueʹǩǩeš vuõssmõs vuâra eeʹjj 2004 da tõn jueʹjjet juõʹǩǩ nuuʹbb eeʹjj. Cistt lij 15 000 eeuʹr šooraž.

Ǩiõllciist täävtõs
Ǩiõllciist täävtõssân lij oouʹdeed sääʹmǩiõl nâânummuž, ooudummuž da
seillmõõžž Taarrjânnmest, Ruõccjânnmest, Lääʹddjânnmest da Ruõššjânnmest.

Ǩii vuäitt vuäǯǯad ciist?
Ǩiõllciist miõđât privattoummid (ml. joukk) leʹbe õõutstõõzzid (ml. õhttõs, strooiʹtel), kook lie oʹnnstam tuåimmjed miârkkšõõvvâm nalla sääʹmǩiõl oouʹdeem, nââneem leʹbe seeiltem peäʹlest. Ciist vueiʹtet miõttâd ouddmiârkkân ǩeerjlaž, njäälmlaž leʹbe jeeʹres õsttmõõžžin, kook sâjjdâʹtte samai veiddsânji jeeʹres tuåimmvuuʹdid. Ciist vueiʹtet miõttâd õhttân vuõittja, leʹbe tõn vueiʹtet jueʹǩǩed kueiʹt vuõiʹti kõõsk.

Iʹlmmet jiijjad võboršeʹǩǩed!
Privattooumaž, joukk leʹbe õõutstõs Taarrjânnmest, Ruõccjânnmest, Lääʹddjânnmest da
Ruõššjânnmest vuäitt tuejjeed jiiʹjjes eʹtǩǩõõzz eeʹjj 2018 ciist vuäǯǯjest. Eʹtǩǩõs ciist
vuäǯǯjen da jäänmõsân 1-2 seeid ǩeerjlaž vuâđđõõllmõš âlgg tuåimted mââimõõzzâst 9.
čõhččmannu 2018 addrõʹsse:

Gollegiella – bedømningskomiteen
SAMI, Kommunal- og moderniseringsdepartementet,
Postboks 8112 Dep, 0032 Oslo, Norway
Teʹl: +47 22 24 68 46

Neʹttpååʹšt: postmottak@kmd.dep.no

Lââʹzz: https://www.samediggi.fi/tavvjannmallas-saamkiol-kiollcistt/?lang=nuo