26.6.2018

Piiččus – Bižus -mánáidlávllagirjjis lea almmustahtton ođđa preanttus. Girjji lávlagat leat sihke anárašgillii ja davvisámegillii. Ođđa prentosii leat lasihuvvon golbma ođđa anárašgielat lávlaga, mat eai leat jorgaluvvon davvisámegillii.

Girjji lávlagiid sániid ja šuoŋaid lea ráhkadan Aune Kuuva. Helena Hyvärinen lea čállán lávlagiidda nuohtaid. Ilmari Mattus lea sárgon girjji govaid ja jorgalan lávlagiid davvisámegillii. Nuohttagrafihkkárin lea doaibman Timo Leskelä. Ođđa lávlagiidda nuohtaid lea čállán Anna Lumikivi.

Henna Lehtola lea heivehan lávlagiid teavsttaid dálá anárašgiela čállinvuohkái.

Boares prentehus lea jagis 1987.

Ođđa girjjit leat diŋgomis Sámedikki skuvlen- ja oahppomateriáladoaimmahagas.