Sääʹmteʹǧǧ iʹlmmat ooccâmnalla

KOONTÂRPIISAR TUÂJ

Tuâjj älgg suåppmõõžž mieʹldd da peštt 31.12.2018 räjja. Koontârpiisar tuâjaid kooll jm. håiddad almmjallaš konttâr veäʹǩǩen mähsstrafiikk (Heeros), kaaupšemlaasktõõzz, nuʹtt jeeʹres veäʹǩǩteei tällõsvaaldâšm ǥo takai koontârpiisar tuâjaid. Koontârpiisar toiʹmmai taarb mieʹldd vaaldâšmpiisar sâjjsiʹžžen di håidd jeeʹres vaaldâšmjååʹđteei jeäʹrben meäʹrreem tuâjaid. Koontârpiisar toimmpäiʹǩǩ lij Aanrest Sajoozzâst.

Šiõttõsvuâđlaž ââʹntemkaiʹbbjõssân lij tuâj oudldem škooultõs da sääʹmǩiõl täidd (sääʹmteʹǧǧlääʹjjest uvddum asetõs 1727/1995). Tuâj oʹnstam håiddmõõžž ooudâs veäʹǩǩad määŋgbeällsaž härjjnummuš koontârtuâjaid. Uʹvddep äärv jiõččnaž da tääʹrǩes tuejjummša di šiõǥǥ õhttsažtuâjj- da vuârrvaaiktemtääidaid. Päʹlǩǩ meäʹrrââvv Sääʹmteeʹǧǧ päʹlǩǩriâšldõõǥǥ väʹǯǯelvuõtt-tääʹzz VI da II joouk mieʹldd (vuâđđpäʹlǩǩ 1849,51 euʹrred /mp). Vuâđđpääʹlǩ õõl määuʹset 24 % sääʹmvuuʹd lââʹzz da tuõjju härjjnem mieʹldd meäʹrrõõtti härjjnemlõõʹzzid.

Ooccmõõžžid mätt- da tuâjjtuõđštõõzzivuiʹm šâdd tooimted Sääʹmteeʹǧǧ piisarkådda 9.4.2018 čiâss 16.00 mõõneeʹst addrõõzzin Sajos, 99870 Inari leʹbe info@samediggi.fi Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi teʹl. 010 839 3106 Sääʹmteeʹǧǧ toimmjummša vuäitt tobdstõõttâd neʹttaddrõõzzâst www.samediggi.fi

Aanrest 26.3.2018 Sääʹmteʹǧǧ

Sääʹmteʹǧǧ iʹlmmat ooccâmnalla

MIEʹRRÄIGGSAŽ JIEʹLLEMVUEʹǨǨPIISAR

tuâj. Piisar tuâjjan lij jm. valmštõõllâd sääʹm jieʹllemvuõʹjjid da sääʹm dommvuuʹd mäddââʹnnma kuulli aaʹššid toimmvouddses kuulli aaʹššin di tuejjeed jieʹllemvueʹǩǩ- da vuõiggâdvuõttluʹvddkååʹdd aaʹšši valmštõõllʼjen. Tuâjj älgg suåppmõõžž mieʹldd da peštt aainâs 31.12.2018 räjja. Teäggtõõzz ainsmâʹttem mâŋŋa tuâjj juätkkjeʹči eeʹjjest 2019.

Tuâj põõrǥât vuäǯǯad põõššjen eeʹjj 2019 äiʹǧǧen. Šiõttõsvuâđlaž ââʹntemkaiʹbbjõssân lij veeʹrj oudldem škooultõs da lââʹssen kaiʹbbjet sääʹmǩiõl tääid (asetõs 1727/95).  Tuâj oʹnstam håiddmõš õõlǥat šiõǥǥ sääʹmkulttuur, sääʹmvuuʹd da -jieʹllemvuõʹjji tobddmõõžž. Päʹlǩǩ meäʹrrââtt Sääʹmteeʹǧǧ päʹlǩǩriâšldõõǥǥ väʹǯǯelvuõtt-tääʹzz IV/IV-II mieʹldd (vuâđđpäʹlǩǩ 2 466,87 – 2 570,81 euʹrred /mp kõõskâst). ). Vuâđđpääʹlǩ lââʹssen määuʹset tuâjast haʹrjjnem mieʹldd meäʹrrõõtti haʹrjjnemlõõʹzzid  di 24 % sääʹmvuuʹd lââʹzz, jõs tuâjjlaž tuejjad sääʹmvuuʹdest.

Ooccmõõžžid mieʹlddõõzzeezvuiʹm šâdd tooiʹmted Sääʹmteeʹǧǧ piisarkådda 4.4.2018 čiâss 16.00 mõõneeʹst addrõõzzin Sajos, 99870 Inari leʹbe addrõʹsse info@samediggi.fi. Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi teʹl. 010 839 3106. Sääʹmteeʹǧǧ toimmjummša vuäitt tobdstõõttâd neʹttaddrõõzzâst www.samediggi.fi

Aanrest 19.3.2018 Sääʹmteʹǧǧ

Sääʹmteʹǧǧ iʹlmmat ooccâmnalla

MIEʹRRÄIGGSAŽ AAʹŠŠI OUʹDDEPUʹHTTI TUÂJ

Aaʹšši ouʹddepuʹhtti väʹlddtuâjjan lij tuejjeed sosiaal- da tiõrvâsvuõttluʹvddkååʹdd aaʹšši ouʹddepuhttjen da piisren. Tuâjj älgg 2.4.2018 da poott 28.7.2018. Tuâjjla toimmpäiʹǩǩ lij sääʹmkulttuurkõõskõs Sajoozzâst, Aanrest.

Šiõttõsvuâđđlaž ââʹntemkaiʹbbjõssân lij veeʹrj ooudldem škooultõs da lââʹssen kaiʹbbjet sääʹmǩiõl tääid (asetõs 1727/95). Tuâi oʹnstam håiddmõõžž veäʹǩǩat ââʹnteei õllškooultuʹtǩǩõs, šiõǥǥ sääʹm sosiaal- da tiõrvâsvuõttsueʹrj tobddmõš. Šiõǥǥ vaaldšmallaš tuâjai da täällvaaldšem tobddmõõžž ǩiõččât pueʹrren. Päʹlǩǩ meäʹrrââtt sääʹmteeʹǧǧ päʹlǩǩriâšldõõǥǥ väʹǯǯelvuõtt-tääʹzz IV/IV-II mieʹldd (vuâđđpäʹlǩǩ lij 2 466,87 – 2 570,81 euʹrred/mp). Vuâđđpääʹlǩ õõl määuʹset 24 % sääʹmvuuʹd lââʹzz da tuõjju härjjnem mieʹldd meäʹrrõõtti härjjnemlõõʹzzid.

Ooccmõõžž mieʹlddõõzzeezvuiʹm âʹlǧǧe tooimted sääʹmteeʹǧǧ piisarkådda 26.3.2018 čiâss 16.00 mõõneeʹst addrõõzzin Sajos, 99870 Aanar / info(at)samediggi.fi. Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi teʹl. 010 839 3106. Sääʹmteeʹǧǧ toimmjummša vuäitt tobdstõõttâd neʹttaddrõõzzâst www.samediggi.fi

Aanrest 12.3.2018 Sääʹmteʹǧǧ